“Jānanto no mahārāja, tava sīlaṁ janādhipo; Ime kumāre pūjento, na taṁ kenaci maññatha.

Tiṭṭhante no mahārāje, adu deve divaṅgate;
adu → ādu (bj, pts-vp-pli1); ādū (sya1ed, sya2ed) Ñātī taṁ samanuññiṁsu, sampassaṁ atthamattano.

Kena saṁvara vattena, sañjāte abhitiṭṭhasi; Kena taṁ nātivattanti, ñātisaṅghā samāgatā”.

“Na rājaputta usūyāmi, samaṇānaṁ mahesinaṁ;
Na rājaputta usūyāmi → na rājaputta usuyyāmi (bj, pts-vp-pli1); na rājaputta ussuyyāmi (sya1ed, sya2ed); rājaputta nussuyyāmi (mr) Sakkaccaṁ te namassāmi, pāde vandāmi tādinaṁ.

Te maṁ dhammaguṇe yuttaṁ, sussūsamanusūyakaṁ; Samaṇā manusāsanti, isī dhammaguṇe ratā.
manusāsanti → samanusāsanti (bj); samanussāsanti (sya1ed, sya2ed); samaṇā anusāsanti (pts-vp-pli1)

Tesāhaṁ vacanaṁ sutvā, samaṇānaṁ mahesinaṁ; Na kiñci atimaññāmi, dhamme me nirato mano.

Hatthārohā anīkaṭṭhā, rathikā pattikārakā; Tesaṁ nappaṭibandhāmi, niviṭṭhaṁ bhattavetanaṁ.
Tesaṁ → tesu (pts-vp-pli1) niviṭṭhaṁ → nibaddhaṁ (bj, pts-vp-pli1)

Mahāmattā ca me atthi, mantino paricārakā; Bārāṇasiṁ voharanti, bahumaṁsasurodakaṁ.

Athopi vāṇijā phītā, nānāraṭṭhehi āgatā; Tesu me vihitā rakkhā, evaṁ jānāhuposatha”.

“Dhammena kira ñātīnaṁ, rajjaṁ kārehi saṁvara; Medhāvī paṇḍito cāsi, athopi ñātinaṁ hito.
cāsi → cāpi (bj, pts-vp-pli1) ñātinaṁ → ñātīnaṁ (bj, sya1ed, sya2ed)

Taṁ taṁ ñātiparibyūḷhaṁ, nānāratanamocitaṁ; Amittā nappasahanti, indaṁva asurādhipo”ti.

Saṁvarajātakaṁ aṭṭhamaṁ.