7. Akittijātaka
“Akittiṁ disvā sammantaṁ, sakko bhūtapatī bravi;
Akittiṁ → akattiṁ (mr) Kiṁ patthayaṁ mahābrahme, eko sammasi ghammani”.“Dukkho punabbhavo sakka, sarīrassa ca bhedanaṁ; Sammohamaraṇaṁ dukkhaṁ, tasmā sammāmi vāsava”.
“Etasmiṁ te sulapite, patirūpe subhāsite; Varaṁ kassapa te dammi, yaṁ kiñci manasicchasi”.
“Varañce me ado sakka, sabbabhūtānamissara; Yena putte ca dāre ca, dhanadhaññaṁ piyāni ca; Laddhā narā na tappanti, so lobho na mayī vase”.
Laddhā narā na → laddhā naññāni (mr)“Etasmiṁ te sulapite, patirūpe subhāsite; Varaṁ kassapa te dammi, yaṁ kiñci manasicchasi”.
“Varañce me ado sakka, sabbabhūtānamissara; Khettaṁ vatthuṁ hiraññañca, gavāssaṁ dāsaporisaṁ; Yena jātena jīyanti, so doso na mayī vase”.
“Etasmiṁ te sulapite, patirūpe subhāsite; Varaṁ kassapa te dammi, yaṁ kiñci manasicchasi”.
“Varañce me ado sakka, sabbabhūtānamissara; Bālaṁ na passe na suṇe, na ca bālena saṁvase; Bālenallāpasallāpaṁ, na kare na ca rocaye”.
Bālenallāpasallāpaṁ → bālenā'lāpa (?)“Kiṁ nu te akaraṁ bālo, vada kassapa kāraṇaṁ; Kena kassapa bālassa, dassanaṁ nābhikaṅkhasi”.
“Anayaṁ nayati dummedho, adhurāyaṁ niyuñjati; Dunnayo seyyaso hoti, sammā vutto pakuppati; Vinayaṁ so na jānāti, sādhu tassa adassanaṁ”.
“Etasmiṁ te sulapite, patirūpe subhāsite; Varaṁ kassapa te dammi, yaṁ kiñci manasicchasi”.
“Varañce me ado sakka, sabbabhūtānamissara; Dhīraṁ passe suṇe dhīraṁ, dhīrena saha saṁvase; Dhīrenallāpasallāpaṁ, taṁ kare tañca rocaye”.
“Kiṁ nu te akaraṁ dhīro, vada kassapa kāraṇaṁ; Kena kassapa dhīrassa, dassanaṁ abhikaṅkhasi”.
“Nayaṁ nayati medhāvī, adhurāyaṁ na yuñjati; Sunayo seyyaso hoti, sammā vutto na kuppati; Vinayaṁ so pajānāti, sādhu tena samāgamo”.
“Etasmiṁ te sulapite, patirūpe subhāsite; Varaṁ kassapa te dammi, yaṁ kiñci manasicchasi”.
“Varañce me ado sakka, sabbabhūtānamissara; Tato ratyā vivasāne, sūriyuggamanaṁ pati;
vivasāne → vivasane (bj, sya1ed, sya2ed, pts-vp-pli1) sūriyuggamanaṁ → suriyassuggamanaṁ (bj, sya1ed, sya2ed, pts-vp-pli1) Dibbā bhakkhā pātubhaveyyuṁ, sīlavanto ca yācakā.Dadato me na khīyetha, datvā nānutapeyyahaṁ;
Dadato me → dadato ca me (bj, pts-vp-pli1) Dadaṁ cittaṁ pasādeyyaṁ, etaṁ sakka varaṁ vare”.“Etasmiṁ te sulapite, patirūpe subhāsite; Varaṁ kassapa te dammi, yaṁ kiñci manasicchasi”.
“Varañce me ado sakka, sabbabhūtānamissara; Na maṁ puna upeyyāsi, etaṁ sakka varaṁ vare”.
“Bahūhi vatacariyāhi, narā ca atha nāriyo;
vatacariyāhi → vattacariyāhi (bj, sya1ed, sya2ed, mr) Dassanaṁ abhikaṅkhanti, kiṁ nu me dassane bhayaṁ”.“Taṁ tādisaṁ devavaṇṇaṁ, sabbakāmasamiddhinaṁ;
devavaṇṇaṁ → devavaṇṇiṁ (pts-vp-pli1) Disvā tapo pamajjeyyaṁ, etaṁ te dassane bhayan”ti.
tapo pamajjeyyaṁ → disvā tapo pamajjeyya (mr); disvānahaṁ pamajjeyyaṁ (mr)
