“Kharājinā jaṭilā paṅkadantā, dummakkharūpā ye mantaṁ jappanti;
dummakkharūpā → dummudharūpā (bj, mr); dummukharūpā (pts-vp-pli1) | mantaṁ jappanti → yeme japanti (bj, pts-vp-pli1); ye mantaṁ japanti (sya1ed, sya2ed); ye'me jappanti mante (ja377:3 [Setaketujātaka]) Kaccinnu te mānusake payoge, idaṁ vidū parimuttā apāyā”.

“Pāpāni kammāni karetha rāja, bahussuto ce na careyya dhammaṁ;
karetha → karotha (bj, pts-vp-pli1); kareyya (sya1ed, sya2ed); katvāna (ja377:4 [Setaketujātaka]) Sahassavedopi na taṁ paṭicca, dukkhā pamucce caraṇaṁ apatvā”.
pamucce → pamuñce (sya1ed, sya2ed, pts-vp-pli1)

“Sahassavedopi na taṁ paṭicca, dukkhā pamucce caraṇaṁ apatvā; Maññāmi vedā aphalā bhavanti, sasaṁyamaṁ caraṇaññeva saccaṁ”.

“Na heva vedā aphalā bhavanti, sasaṁyamaṁ caraṇaññeva saccaṁ; Kittiñhi pappoti adhicca vede, santiṁ puṇāti caraṇena danto”.
Kittiñhi → kittiñca (sya1ed, sya2ed) puṇāti → puṇoti (bj); puṇeti (sya1ed, sya2ed ja377:6 [Setaketujātaka]); puneti (pts-vp-pli1)

“Bhaccā mātā pitā bandhū, yena jāto sayeva so;
so → bho (sya1ed, sya2ed, mr) Uddālako ahaṁ bhoto, sottiyākulavaṁsako”.
bhoto → bhoti (mr) sottiyākulavaṁsako → sotthiyākulavaṁsako (bj, pts-vp-pli1); sotthiyakulavaṁsato (sya1ed, sya2ed)

“Kathaṁ bho brāhmaṇo hoti, kathaṁ bhavati kevalī; Kathañca parinibbānaṁ, dhammaṭṭho kinti vuccati”.

“Niraṅkatvā aggimādāya brāhmaṇo, āpo siñcaṁ yajaṁ usseti yūpaṁ; Evaṅkaro brāhmaṇo hoti khemī, dhamme ṭhitaṁ tena amāpayiṁsu”.

“Na suddhi secanenatthi, nāpi kevalī brāhmaṇo; Na khantī nāpi soraccaṁ, nāpi so parinibbuto”.

“Kathaṁ so brāhmaṇo hoti, kathaṁ bhavati kevalī; Kathañca parinibbānaṁ, dhammaṭṭho kinti vuccati”.

“Akhettabandhū amamo nirāso, nillobhapāpo bhavalobhakhīṇo; Evaṅkaro brāhmaṇo hoti khemī, dhamme ṭhitaṁ tena amāpayiṁsu”.

“Khattiyā brāhmaṇā vessā, suddā caṇḍālapukkusā; Sabbeva soratā dantā, sabbeva parinibbutā; Sabbesaṁ sītibhūtānaṁ, atthi seyyotha pāpiyo”.
seyyotha → seyyova (bj, pts-vp-pli1)

“Khattiyā brāhmaṇā vessā, suddā caṇḍālapukkusā; Sabbeva soratā dantā, sabbeva parinibbutā; Sabbesaṁ sītibhūtānaṁ, natthi seyyotha pāpiyo”.

“Khattiyā brāhmaṇā vessā, suddā caṇḍālapukkusā; Sabbeva soratā dantā, sabbeva parinibbutā.

Sabbesaṁ sītibhūtānaṁ, natthi seyyotha pāpiyo; Panatthaṁ carasi brahmaññaṁ, sottiyākulavaṁsataṁ”.
Panatthaṁ → pasatthaṁ (sya1ed, sya2ed); panaṭṭhaṁ (pts-vp-pli1); pasaṭṭhaṁ (mr)

“Nānārattehi vatthehi, vimānaṁ bhavati chāditaṁ; Na tesaṁ chāyā vatthānaṁ, so rāgo anupajjatha.

Evameva manussesu, yadā sujjhanti māṇavā;
Evameva → evamevaṁ (pts-vp-pli1) Te sajātiṁ pamuñcanti, dhammamaññāya subbatā”ti.
sajātiṁ pamuñcanti → na tesaṁ jātiṁ pucchanti (bj, sya1ed, sya2ed, pts-vp-pli1); na tesaṁ jāti sujjhati (mr)

Uddālakajātakaṁ catutthaṁ.