“Appossukko dāni tuvaṁ kapota, vihaṅgama na tava bhojanattho;
kapota → kapoto (bj); kapoṭo (pts-vp-pli1) Khudaṁ pipāsaṁ adhivāsayanto, kasmā bhavaṁposathiko kapota”.
Khudaṁ → khuddaṁ (sya1ed, sya2ed, mr); khudhaṁ (sakkata-pākatānurūpaṁ)

“Ahaṁ pure giddhigato kapotiyā, asmiṁ padesasmimubho ramāma; Athaggahī sākuṇiko kapotiṁ, akāmako tāya vinā ahosiṁ.

Nānābhavā vippayogena tassā, manomayaṁ vedana vedayāmi;
vedana vedayāmi → vedanaṁ vediyāmi (bj, pts-vp-pli1) Tasmā ahaṁposathaṁ pālayāmi, rāgo mamaṁ mā punarāgamāsi”.

“Anujjugāmī uragā dujivha, dāṭhāvudho ghoravisosi sappa;
uragā dujivha → uraga dvijivha (bj); uraga dujivha (sya1ed, sya2ed); uragaddujivha (pts-vp-pli1) Khudaṁ pipāsaṁ adhivāsayanto, kasmā bhavaṁposathiko nu dīgha.
dīgha → dīgho (bj, pts-vp-pli1)

Usabho ahū balavā gāmikassa, calakkakū vaṇṇabalūpapanno; So maṁ akkami taṁ kupito aḍaṁsiṁ, dukkhābhitunno maraṇaṁ upāgā.
upāgā → upāgami (bj, pts-vp-pli1)

Tato janā nikkhamitvāna gāmā, kanditvā roditvā apakkamiṁsu;
kanditvā roditvā → kanditvā roditva (bj); kanditva roditva (pts-vp-pli1) Tasmā ahaṁposathaṁ pālayāmi, kodho mamaṁ mā punarāgamāsi.

Matāna maṁsāni bahū susāne, manuññarūpaṁ tava bhojane taṁ; Khudaṁ pipāsaṁ adhivāsayanto, kasmā bhavaṁposathiko siṅgāla.
siṅgāla → sigālo (bj, pts-vp-pli1); sigāla (sya1ed, sya2ed)

Pavisi kucchiṁ mahato gajassa, kuṇape rato hatthimaṁsesu giddho;
Pavisi → pavissa (bj, sya1ed, sya2ed); pavissaṁ (pts-vp-pli1) hatthimaṁsesu giddho → hatthimaṁse pagiddho (bj, pts-vp-pli1) Uṇho ca vāto tikhiṇā ca rasmiyo, te sosayuṁ tassa karīsamaggaṁ.

Kiso ca paṇḍū ca ahaṁ bhadante, na me ahū nikkhamanāya maggo; Mahā ca megho sahasā pavassi, so temayī tassa karīsamaggaṁ.

Tato ahaṁ nikkhamisaṁ bhadante, cando yathā rāhumukhā pamutto; Tasmā ahaṁposathaṁ pālayāmi, lobho mamaṁ mā punarāgamāsi.

Vammīkathūpasmiṁ kipillikāni, nippothayanto tuvaṁ pure carāsi; Khudaṁ pipāsaṁ adhivāsayanto, kasmā bhavaṁposathiko nu accha.
accha → accho (bj, pts-vp-pli1)

Sakaṁ niketaṁ atihīḷayāno, atricchatā mallagāmaṁ agacchiṁ;
atihīḷayāno → atihīlayāno (bj); atiheḷayāno (sya1ed, sya2ed, mr) atricchatā → atricchatāya (bj, sya1ed, sya2ed, pts-vp-pli1) | mallagāmaṁ → malataṁ (bj, sya1ed, sya2ed, pts-vp-pli1); mallayataṁ (mr) Tato janā nikkhamitvāna gāmā, kodaṇḍakena paripothayiṁsu maṁ.

So bhinnasīso ruhiramakkhitaṅgo, paccāgamāsiṁ sakaṁ niketaṁ;
sakaṁ → sasakaṁ (sya1ed, sya2ed, mr); 'tha sakaṁ (?) Tasmā ahaṁposathaṁ pālayāmi, atricchatā mā punarāgamāsi”.

“Yaṁ no apucchittha tuvaṁ bhadante, sabbeva byākarimha yathāpajānaṁ; Mayampi pucchāma tuvaṁ bhadante, kasmā bhavaṁposathiko nu brahme”.

“Anūpalitto mama assamamhi, paccekabuddho muhuttaṁ nisīdi; So maṁ avedī gatimāgatiñca, nāmañca gottaṁ caraṇañca sabbaṁ.

Evampahaṁ vandi na tassa pāde, na cāpi naṁ mānagatena pucchiṁ;
Evampahaṁ vandi na → evampahaṁ naggahe (bj, pts-vp-pli1); evampihaṁ vandi na (sya1ed, sya2ed) Tasmā ahaṁposathaṁ pālayāmi, māno mamaṁ mā punarāgamāsī”ti.

Pañcuposathikajātakaṁ sattamaṁ.
Pañcuposathikajātakaṁ → pañcuposathajātakaṁ (bj); pañcūposathajātakaṁ (pts-vp-pli1)