“Sukhumālarūpaṁ disvā, raṭṭhā vivanamāgataṁ;
disvā → disvāna (bj, pts-vp-pli1) Kūṭāgāravarūpetaṁ, mahāsayanamupāsitaṁ.
mahāsayanamupāsitaṁ → … mupocitaṁ (sya1ed, sya2ed, pts-vp-pli1, mr)

Tassa te pemakenāhaṁ, adāsiṁ vaḍḍhamodanaṁ;
vaḍḍhamodanaṁ → baddhamodanaṁ (bj, pts-vp-pli1) Sālīnaṁ vicitaṁ bhattaṁ, suciṁ maṁsūpasecanaṁ.

Taṁ tvaṁ bhattaṁ paṭiggayha, brāhmaṇassa adāsayi;
adāsayi → apāpayi (bj); adāpayi (sya1ed, sya2ed, pts-vp-pli1) Attānaṁ anasitvāna, koyaṁ dhammo namatthu te”.
Attānaṁ → attanā (pts-vp-pli1 aṭṭhakathāyaṁ. pāṭhantaraṁ)

“Ācariyo brāhmaṇo mayhaṁ, kiccākiccesu byāvaṭo;
byāvaṭo → vāvaṭo (mr) Garu ca āmantanīyo ca, dātumarahāmi bhojanaṁ”.
āmantanīyo → āmantaṇīyo (pts-vp-pli1)

“Brāhmaṇaṁ dāni pucchāmi, gotamaṁ rājapūjitaṁ; Rājā te bhattaṁ pādāsi, suciṁ maṁsūpasecanaṁ.

Taṁ tvaṁ bhattaṁ paṭiggayha, isissa bhojanaṁ adā; Akhettaññūsi dānassa, koyaṁ dhammo namatthu te”.

“Bharāmi puttadāre ca, gharesu gadhito ahaṁ;
puttadāre → putte dāre (bj, pts-vp-pli1) gadhito → gathito (bj, pts-vp-pli1) Bhuñje mānusake kāme, anusāsāmi rājino.

Āraññikassa isino, cirarattaṁ tapassino;
Āraññikassa → āraññakassa (bj, pts-vp-pli1) Vuḍḍhassa bhāvitattassa, dātumarahāmi bhojanaṁ”.

“Isiñca dāni pucchāmi, kisaṁ dhamanisanthataṁ; Parūḷhakacchanakhalomaṁ, paṅkadantaṁ rajassiraṁ.

Eko araññe viharasi, nāvakaṅkhasi jīvitaṁ;
viharasi → vihāsi (mr) Bhikkhu kena tayā seyyo, yassa tvaṁ bhojanaṁ adā”.

“Khaṇantālukalambāni, bilālitakkalāni ca;
Khaṇantālukalambāni → khaṇamālukalambāni (sya1ed, sya2ed, mr) bilālitakkalāni ca → biḷālitakkaḷāni ca (bj, pts-vp-pli1) Dhunaṁ sāmākanīvāraṁ, saṅghāriyaṁ pasāriyaṁ.
saṅghāriyaṁ pasāriyaṁ → saṁhāriyaṁ pahāriyaṁ (sya1ed, sya2ed); saṁsāriyaṁ pasāriyaṁ (mr)

Sākaṁ bhisaṁ madhuṁ maṁsaṁ, badarāmalakāni ca; Tāni āharitvā bhuñjāmi, atthi me so pariggaho.
āharitvā → āhatva (bj, sya1ed, sya2ed); ābhatva (pts-vp-pli1)

Pacanto apacantassa, amamassa sakiñcano;
sakiñcano → akiñcano (bj, mr) Anādānassa sādāno, dātumarahāmi bhojanaṁ”.

“Bhikkhuñca dāni pucchāmi, tuṇhīmāsīna subbataṁ; Isi te bhattaṁ pādāsi, suciṁ maṁsūpasecanaṁ.

Taṁ tvaṁ bhattaṁ paṭiggayha, tuṇhī bhuñjasi ekako; Nāññaṁ kañci nimantesi, koyaṁ dhammo namatthu te”.
kañci → kiñci (mr)

“Na pacāmi na pācemi, na chindāmi na chedaye; Taṁ maṁ akiñcanaṁ ñatvā, sabbapāpehi ārataṁ.

Vāmena bhikkhamādāya, dakkhiṇena kamaṇḍaluṁ; Isi me bhattaṁ pādāsi, suciṁ maṁsūpasecanaṁ.

Ete hi dātumarahanti, samamā sapariggahā; Paccanīkamahaṁ maññe, yo dātāraṁ nimantaye”.

“Atthāya vata me ajja, idhāgacchi rathesabho; Sohaṁ ajja pajānāmi, yattha dinnaṁ mahapphalaṁ.
Sohaṁ ajja pajānāmi → ito pubbe na pajānāmi (bj); ito pubbe na jānāmi (pts-vp-pli1)

Raṭṭhesu giddhā rājāno, kiccākiccesu brāhmaṇā; Isī mūlaphale giddhā, vippamuttā ca bhikkhavo”ti.

Bhikkhāparamparajātakaṁ terasamaṁ.

Pakiṇṇakanipātaṁ niṭṭhitaṁ.

Tassuddānaṁ

Suva kinnara mukka kharājinaso, bhisajāta mahesi kapotavaro; Atha mora satacchaka vāṇijako, atha rāja sabrāhmaṇa bhikkhaparanti.