“Tassa gāmavaraṁ dammi, nāriyo ca alaṅkatā;
Tassa → kassa (bj, pts-vp-pli1) Yo metaṁ migamakkhāti, migānaṁ migamuttamaṁ”.
Yo → ko (bj, sya1ed, sya2ed, pts-vp-pli1) | migamakkhāti → … makkhāsi (sya1ed, sya2ed, mr)

“Mayhaṁ gāmavaraṁ dehi, nāriyo ca alaṅkatā; Ahaṁ te migamakkhissaṁ, migānaṁ migamuttamaṁ.

Etasmiṁ vanasaṇḍasmiṁ, ambā sālā ca pupphitā; Indagopakasañchannā, ettheso tiṭṭhate migo”.

“Dhanuṁ advejjhaṁ katvāna, usuṁ sannayhupāgami;
advejjhaṁ → adejjhaṁ (bj, pts-vp-pli1); sarajjaṁ (mr) sannayhupāgami → sandhāyupāgami (bj, pts-vp-pli1) Migo ca disvā rājānaṁ, dūrato ajjhabhāsatha.

Āgamehi mahārāja, mā maṁ vijjhi rathesabha; Ko nu te idamakkhāsi, ettheso tiṭṭhate migo”.

“Esa pāpacaro poso, samma tiṭṭhati ārakā; Soyaṁ me idamakkhāsi, ettheso tiṭṭhate migo”.
Soyaṁ → so hi (bj, sya1ed, sya2ed, pts-vp-pli1)

“Saccaṁ kireva māhaṁsu, narā ekacciyā idha; Kaṭṭhaṁ niplavitaṁ seyyo, na tvevekacciyo naro”.

“Kiṁ nu ruru garahasi migānaṁ, kiṁ pakkhīnaṁ kiṁ pana mānusānaṁ; Bhayañhi maṁ vindatinapparūpaṁ, sutvāna taṁ mānusiṁ bhāsamānaṁ”.

“Yamuddhariṁ vāhane vuyhamānaṁ, mahodake salile sīghasote; Tatonidānaṁ bhayamāgataṁ mama, dukkho have rāja asabbhi saṅgamo”.

“Sohaṁ catuppattamimaṁ vihaṅgamaṁ, tanucchidaṁ hadaye ossajāmi; Hanāmi taṁ mittadubbhiṁ akiccakāriṁ, yo tādisaṁ kammakataṁ na jāne”.
Hanāmi taṁ mittadubbhiṁ akiccakāriṁ → hanāmi mittaddu'makiccakāriṁ (bj, pts-vp-pli1)

“Dhīrassa bālassa have janinda, santo vadhaṁ nappasaṁsanti jātu; Kāmaṁ gharaṁ gacchatu pāpadhammo, yañcassa bhaṭṭhaṁ tadetassa dehi; Ahañca te kāmakaro bhavāmi”.

“Addhā rurū aññataro sataṁ so, yo dubbhato mānusassa na dubbhi;
sataṁ so → sataṁ'se (bj) dubbhato → dubbhino (sya1ed, sya2ed); dūbhato (pts-vp-pli1) Kāmaṁ gharaṁ gacchatu pāpadhammo, yañcassa bhaṭṭhaṁ tadetassa dammi; Ahañca te kāmacāraṁ dadāmi”.

“Suvijānaṁ siṅgālānaṁ, sakuṇānañca vassitaṁ; Manussavassitaṁ rāja, dubbijānataraṁ tato.

Api ce maññatī poso, ñāti mitto sakhāti vā; Yo pubbe sumano hutvā, pacchā sampajjate diso”.

“Samāgatā jānapadā, negamā ca samāgatā; Migā sassāni khādanti, taṁ devo paṭisedhatu”.

“Kāmaṁ janapado māsi, raṭṭhañcāpi vinassatu;
raṭṭhañcāpi vinassatu → mā maṁ janapado ahu (sya1ed, sya2ed) Na tvevāhaṁ ruruṁ dubbhe, datvā abhayadakkhiṇaṁ.
Na tvevāhaṁ → na tveva miha (bj)

Mā me janapado āsi, raṭṭhañcāpi vinassatu; Na tvevāhaṁ migarājassa, varaṁ datvā musā bhaṇe”ti.

Rurumigarājajātakaṁ navamaṁ.
Rurumigarājajātakaṁ → rurumigajātakaṁ (bj, sya1ed, sya2ed); rurujātakaṁ (pts-vp-pli1)