“Āsīsetheva puriso, na nibbindeyya paṇḍito;
Āsīsetheva → āsiṁsetheva (bj, sya1ed, sya2ed, pts-vp-pli1) Passāmi vohaṁ attānaṁ, yathā icchiṁ tathā ahu.
naṁ → taṁ (sya1ed, sya2ed, mr)

Āsīsetheva puriso, na nibbindeyya paṇḍito; Passāmi vohaṁ attānaṁ, udakā thalamubbhataṁ.
naṁ → taṁ (mr)

Vāyametheva puriso, na nibbindeyya paṇḍito; Passāmi vohaṁ attānaṁ, yathā icchiṁ tathā ahu.

Vāyametheva puriso, na nibbindeyya paṇḍito; Passāmi vohaṁ attānaṁ, udakā thalamubbhataṁ.

Dukkhūpanītopi naro sapañño, āsaṁ na chindeyya sukhāgamāya; Bahū hi phassā ahitā hitā ca, avitakkitā maccamupabbajanti.
maccamupabbajanti → maccumupabbajanti (bj, pts-vp-pli1); maccumupapajjanti (sya1ed, sya2ed, mr)

Acintitampi bhavati, cintitampi vinassati; Na hi cintāmayā bhogā, itthiyā purisassa vā”.

“Sarabhaṁ giriduggasmiṁ, yaṁ tvaṁ anusarī pure; Alīnacittassa tuvaṁ, vikkantamanujīvasi.
vikkantamanujīvasi → vikkantaṁ jīvitaṁ labhi (mr)

Yo taṁ viduggā narakā samuddhari, silāya yoggaṁ sarabho karitvā; Dukkhūpanītaṁ maccumukhā pamocayi, alīnacittaṁ ta migaṁ vadesi”.
ta migaṁ → tameva (sya1ed, sya2ed, mr)

“Kiṁ tvaṁ nu tattheva tadā ahosi, udāhu te koci naṁ etadakkhā; Vivaṭṭacchaddo nusi sabbadassī, ñāṇaṁ nu te brāhmaṇa bhiṁsarūpaṁ”.

“Na cevahaṁ tattha tadā ahosiṁ, na cāpi me koci naṁ etadakkhā; Gāthāpadānañca subhāsitānaṁ, atthaṁ tadānenti janinda dhīrā”.

“Ādāya pattiṁ paraviriyaghātiṁ, cāpe saraṁ kiṁ vicikicchase tuvaṁ;
pattiṁ → pattaṁ (sya1ed, sya2ed); paṭṭiṁ (mr) Nunno saro sarabhaṁ hantu khippaṁ, annañhi etaṁ varapañña rañño”.
Nunno → nuṇṇo (bj, sya1ed, sya2ed); tuṇṇo (mr)

“Addhā pajānāmi ahampi etaṁ, annaṁ migo brāhmaṇa khattiyassa; Pubbe katañca apacāyamāno, tasmā migaṁ sarabhaṁ no hanāmi”.
katañca → pubbe ca kataṁ (mr)

“Neso migo mahārāja, asureso disampati; Etaṁ hantvā manussinda, bhavassu amarādhipo.

Sace ca rājā vicikicchase tuvaṁ, hantuṁ migaṁ sarabhaṁ sahāyakaṁ;
rājā → rāja (bj, sya1ed, sya2ed, pts-vp-pli1) sahāyakaṁ → sahāyakaṁ me (bj, pts-vp-pli1) Saputtadāro naravīraseṭṭha, gantā tuvaṁ vetaraṇiṁ yamassa”.
naravīraseṭṭha → naraviriyaseṭṭha (bj, pts-vp-pli1) gantā → gantvā (sya1ed, sya2ed, mr)

“Kāmaṁ ahaṁ jānapadā ca sabbe, puttā ca dārā ca sahāyasaṅghā; Gacchemu taṁ vetaraṇiṁ yamassa, na tveva hañño mama pāṇado yo.
hañño mama pāṇado yo → hañño yo mamapāṇadassa (bj, pts-vp-pli1); haññe mama pāṇadassa (sya1ed, sya2ed)

Ayaṁ migo kicchagatassa mayhaṁ, ekassa kattā vivanasmi ghore; Taṁ tādisaṁ pubbakiccaṁ saranto, jānaṁ mahābrahme kathaṁ haneyyaṁ”.

“Mittābhirādhī cirameva jīva, rajjaṁ imaṁ dhammaguṇe pasāsa;
rajjaṁ imaṁ dhammaguṇe → rajjampimaṁ cassa gaṇe (mr) Nārīgaṇehi paricāriyanto, modassu raṭṭhe tidiveva vāsavo.

Akkodhano niccapasannacitto, sabbātithī yācayogo bhavitvā;
yācayogo bhavitvā → pāhunake karitvā (sya1ed, sya2ed); yācayogo viditvā (mr) Datvā ca bhutvā ca yathānubhāvaṁ, anindito saggamupehi ṭhānan”ti.

Sarabhamigajātakaṁ dasamaṁ.
Sarabhamigajātakaṁ → sarabhajātakaṁ (sya1ed, sya2ed)

Terasakanipātaṁ niṭṭhitaṁ.

Tassuddānaṁ

Varaamba kuṭhāri sahaṁsavaro, atharaññasmiṁ dūtakapañcamako; Atha bodhi akitti sutakkarinā, atha rurumigenaparo sarabhoti.