“Kāni kammāni kubbānaṁ, kathaṁ viññū parakkame; Amittaṁ jāneyya medhāvī, disvā sutvā ca paṇḍito”.

“Na naṁ umhayate disvā, na ca naṁ paṭinandati; Cakkhūni cassa na dadāti, paṭilomañca vattati.
Cakkhūni cassa → cakkhūnissa (sya1ed, sya2ed, mr)

Amitte tassa bhajati, mitte tassa na sevati; Vaṇṇakāme nivāreti, akkosante pasaṁsati.

Guyhañca tassa nakkhāti, tassa guyhaṁ na gūhati; Kammaṁ tassa na vaṇṇeti, paññassa nappasaṁsati.

Abhave nandati tassa, bhave tassa na nandati; Accheraṁ bhojanaṁ laddhā, tassa nuppajjate sati;
Accheraṁ → acchariyaṁ (bj, sya1ed, sya2ed, pts-vp-pli1) Tato naṁ nānukampati, aho sopi labheyyito.
aho sopi → ahāsopi (si, sya1ed, sya2ed, mr)

Iccete soḷasākārā, amittasmiṁ patiṭṭhitā; Yehi amittaṁ jāneyya, disvā sutvā ca paṇḍito”.

“Kāni kammāni kubbānaṁ, kathaṁ viññū parakkame; Mittaṁ jāneyya medhāvī, disvā sutvā ca paṇḍito.

Pavutthaṁ tassa sarati, āgataṁ abhinandati; Tato kelāyito hoti, vācāya paṭinandati.

Mitte tasseva bhajati, amitte tassa na sevati; Akkosante nivāreti, vaṇṇakāme pasaṁsati.

Guyhañca tassa akkhāti, tassa guyhañca gūhati; Kammañca tassa vaṇṇeti, paññaṁ tassa pasaṁsati.
paññaṁ tassa → paññamassa (sya1ed, sya2ed, mr)

Bhave ca nandati tassa, abhave tassa na nandati;
Bhave ca nandati tassa → bhave nandati tassa ca (mr) Accheraṁ bhojanaṁ laddhā, tassa uppajjate sati;
Accheraṁ → acchariyaṁ (bj, sya1ed, sya2ed, pts-vp-pli1) Tato naṁ anukampati, aho sopi labheyyito.
aho sopi → pahāsopi (sya1ed, sya2ed, mr)

Iccete soḷasākārā, mittasmiṁ suppatiṭṭhitā; Yehi mittañca jāneyya, disvā sutvā ca paṇḍito”ti.
mittañca jāneyya → mittaṁ sujāneyya (pts-vp-pli1, mr)

Mittāmittajātakaṁ dasamaṁ.

Dvādasakanipātaṁ niṭṭhitaṁ.

Tassuddānaṁ

Lahucitta sasāla kasanti puna, atha kāma dasakhaluṭṭhānavaro; Atha kaṇha sukosiya meṇḍavaro, padumo puna mittavarena dasāti.