“Na te kaṭṭhāni bhinnāni, na te udakamābhataṁ; Aggīpi te na hāpito, kiṁ nu mandova jhāyasi”.
hāpito → hāsito (bj, sya1ed, sya2ed)

“Na ussahe vane vatthuṁ, kassapāmantayāmi taṁ; Dukkho vāso araññasmiṁ, raṭṭhaṁ icchāmi gantave.

Yathā ahaṁ ito gantvā, yasmiṁ janapade vasaṁ; Ācāraṁ brahme sikkheyyaṁ, taṁ dhammaṁ anusāsa maṁ”.
brahme → brahmaṁ (mr)

“Sace araññaṁ hitvāna, vanamūlaphalāni ca;
ca → eso (bj); esova (sya1ed, sya2ed, pts-vp-pli1) Raṭṭhe rocayase vāsaṁ, taṁ dhammaṁ nisāmehi me.
ca → yaṁ (bj, pts-vp-pli1)

Visaṁ mā paṭisevittho, papātaṁ parivajjaya;
paṭisevittho → patisevittho (bj, pts-vp-pli1); paṭisevittha (sya1ed, sya2ed, mr) Paṅke ca mā visīdittho, yatto cāsīvise care”.
Paṅke ca mā visīdittho → paṅko ca mā visiyittho (mr)

“Kiṁ nu visaṁ papāto vā, paṅko vā brahmacārinaṁ; Kaṁ tvaṁ āsīvisaṁ brūsi, taṁ me akkhāhi pucchito”.

“Āsavo tāta lokasmiṁ, surā nāma pavuccati; Manuñño surabhī vaggu, sādu khuddarasūpamo;
Manuñño → manuññā (bj, sya1ed, sya2ed, pts-vp-pli1) sādu → madhu (bj, sya1ed, sya2ed) | khuddarasūpamo → … rasūpamā (bj, sya1ed, sya2ed, pts-vp-pli1) Visaṁ tadāhu ariyā se, brahmacariyassa nārada.

Itthiyo tāta lokasmiṁ, pamattaṁ pamathenti tā; Haranti yuvino cittaṁ, tūlaṁ bhaṭṭhaṁva māluto; Papāto eso akkhāto, brahmacariyassa nārada.

Lābho siloko sakkāro, pūjā parakulesu ca; Paṅko eso ca akkhāto, brahmacariyassa nārada.

Sasatthā tāta rājāno, āvasanti mahiṁ imaṁ;
Sasatthā → mahantā (sya1ed, sya2ed, mr) Te tādise manussinde, mahante tāta nārada.

Issarānaṁ adhipatīnaṁ, na tesaṁ pādato care; Āsīvisoti akkhāto, brahmacariyassa nārada.
Āsīvisoti → āsīviso so (bj, pts-vp-pli1)

Bhattattho bhattakāle ca, yaṁ gehamupasaṅkame; Yadettha kusalaṁ jaññā, tattha ghāsesanaṁ care.

Pavisitvā parakulaṁ, pānatthaṁ bhojanāya vā;
pānatthaṁ → pānattho (sya1ed, sya2ed, pts-vp-pli1) Mitaṁ khāde mitaṁ bhuñje, na ca rūpe manaṁ kare.

Goṭṭhaṁ majjaṁ kirāṭañca, sabhā nikiraṇāni ca;
kirāṭañca → kirāsañca (bj, sya1ed, sya2ed); kirāsaṁ vā (pts-vp-pli1) Ārakā parivajjehi, yānīva visamaṁ pathan”ti.

Cūḷanāradajātakaṁ catutthaṁ.
Cūḷanāradajātakaṁ → cullanāradajātakaṁ (bj, pts-vp-pli1); cullanāradakassapajātakaṁ (sya1ed, sya2ed)