“Mahesī surucino bhariyā, ānītā paṭhamaṁ ahaṁ;
surucino → rucino (bj, sya1ed, sya2ed, pts-vp-pli1) Dasa vassasahassāni, yaṁ maṁ surucimānayi.

Sāhaṁ brāhmaṇa rājānaṁ, vedehaṁ mithilaggahaṁ; Nābhijānāmi kāyena, vācāya uda cetasā; Suruciṁ atimaññittha, āvi vā yadi vā raho.
atimaññittha → atimaññittho (bj); atimaññitā (?) āvi → āviṁ (pts-vp-pli1)

Etena saccavajjena, putto uppajjataṁ ise; Musā me bhaṇamānāya, muddhā phalatu sattadhā.

Bhattu mama sassu mātā, pitā cāpi ca sassuro; Te maṁ brahme vinetāro, yāva aṭṭhaṁsu jīvitaṁ.

Sāhaṁ ahiṁsāratinī, kāmasā dhammacārinī;
kāmasā → kāmaso (bj) | dhammacārinī → dhammacāriṇī (bj) Sakkaccaṁ te upaṭṭhāsiṁ, rattindivamatanditā.

Etena saccavajjena, putto uppajjataṁ ise; Musā me bhaṇamānāya, muddhā phalatu sattadhā.

Soḷasitthisahassāni, sahabhariyāni brāhmaṇa; Tāsu issā vā kodho vā, nāhu mayhaṁ kudācanaṁ.

Hitena tāsaṁ nandāmi, na ca me kāci appiyā; Attānaṁvānukampāmi, sadā sabbā sapattiyo.

Etena saccavajjena, putto uppajjataṁ ise; Musā me bhaṇamānāya, muddhā phalatu sattadhā.

Dāse kammakare pesse, ye caññe anujīvino;
pesse → pose (sya1ed, sya2ed, mr) Pesemi sahadhammena, sadā pamuditindriyā.
Pesemi → posemi (bj, sya1ed, sya2ed, pts-vp-pli1)

Etena saccavajjena, putto uppajjataṁ ise; Musā me bhaṇamānāya, muddhā phalatu sattadhā.

Samaṇe brāhmaṇe cāpi, aññe cāpi vanibbake; Tappemi annapānena, sadā payatapāṇinī.

Etena saccavajjena, putto uppajjataṁ ise; Musā me bhaṇamānāya, muddhā phalatu sattadhā.

Cātuddasiṁ pañcaddasiṁ, yā ca pakkhassa aṭṭhamī;
Cātuddasiṁ → cātuddasi (bj) | pañcaddasiṁ → paṇṇarasi (bj); pañcadasiṁ (sya1ed, sya2ed); pannarasiṁ (pts-vp-pli1) aṭṭhamī → aṭṭhami (bj); aṭṭhamiṁ (pts-vp-pli1) Pāṭihāriyapakkhañca, aṭṭhaṅgasusamāgataṁ;
aṭṭhaṅgasusamāgataṁ → aṭṭhaṅgasusamāhitaṁ (sabbattha) Uposathaṁ upavasāmi, sadā sīlesu saṁvutā.
upavasāmi → upavasiṁ (mr)

Etena saccavajjena, putto uppajjataṁ ise; Musā me bhaṇamānāya, muddhā phalatu sattadhā”.

“Sabbeva te dhammaguṇā, rājaputti yasassini; Saṁvijjanti tayi bhadde, ye tvaṁ kittesi attani.

Khattiyo jātisampanno, abhijāto yasassimā; Dhammarājā videhānaṁ, putto uppajjate tava”.
tava → tavaṁ (bj, pts-vp-pli1)

“Dummī rajojalladharo, aghe vehāyasaṁ ṭhito;
Dummī → rummī (bj, pts-vp-pli1); dummi (sya1ed, sya2ed) Manuññaṁ bhāsase vācaṁ, yaṁ mayhaṁ hadayaṅgamaṁ.

Devatānusi saggamhā, isi vāsi mahiddhiko;
vāsi → vāpi (sya1ed, sya2ed); cāpi (mr) Ko vāsi tvaṁ anuppatto, attānaṁ me pavedaya”.

“Yaṁ devasaṅghā vandanti, sudhammāyaṁ samāgatā; Sohaṁ sakko sahassakkho, āgatosmi tavantike.

Itthiyo jīvalokasmiṁ, yā hoti samacārinī;
Itthiyo → itthiyā (pts-vp-pli1) hoti → honti (bj, sya1ed, sya2ed) Medhāvinī sīlavatī, sassudevā patibbatā.

Tādisāya sumedhāya, sucikammāya nāriyā; Devā dassanamāyanti, mānusiyā amānusā.

Tvañca bhadde suciṇṇena, pubbe sucaritena ca; Idha rājakule jātā, sabbakāmasamiddhinī.

Ayañca te rājaputti, ubhayattha kaṭaggaho; Devalokūpapattī ca, kittī ca idha jīvite.

Ciraṁ sumedhe sukhinī, dhammamattani pālaya; Esāhaṁ tidivaṁ yāmi, piyaṁ me tava dassanan”ti.

Surucijātakaṁ chaṭṭhaṁ.