Vāṇijā samitiṁ katvā, nānāraṭṭhato āgatā; Dhanāharā pakkamiṁsu, ekaṁ katvāna gāmaṇiṁ.

Te taṁ kantāramāgamma, appabhakkhaṁ anodakaṁ; Mahānigrodhamaddakkhuṁ, sītacchāyaṁ manoramaṁ.

Te ca tattha nisīditvā, tassa rukkhassa chāyayā;
chāyayā → chādiyā (bj, sya1ed, sya2ed, pts-vp-pli1) Vāṇijā samacintesuṁ, bālā mohena pārutā.

Allāyate ayaṁ rukkho, api vārīva sandati;
Allāyate → addāyate (bj, pts-vp-pli1) vārīva → vāri ca (bj, pts-vp-pli1) Iṅghassa purimaṁ sākhaṁ, mayaṁ chindāma vāṇijā.

Sā ca chinnāva pagghari, acchaṁ vāriṁ anāvilaṁ; Te tattha nhatvā pivitvā, yāvaticchiṁsu vāṇijā.

Dutiyaṁ samacintesuṁ, bālā mohena pārutā; Iṅghassa dakkhiṇaṁ sākhaṁ, mayaṁ chindāma vāṇijā.

Sā ca chinnāva pagghari, sālimaṁsodanaṁ bahuṁ; Appodavaṇṇe kummāse, siṅgiṁ vidalasūpiyo.
vidalasūpiyo → siṅgiṁ bidalasūpiyo (bj, pts-vp-pli1); siṅgividalasūpiyo (sya1ed, sya2ed); siṅgīveraṁ lasūpiyo (mr) siṅginti siṅgiverādikaṁ uttaribhaṅgaṁ. vidalasūpiyoti muggasūpādayo (aṭṭha.)

Te tattha bhutvā khāditvā, yāvaticchiṁsu vāṇijā;
tattha bhutvā khāditvā → bhutvā ca pivitvā ca (pts-vp-pli1) Tatiyaṁ samacintesuṁ, bālā mohena pārutā; Iṅghassa pacchimaṁ sākhaṁ, mayaṁ chindāma vāṇijā.

Sā ca chinnāva pagghari, nāriyo samalaṅkatā; Vicitravatthābharaṇā, āmuttamaṇikuṇḍalā.

Api su vāṇijā ekā, nāriyo paṇṇavīsati; Samantā parivāriṁsu, tassa rukkhassa chāyayā.
parivāriṁsu → parikariṁsu (bj, sya1ed, sya2ed, pts-vp-pli1) chāyayā → chādiyā (bj, sya1ed, sya2ed, pts-vp-pli1)

Te tāhi paricāretvā, yāvaticchiṁsu vāṇijā;
paricāretvā → paricāresu (bj); parivāretvā (sya1ed, sya2ed, pts-vp-pli1) Catutthaṁ samacintesuṁ, bālā mohena pārutā; Iṅghassa uttaraṁ sākhaṁ, mayaṁ chindāma vāṇijā.

Sā ca chinnāva pagghari, muttā veḷuriyā bahū; Rajataṁ jātarūpañca, kuttiyo paṭiyāni ca.

Kāsikāni ca vatthāni, uddiyāni ca kambalā;
ca kambalā → uddiyāne ca kambale (bj, pts-vp-pli1); uddhiyāni ca kambalā (sya1ed, sya2ed) Te tattha bhāre bandhitvā, yāvaticchiṁsu vāṇijā.

Pañcamaṁ samacintesuṁ, bālā mohena pārutā; Iṅghassa mūlaṁ chindāma, api bhiyyo labhāmase.
mūlaṁ → mūle (sya1ed, sya2ed, mr)

Athuṭṭhahi satthavāho, yācamāno katañjalī; Nigrodho kiṁ parajjhati, vāṇijā bhaddamatthu te.
parajjhati → aparajjhatha (bj); aparajjhati (sya1ed, sya2ed, pts-vp-pli1)

Vāridā purimā sākhā, annapānañca dakkhiṇā; Nāridā pacchimā sākhā, sabbakāme ca uttarā; Nigrodho kiṁ parajjhati, vāṇijā bhaddamatthu te.

Yassa rukkhassa chāyāya, nisīdeyya sayeyya vā; Na tassa sākhaṁ bhañjeyya, mittadubbho hi pāpako.

Te ca tassānādiyitvā, ekassa vacanaṁ bahū;
tassānādiyitvā → tassa anāditvā (bj, sya1ed, sya2ed); tassa anādiyitvā (pts-vp-pli1) Nisitāhi kuṭhārīhi, mūlato naṁ upakkamuṁ.
kuṭhārīhi → kudhārīhi (mr)

Tato nāgā nikkhamiṁsu, sannaddhā paṇṇavīsati; Dhanuggahānaṁ tisatā, chasahassā ca vammino.

“Ete hanatha bandhatha, mā vo muñcittha jīvitaṁ;
muñcittha → muccittha (pts-vp-pli1) Ṭhapetvā satthavāhaṁva, sabbe bhasmaṁ karotha ne”.
bhasmaṁ → bhasmī (bj)

“Tasmā hi paṇḍito poso, sampassaṁ atthamattano; Lobhassa na vasaṁ gacche, haneyyārisakaṁ manaṁ.
haneyyārisakaṁ → haneyya disataṁ (bj); haneyya disakaṁ (sya1ed, sya2ed)

Evamādīnavaṁ ñatvā, taṇhā dukkhassa sambhavaṁ;
Evamādīnavaṁ → etamādīnaṁ (bj, pts-vp-pli1) Vītataṇho anādāno, sato bhikkhu paribbaje”ti.

Mahāvāṇijajātakaṁ dasamaṁ.