“Dūte te brahme pāhesiṁ, gaṅgātīrasmi jhāyato;
brahme → dūte brāhmaṇa (mr) Tesaṁ puṭṭho na byākāsi, dukkhaṁ guyhamataṁ nu te”.
guyhamataṁ → guyhaṁ mataṁ (bj); tuyhaṁ mataṁ (sya1ed, sya2ed, mr)

“Sace te dukkhamuppajje, kāsīnaṁ raṭṭhavaḍḍhana; Mā kho naṁ tassa akkhāhi, yo taṁ dukkhā na mocaye.
tassa → yo ca tathā (pts-vp-pli1)

Yo tassa dukkhajātassa, ekaṅgamapi bhāgaso;
ekaṅgamapi bhāgaso → ekantaṁ api bhāsato (bj, pts-vp-pli1) Vippamoceyya dhammena, kāmaṁ tassa pavedaya.
pavedaya → pavedaye (bj)

Suvijānaṁ siṅgālānaṁ, sakuṇānañca vassitaṁ; Manussavassitaṁ rāja, dubbijānataraṁ tato.

Api ce maññatī poso, ñāti mitto sakhāti vā; Yo pubbe sumano hutvā, pacchā sampajjate diso.

Yo attano dukkhamanānupuṭṭho, pavedaye jantu akālarūpe; Ānandino tassa bhavantimittā, hitesino tassa dukhī bhavanti.
bhavantimittā → bhavanta'mittā (bj, pts-vp-pli1)

Kālañca ñatvāna tathāvidhassa, medhāvīnaṁ ekamanaṁ viditvā; Akkheyya tibbāni parassa dhīro, saṇhaṁ giraṁ atthavatiṁ pamuñce.
tibbāni → tippāni (bj, sya1ed, sya2ed, pts-vp-pli1)

Sace ca jaññā avisayhamattano, na te hi mayhaṁ sukhāgamāya;
na te hi mayhaṁ → nāyaṁ nīti mayha (bj, pts-vp-pli1) Ekova tibbāni saheyya dhīro, saccaṁ hirottappamapekkhamāno.

Ahaṁ raṭṭhe vicaranto, nigame rājadhāniyo; Bhikkhamāno mahārāja, ācariyassa dhanatthiko.

Gahapatī rājapurise, mahāsāle ca brāhmaṇe; Alatthaṁ satta nikkhāni, suvaṇṇassa janādhipa; Te me naṭṭhā mahārāja, tasmā socāmahaṁ bhusaṁ.

Purisā te mahārāja, manasānuvicintitā; Nālaṁ dukkhā pamocetuṁ, tasmā tesaṁ na byāhariṁ.

Tvañca kho me mahārāja, manasānuvicintito; Alaṁ dukkhā pamocetuṁ, tasmā tuyhaṁ pavedayiṁ”.

“Tassādāsi pasannatto, kāsīnaṁ raṭṭhavaḍḍhano; Jātarūpamaye nikkhe, suvaṇṇassa catuddasā”ti.

Dūtajātakaṁ pañcamaṁ.