“Kuṭhārihattho puriso, vanamogayha tiṭṭhasi;
Kuṭhārihattho → kudhārihattho (mr) Puṭṭho me samma akkhāhi, kiṁ dāruṁ chetumicchasi”.

“Isso vanāni carasi, samāni visamāni ca;
Isso → iso (si); īso (sya1ed, sya2ed, pts-vp-pli1) Puṭṭho me samma akkhāhi, kiṁ dāruṁ nemiyā daḷhaṁ”.

“Neva sālo na khadiro, nāssakaṇṇo kuto dhavo; Rukkho ca phandano nāma, taṁ dāruṁ nemiyā daḷhaṁ”.
Rukkho ca → rukkhova (bj, pts-vp-pli1)

“Kīdisānissa pattāni, khandho vā pana kīdiso; Puṭṭho me samma akkhāhi, yathā jānemu phandanaṁ”.

“Yassa sākhā palambanti, namanti na ca bhañjare; So rukkho phandano nāma, yassa mūle ahaṁ ṭhito.

Arānaṁ cakkanābhīnaṁ, īsānemirathassa ca; Sabbassa te kammaniyo, ayaṁ hessati phandano”.

“Iti phandanarukkhopi, tāvade ajjhabhāsatha; Mayhampi vacanaṁ atthi, bhāradvāja suṇohi me.

Issassa upakkhandhamhā, ukkacca caturaṅgulaṁ;
Issassa → imassa (si, mr) | upakkhandhamhā → upakhandhamhā (bj, pts-vp-pli1, mr) Tena nemiṁ pasāresi, evaṁ daḷhataraṁ siyā.
pasāresi → pariharesi (bj, sya1ed, sya2ed, pts-vp-pli1)

Iti phandanarukkhopi, veraṁ appesi tāvade; Jātānañca ajātānaṁ, issānaṁ dukkhamāvahi.

Iccevaṁ phandano issaṁ, isso ca pana phandanaṁ;
Iccevaṁ → icceva (bj, pts-vp-pli1) Aññamaññaṁ vivādena, aññamaññamaghātayuṁ.

Evameva manussānaṁ, vivādo yattha jāyati; Mayūranaccaṁ naccanti, yathā te issaphandanā.

Taṁ vo vadāmi bhaddaṁ vo, yāvantettha samāgatā;
bhaddaṁ vo → bhaddante (mr) Sammodatha mā vivadatha, mā hotha issaphandanā.
vivadatha → māvivadittha (bj, sya1ed, sya2ed, pts-vp-pli1)

Sāmaggimeva sikkhetha, buddhehetaṁ pasaṁsitaṁ;
Sāmaggimeva → sāmagyameva (sya1ed, sya2ed, mr) Sāmaggirato dhammaṭṭho, yogakkhemā na dhaṁsatī”ti.

Phandanajātakaṁ dutiyaṁ.