8. Mahāmorajātaka
“Sace hi tyāhaṁ dhanahetu gāhito, mā maṁ vadhī jīvagāhaṁ gahetvā; Rañño ca maṁ samma upantikaṁ nehi, maññe dhanaṁ lacchasinapparūpaṁ”.
Rañño ca → raññova (pts-vp-pli1) | upantikaṁ → upenti (bj); upanti (sya1ed, sya2ed, pts-vp-pli1)“Na me ayaṁ tuyha vadhāya ajja, samāhito cāpadhure khurappo;
cāpadhure → cāpavare (bj, pts-vp-pli1); cāpavaro (sya1ed, sya2ed) Pāsañca tyāhaṁ adhipātayissaṁ, yathāsukhaṁ gacchatu morarājā”.“Yaṁ satta vassāni mamānubandhi, rattindivaṁ khuppipāsaṁ sahanto; Atha kissa maṁ pāsavasūpanītaṁ, pamuttave icchasi bandhanasmā.
Pāṇātipātā virato nusajja, abhayaṁ nu te sabbabhūtesu dinnaṁ; Yaṁ maṁ tuvaṁ pāsavasūpanītaṁ, pamuttave icchasi bandhanasmā”.
“Pāṇātipātā viratassa brūhi, abhayañca yo sabbabhūtesu deti; Pucchāmi taṁ morarājetamatthaṁ, ito cuto kiṁ labhate sukhaṁ so”.
“Pāṇātipātā viratassa brūmi, abhayañca yo sabbabhūtesu deti; Diṭṭheva dhamme labhate pasaṁsaṁ, saggañca so yāti sarīrabhedā”.
“Na santi devā iti āhu eke, idheva jīvo vibhavaṁ upeti;
santi devā iti āhu → iccāhu (bj, pts-vp-pli1) Tathā phalaṁ sukatadukkaṭānaṁ, dattupaññattañca vadanti dānaṁ; Tesaṁ vaco arahataṁ saddahāno, tasmā ahaṁ sakuṇe bādhayāmi”.“Cando ca suriyo ca ubho sudassanā, gacchanti obhāsayamantalikkhe; Imassa lokassa parassa vā te, kathaṁ nu te āhu manussaloke”.
“Cando ca suriyo ca ubho sudassanā, gacchanti obhāsayamantalikkhe; Parassa lokassa na te imassa, devāti te āhu manussaloke”.
“Ettheva te nīhatā hīnavādā, ahetukā ye na vadanti kammaṁ; Tathā phalaṁ sukatadukkaṭānaṁ, dattupaññattaṁ ye ca vadanti dānaṁ”.
“Addhā hi saccaṁ vacanaṁ tavedaṁ, kathañhi dānaṁ aphalaṁ bhaveyya;
tavedaṁ → tavetaṁ (bj, sya1ed, sya2ed, pts-vp-pli1) bhaveyya → vadeyya (bj, pts-vp-pli1) Tathā phalaṁ sukatadukkaṭānaṁ, dattupaññattañca kathaṁ bhaveyya.Kathaṅkaro kintikaro kimācaraṁ, kiṁ sevamāno kena tapoguṇena; Akkhāhi me morarājetamatthaṁ, yathā ahaṁ no nirayaṁ pateyyaṁ”.
Akkhāhi → akkhāhi taṁ dāni (mr)“Ye keci atthi samaṇā pathabyā, kāsāyavatthā anagāriyā te; Pātova piṇḍāya caranti kāle, vikālacariyā viratā hi santo.
Te tattha kālenupasaṅkamitvā, pucchāhi yaṁ te manaso piyaṁ siyā; Te te pavakkhanti yathāpajānaṁ, imassa lokassa parassa catthaṁ”.
“Tacaṁva jiṇṇaṁ urago purāṇaṁ, paṇḍūpalāsaṁ harito dumova; Esappahīno mama luddabhāvo, jahāmahaṁ luddakabhāvamajja.
Ye cāpi me sakuṇā atthi baddhā, satāninekāni nivesanasmiṁ; Tesampahaṁ jīvitamajja dammi, mokkhañca te pattā sakaṁ niketaṁ”.
Tesampahaṁ → tesaṁ ahaṁ (sya1ed, sya2ed, mr) pattā → patto (bj); accha (sya1ed, sya2ed)“Luddo carī pāsahattho araññe, bādhetu morādhipatiṁ yasassiṁ; Bandhitvā morādhipatiṁ yasassiṁ, dukkhā sa pamucci yathāhaṁ pamutto”ti.
Bandhitvā → bandhitva (bj, pts-vp-pli1) dukkhā sa pamucci → dukkhā pamucci (bj); dukkhā pamuñci (sya1ed, sya2ed); dukkhā pamuñcī (pts-vp-pli1)
