“Sabbaṁ narānaṁ saphalaṁ suciṇṇaṁ, na kammunā kiñcana moghamatthi; Passāmi sambhūtaṁ mahānubhāvaṁ, sakammunā puññaphalūpapannaṁ.

Sabbaṁ narānaṁ saphalaṁ suciṇṇaṁ, na kammunā kiñcana moghamatthi; Kaccinnu cittassapi evamevaṁ, iddho mano tassa yathāpi mayhaṁ”.

“Sabbaṁ narānaṁ saphalaṁ suciṇṇaṁ, na kammunā kiñcana moghamatthi; Cittampi jānāhi tatheva deva, iddho mano tassa yathāpi tuyhaṁ”.
Cittampi jānāhi → cittaṁ vijānāhi (bj, pts-vp-pli1)

“Bhavaṁ nu citto sutamaññato te, udāhu te koci naṁ etadakkhā; Gāthā sugītā na mamatthi kaṅkhā, dadāmi te gāmavaraṁ satañca”.

“Na cāhaṁ citto sutamaññato me, isī ca me etamatthaṁ asaṁsi; ‘Gantvāna rañño paṭigāhi gāthaṁ, api te varaṁ attamano dadeyya’”.
paṭigāhi → paṭigāyi (sya1ed, sya2ed, mr); paṭigāya (?) api te varaṁ attamano dadeyya → api nu te varaṁ attamano dadeyya (sya1ed, sya2ed); api nu te attamano varaṁ dade (mr)

“Yojentu ve rājarathe, sukate cittasibbane; Kacchaṁ nāgānaṁ bandhatha, gīveyyaṁ paṭimuñcatha.

Āhaññantu bherimudiṅgasaṅkhe, sīghāni yānāni ca yojayantu;
Āhaññantu → āhaññare (sya1ed, sya2ed); āhaññaruṁ (pts-vp-pli1) | bherimudiṅgasaṅkhe → … saṅkhā (sya1ed, sya2ed) Ajjevahaṁ assamaṁ taṁ gamissaṁ, yattheva dakkhissamisiṁ nisinnaṁ”.

“Suladdhalābho vata me ahosi, gāthā sugītā parisāya majjhe; Svāhaṁ isiṁ sīlavatūpapannaṁ, disvā patīto sumanohamasmi”.

“Āsanaṁ udakaṁ pajjaṁ, paṭiggaṇhātu no bhavaṁ; Agghe bhavantaṁ pucchāma, agghaṁ kurutu no bhavaṁ”.

“Rammañca te āvasathaṁ karontu, nārīgaṇehi paricārayassu; Karohi okāsamanuggahāya, ubhopimaṁ issariyaṁ karoma”.

“Disvā phalaṁ duccaritassa rāja, atho suciṇṇassa mahāvipākaṁ; Attānameva paṭisaṁyamissaṁ, na patthaye putta pasuṁ dhanaṁ vā.
putta → puttaṁ (bj, pts-vp-pli1)

Dasevimā vassadasā, maccānaṁ idha jīvitaṁ; Apattaññeva taṁ odhiṁ, naḷo chinnova sussati.

Tattha kā nandi kā khiḍḍā, kā ratī kā dhanesanā; Kiṁ me puttehi dārehi, rāja muttosmi bandhanā.

Sohaṁ evaṁ pajānāmi, maccu me nappamajjati;
Sohaṁ evaṁ pajānāmi → so ahaṁ suppajānāmi (bj, pts-vp-pli1) Antakenādhipannassa, kā ratī kā dhanesanā.

Jāti narānaṁ adhamā janinda, caṇḍālayoni dvipadākaniṭṭhā;
dvipadākaniṭṭhā → dipadā kaniṭṭhā (bj, pts-vp-pli1); dvipadakaniṭṭhā (sya1ed, sya2ed) Sakehi kammehi supāpakehi, caṇḍālagabbhe avasimha pubbe.
caṇḍālagabbhe → caṇḍāligabbhe (sya1ed, sya2ed)

Caṇḍālāhumha avantīsu, migā nerañjaraṁ pati; Ukkusā nammadātīre, tyajja brāhmaṇakhattiyā.
nammadātīre → rammadātīre (sya1ed, sya2ed, mr); ṇammadātīre (pts-vp-pli1)

Upanīyati jīvitamappamāyu, jarūpanītassa na santi tāṇā; Karohi pañcāla mameta vākyaṁ, mākāsi kammāni dukkhudrayāni.
mameta → mameva (sya1ed, sya2ed, mr)

Upanīyati jīvitamappamāyu, jarūpanītassa na santi tāṇā; Karohi pañcāla mameta vākyaṁ, mākāsi kammāni dukkhapphalāni.

Upanīyati jīvitamappamāyu, jarūpanītassa na santi tāṇā; Karohi pañcāla mameta vākyaṁ, mākāsi kammāni rajassirāni.

Upanīyati jīvitamappamāyu, vaṇṇaṁ jarā hanti narassa jiyyato; Karohi pañcāla mameta vākyaṁ, mākāsi kammaṁ nirayūpapattiyā”.

“Addhā hi saccaṁ vacanaṁ tavetaṁ, yathā isī bhāsasi evametaṁ; Kāmā ca me santi anapparūpā, te duccajā mādisakena bhikkhu.

Nāgo yathā paṅkamajjhe byasanno, passaṁ thalaṁ nābhisambhoti gantuṁ; Evampahaṁ kāmapaṅke byasanno, na bhikkhuno maggamanubbajāmi.
Evampahaṁ → evamahaṁ (sya1ed, sya2ed)

Yathāpi mātā ca pitā ca puttaṁ, anusāsare kinti sukhī bhaveyya; Evampi maṁ tvaṁ anusāsa bhante, yathā ciraṁ pecca sukhī bhaveyyaṁ”.
yathā ciraṁ → yamācaraṁ (bj, pts-vp-pli1, Ma-aka)

“No ce tuvaṁ ussahase janinda, kāme ime mānusake pahātuṁ; Dhammiṁ baliṁ paṭṭhapayassu rāja, adhammakāro tava māhu raṭṭhe.
Dhammiṁ → dhammaṁ (bj, pts-vp-pli1) adhammakāro tava → adhammakāro ca te (bj, sya1ed, sya2ed, pts-vp-pli1)

Dūtā vidhāvantu disā catasso, nimantakā samaṇabrāhmaṇānaṁ; Te annapānena upaṭṭhahassu, vatthena senāsanapaccayena ca.

Annena pānena pasannacitto, santappaya samaṇabrāhmaṇe ca; Datvā ca bhutvā ca yathānubhāvaṁ, anindito saggamupehi ṭhānaṁ.
saggamupehi → … mupeti (pts-vp-pli1, mr)

Sace ca taṁ rāja mado saheyya, nārīgaṇehi paricārayantaṁ; Imameva gāthaṁ manasī karohi, bhāsesi cenaṁ parisāya majjhe.
bhāsesi → bhāsehi (sya1ed, sya2ed, pts-vp-pli1, mr)

Abbhokāsasayo jantu, vajantyā khīrapāyito; Parikiṇṇo suvānehi, svājja rājāti vuccatī”ti.
suvānehi → supānehi (bj, pts-vp-pli1)

Cittasambhūtajātakaṁ dutiyaṁ.