“Ummujjanti nimujjanti, manussā khuranāsikā; Suppārakaṁ taṁ pucchāma, samuddo katamo ayaṁ”.

“Kurukacchā payātānaṁ, vāṇijānaṁ dhanesinaṁ;
Kurukacchā → bharukacchā (bj, sya1ed, sya2ed, pts-vp-pli1) Nāvāya vippanaṭṭhāya, khuramālīti vuccati”.

“Yathā aggīva suriyova, samuddo paṭidissati;
aggīva suriyova → aggi suriyo ca (sya1ed, sya2ed); aggīva sūriyo (mr) Suppārakaṁ taṁ pucchāma, samuddo katamo ayaṁ”.

“Kurukacchā payātānaṁ, vāṇijānaṁ dhanesinaṁ; Nāvāya vippanaṭṭhāya, aggimālīti vuccati”.

“Yathā dadhīva khīraṁva, samuddo paṭidissati;
dadhīva khīraṁva → dadhiṁva khīraṁva (bj); dadhi ca khīrañca (sya1ed, sya2ed); dadhiṁ va khīraṁ (pts-vp-pli1) Suppārakaṁ taṁ pucchāma, samuddo katamo ayaṁ”.

“Kurukacchā payātānaṁ, vāṇijānaṁ dhanesinaṁ; Nāvāya vippanaṭṭhāya, dadhimālīti vuccati”.
dadhimālīti → khīramālīti (mr)

“Yathā kusova sassova, samuddo paṭidissati; Suppārakaṁ taṁ pucchāma, samuddo katamo ayaṁ”.

“Kurukacchā payātānaṁ, vāṇijānaṁ dhanesinaṁ; Nāvāya vippanaṭṭhāya, kusamālīti vuccati”.

“Yathā naḷova veḷūva, samuddo paṭidissati; Suppārakaṁ taṁ pucchāma, samuddo katamo ayaṁ”.

“Kurukacchā payātānaṁ, vāṇijānaṁ dhanesinaṁ; Nāvāya vippanaṭṭhāya, naḷamālīti vuccati”.

“Mahabbhayo bhiṁsanako, saddo suyyatimānuso;
saddo suyyatimānuso → samuddo suyyata'mānuso (bj, pts-vp-pli1) Yathā sobbho papātova, samuddo paṭidissati; Suppārakaṁ taṁ pucchāma, samuddo katamo ayaṁ”.

“Kurukacchā payātānaṁ, vāṇijānaṁ dhanesinaṁ; Nāvāya vippanaṭṭhāya, baḷavāmukhīti vuccati.
baḷavāmukhīti → vaḷavāmukhīti (bj); balavāmukhīti (sya1ed, sya2ed, mr); vaḷabhāmukhīti (pts-vp-pli1)

Yato sarāmi attānaṁ, yato pattosmi viññutaṁ; Nābhijānāmi sañcicca, ekapāṇampi hiṁsitaṁ; Etena saccavajjena, sotthiṁ nāvā nivattatū”ti.

Suppārakajātakaṁ navamaṁ.

Ekādasakanipātaṁ niṭṭhitaṁ.

Tassuddānaṁ

Sirimātusuposakanāgavaro, puna juṇhaka dhammamudayavaro; Atha pāni yudhañcayako ca dasa- ratha saṁvara pāragatena navāti.