“Yadesamānā vicarimha, pabbatāni vanāni ca; Anvesaṁ vicariṁ ñātī, teme adhigatā mayā.
vicariṁ → vipule (sya1ed, sya2ed, mr)

Bahuñcidaṁ mūlaphalaṁ, bhakkho cāyaṁ anappako; Rammā cimā girīnajjo, phāsuvāso bhavissati.
girīnajjo → giri nadiyo (bj, pts-vp-pli1); girinajjo (sya1ed, sya2ed)

Idhevāhaṁ vasissāmi, saha sabbehi ñātibhi; Appossukko nirāsaṅkī, asoko akutobhayo”.

“Aññampi leṇaṁ pariyesa, sattu no idha vijjati;
Aññampi → aññaṁ hi (bj, pts-vp-pli1); aññañhi (sya1ed, sya2ed) So taccha sūkare hanti, idhāgantvā varaṁ varaṁ”.

“Ko numhākaṁ idha sattu, ko ñātī susamāgate;
numhākaṁ → ko namhākaṁ (bj, pts-vp-pli1) Duppadhaṁse padhaṁseti, taṁ me akkhātha pucchitā”.
Duppadhaṁse → appadhaṁse (bj, pts-vp-pli1)

“Uddhaggarājī migarājā, balī dāṭhāvudho migo; So taccha sūkare hanti, idhāgantvā varaṁ varaṁ”.

“Na no dāṭhā na vijjanti, balaṁ kāye samohitaṁ;
na vijjanti → nu vijjanti (mr) Sabbe samaggā hutvāna, vasaṁ kāhāma ekakaṁ”.

“Hadayaṅgamaṁ kaṇṇasukhaṁ, vācaṁ bhāsasi tacchaka; Yopi yuddhe palāyeyya, tampi pacchā hanāmase”.

“Pāṇātipātā virato nu ajja, abhayaṁ nu te sabbabhūtesu dinnaṁ; Dāṭhā nu te migavadhāya na santi, yo saṅghapatto kapaṇova jhāyasi”.
migavadhāya → miga viriyaṁ (bj, pts-vp-pli1); migaviriya (sya1ed, sya2ed)

“Na me dāṭhā na vijjanti, balaṁ kāye samohitaṁ; Ñātī ca disvāna sāmaggī ekato, tasmā ca jhāyāmi vanamhi ekako.

Imassudaṁ yanti disodisaṁ pure, bhayaṭṭitā leṇagavesino puthu; Te dāni saṅgamma vasanti ekato, yatthaṭṭhitā duppasahajja te mayā.

Pariṇāyakasampannā, sahitā ekavādino; Te maṁ samaggā hiṁseyyuṁ, tasmā nesaṁ na patthaye”.
patthaye → apatthave (pts-vp-pli1)

“Ekova indo asure jināti, ekova seno hanti dije pasayha; Ekova byaggho migasaṅghapatto, varaṁ varaṁ hanti balañhi tādisaṁ”.

“Na heva indo na seno, napi byaggho migādhipo; Samagge sahite ñātī, na byagghe kurute vase”.
byagghe → vyagghe ca (bj, pts-vp-pli1); byaggho na (sya1ed, sya2ed)

“Kumbhīlakā sakuṇakā, saṅghino gaṇacārino; Sammodamānā ekajjhaṁ, uppatanti ḍayanti ca.

Tesañca ḍayamānānaṁ, ekettha apasakkati;
apasakkati → apavattati (bj, pts-vp-pli1) Tañca seno nitāḷeti, veyyagghiyeva sā gati”.

“Ussāhito jaṭilena, luddenāmisacakkhunā; Dāṭhī dāṭhīsu pakkhandi, maññamāno yathā pure”.

“Sādhu sambahulā ñātī, api rukkhā araññajā; Sūkarehi samaggehi, byaggho ekāyane hato”.

Brāhmaṇañceva byagghañca, ubho hantvāna sūkarā. Ānandino pamuditā, mahānādaṁ panādisuṁ.

Te su udumbaramūlasmiṁ, sūkarā susamāgatā; Tacchakaṁ abhisiñciṁsu, “tvaṁ no rājāsi issaro”ti.

Tacchasūkarajātakaṁ navamaṁ.