“Sampannaṁ sālikedāraṁ, suvā bhuñjanti kosiya; Paṭivedemi te brahme, na ne vāretumussahe.
ne → naṁ (bj, pts-vp-pli1); te (sya1ed, sya2ed); taṁ (Ma-aka)

Eko ca tattha sakuṇo, yo nesaṁ sabbasundaro;
nesaṁ → so tesaṁ (bj, pts-vp-pli1) Bhutvā sāliṁ yathākāmaṁ, tuṇḍenādāya gacchati”.

“Oḍḍentu vāḷapāsāni, yathā bajjhetha so dijo;
Oḍḍentu → ujjhantu (sya1ed, sya2ed, mr) Jīvañca naṁ gahetvāna, ānayehi mamantike”.
ānayehi → ānayetha (bj, pts-vp-pli1)

“Ete bhutvā pivitvā ca, pakkamanti vihaṅgamā;
bhutvā pivitvā ca → bhutvā ca pītvā ca (pts-vp-pli1) Eko baddhosmi pāsena, kiṁ pāpaṁ pakataṁ mayā”.

“Udaraṁ nūna aññesaṁ, suva accodaraṁ tava; Bhutvā sāliṁ yathākāmaṁ, tuṇḍenādāya gacchasi.

Koṭṭhaṁ nu tattha pūresi, suva veraṁ nu te mayā; Puṭṭho me samma akkhāhi, kuhiṁ sāliṁ nidāhasi”.
nidāhasi → nidhīyasi (bj, pts-vp-pli1); nidheyyasi (sya1ed, sya2ed)

“Na me veraṁ tayā saddhiṁ, koṭṭho mayhaṁ na vijjati; Iṇaṁ muñcāmiṇaṁ dammi, sampatto koṭasimbaliṁ; Nidhimpi tattha nidahāmi, evaṁ jānāhi kosiya”.

“Kīdisaṁ te iṇadānaṁ, iṇamokkho ca kīdiso; Nidhinidhānamakkhāhi, atha pāsā pamokkhasi”.

“Ajātapakkhā taruṇā, puttakā mayha kosiya; Te maṁ bhatā bharissanti, tasmā tesaṁ iṇaṁ dade.

Mātā pitā ca me vuddhā, jiṇṇakā gatayobbanā; Tesaṁ tuṇḍena hātūna, muñce pubbakataṁ iṇaṁ.
pubbakataṁ → pubbe kataṁ (bj)

Aññepi tattha sakuṇā, khīṇapakkhā sudubbalā; Tesaṁ puññatthiko dammi, taṁ nidhiṁ āhu paṇḍitā.

Īdisaṁ me iṇadānaṁ, iṇamokkho ca īdiso;
Īdisaṁ → edisaṁ (bj, pts-vp-pli1) Nidhinidhānamakkhāmi, evaṁ jānāhi kosiya”.
Nidhinidhānamakkhāmi → nidhiṁ nidhānaṁ akkhātaṁ (bj, pts-vp-pli1)

“Bhaddako vatayaṁ pakkhī, dijo paramadhammiko; Ekaccesu manussesu, ayaṁ dhammo na vijjati.

Bhuñja sāliṁ yathākāmaṁ, saha sabbehi ñātibhi; Punāpi suva passemu, piyaṁ me tava dassanaṁ”.

“Bhuttañca pītañca tavassamamhi, ratī ca no kosiya te sakāse;
tavassamamhi → tavassabyamhi (mr) ratī ca → rattiñca (sya1ed, sya2ed, csp1ed) Nikkhittadaṇḍesu dadāhi dānaṁ, jiṇṇe ca mātāpitaro bharassu”.

“Lakkhī vata me udapādi ajja, yo addasāsiṁ pavaraṁ dijānaṁ;
addasāsiṁ pavaraṁ → yohaṁ adassaṁ paramaṁ (sya1ed, sya2ed, mr) Suvassa sutvāna subhāsitāni, kāhāmi puññāni anappakāni”.

So kosiyo attamano udaggo, annañca pānañcabhisaṅkharitvā;
pānañcabhisaṅkharitvā → pānañcabhisaṅkaritvā (pts-vp-pli1); annañca pānaṁ abhisaṁharitvā (mr) Annena pānena pasannacitto, santappayi samaṇabrāhmaṇe cāti.

Sālikedārajātakaṁ paṭhamaṁ.
Sālikedārajātakaṁ → kedārajātakaṁ (mr)