“Abbhuto vata lokasmiṁ, uppajji lomahaṁsano; Dibbo ratho pāturahu, vedehassa yasassino”.

Devaputto mahiddhiko, mātali devasārathi;
mātali → mātalī (bj) Nimantayittha rājānaṁ, vedehaṁ mithilaggahaṁ.
Nimantayittha → nimantayī ca (bj, pts-vp-pli1)

“Ehimaṁ rathamāruyha, rājaseṭṭha disampati; Devā dassanakāmā te, tāvatiṁsā saindakā; Saramānā hi te devā, sudhammāyaṁ samacchare”.

Tato ca rājā sādhino, vedeho mithilaggaho;
sādhino → sādhīno (bj, pts-vp-pli1) vedeho mithilaggaho → pamukho rathamāruhi (bj, pts-vp-pli1) Sahassayuttamāruyha, agā devāna santike;
Sahassayuttamāruyha → … yuttaṁ abhiruyha (bj, sya1ed, sya2ed) Taṁ devā paṭinandiṁsu, disvā rājānamāgataṁ.

“Svāgataṁ te mahārāja, atho te adurāgataṁ; Nisīda dāni rājīsi, devarājassa santike”.
rājīsi → rājisi (bj, sya1ed, sya2ed, pts-vp-pli1)

Sakkopi paṭinandittha, vedehaṁ mithilaggahaṁ; Nimantayittha kāmehi, āsanena ca vāsavo.

“Sādhu khosi anuppatto, āvāsaṁ vasavattinaṁ; Vasa devesu rājīsi, sabbakāmasamiddhisu; Tāvatiṁsesu devesu, bhuñja kāme amānuse”.

“Ahaṁ pure saggagato ramāmi, naccehi gītehi ca vāditehi; So dāni ajja na ramāmi sagge, āyuṁ nu khīṇo maraṇaṁ nu santike;
khīṇo → khīṇaṁ (sya1ed, sya2ed) Udāhu mūḷhosmi janindaseṭṭha”.

“Na tāyu khīṇaṁ maraṇañca dūre, na cāpi mūḷho naravīraseṭṭha;
Na tāyu → na cāyu (bj, pts-vp-pli1, mr) | maraṇañca → maraṇaṁ te (bj, pts-vp-pli1) Tuyhañca puññāni parittakāni, yesaṁ vipākaṁ idha vedayittho.
Tuyhañca → tavañca (bj, pts-vp-pli1); tava ca (mr) vedayittho → vedayato (pts-vp-pli1, mr)

Vasa devānubhāvena, rājaseṭṭha disampati; Tāvatiṁsesu devesu, bhuñja kāme amānuse”.

“Yathā yācitakaṁ yānaṁ, yathā yācitakaṁ dhanaṁ; Evaṁsampadamevetaṁ, yaṁ parato dānapaccayā.

Na cāhametamicchāmi, yaṁ parato dānapaccayā; Sayaṅkatāni puññāni, taṁ me āveṇikaṁ dhanaṁ.
āveṇikaṁ → āveṇiyaṁ (sya1ed, sya2ed, pts-vp-pli1); āvenikaṁ (mr)

Sohaṁ gantvā manussesu, kāhāmi kusalaṁ bahuṁ; Dānena samacariyāya, saṁyamena damena ca; Yaṁ katvā sukhito hoti, na ca pacchānutappati.

Imāni tāni khettāni, imaṁ nikkhaṁ sukuṇḍalaṁ; Imā tā haritānūpā, imā najjo savantiyo.

Imā tā pokkharaṇī rammā, cakkavākapakūjitā;
cakkavākapakūjitā → cakkavākūpakūjitā (bj, pts-vp-pli1); cākavākūpakujjitā (sya1ed, sya2ed) Mandālakehi sañchannā, padumuppalakehi ca; Yassimāni mamāyiṁsu, kiṁ nu te disataṁ gatā.

Tānīdha khettāni so bhūmibhāgo, teyeva ārāmavanūpacārā;
teyeva ārāmavanūpacārā → te ārāmā te vana'me pacārā (bj, pts-vp-pli1); te yeva ārāmavanāni sañcarā (mr) Tameva mayhaṁ janataṁ apassato, suññaṁva me nārada khāyate disā”.

“Diṭṭhā mayā vimānāni, obhāsentā catuddisā; Sammukhā devarājassa, tidasānañca sammukhā.

Vutthaṁ me bhavanaṁ dibyaṁ, bhuttā kāmā amānusā;
dibyaṁ → dibbaṁ (bj, pts-vp-pli1) Tāvatiṁsesu devesu, sabbakāmasamiddhisu.

Sohaṁ etādisaṁ hitvā, puññāyamhi idhāgato; Dhammameva carissāmi, nāhaṁ rajjena atthiko.

Adaṇḍāvacaraṁ maggaṁ, sammāsambuddhadesitaṁ; Taṁ maggaṁ paṭipajjissaṁ, yena gacchanti subbatā”ti.

Sādhinajātakaṁ ekādasamaṁ.
Sādhinajātakaṁ → sādhinarājajātakaṁ (sya1ed, sya2ed); sādhīnajātakaṁ (pts-vp-pli1)