“Ete yūthā patiyanti, bhītā maraṇassa cittaka;
maraṇassa → maraṇā (sya1ed, sya2ed, pts-vp-pli1); maraṇa (mr) Gaccha tuvampi mākaṅkhi, jīvissanti tayā saha”.

“Nāhaṁ rohaṇa gacchāmi, hadayaṁ me avakassati;
rohaṇa → rohanta (bj, pts-vp-pli1); rohana (sya1ed, sya2ed) Na taṁ ahaṁ jahissāmi, idha hissāmi jīvitaṁ”.

“Te hi nūna marissanti, andhā apariṇāyakā; Gaccha tuvampi mākaṅkhi, jīvissanti tayā saha”.

“Nāhaṁ rohaṇa gacchāmi, hadayaṁ me avakassati; Na taṁ baddhaṁ jahissāmi, idha hissāmi jīvitaṁ”.
baddhaṁ → bandhaṁ (sya1ed, sya2ed, mr)

“Gaccha bhīru palāyassu, kūṭe baddhosmi āyase; Gaccha tuvampi mākaṅkhi, jīvissanti tayā saha”.

“Nāhaṁ rohaṇa gacchāmi, hadayaṁ me avakassati; Na taṁ ahaṁ jahissāmi, idha hissāmi jīvitaṁ”.

“Te hi nūna marissanti, andhā apariṇāyakā; Gaccha tuvampi mākaṅkhi, jīvissanti tayā saha”.

“Nāhaṁ rohaṇa gacchāmi, hadayaṁ me avakassati; Na taṁ baddhaṁ jahissāmi, idha hissāmi jīvitaṁ”.

“Ayaṁ so luddako eti, luddarūpo sahāvudho;
luddarūpo → ruddarūpo (bj, pts-vp-pli1) Yo no vadhissati ajja, usunā sattiyā api”.
api → mapi (bj, sya1ed, sya2ed, pts-vp-pli1)

“Sā muhuttaṁ palāyitvā, bhayaṭṭā bhayatajjitā;
bhayaṭṭā → bhayaṭṭhā (pts-vp-pli1) Sudukkaraṁ akarā bhīru, maraṇāyūpanivattatha”.

“Kiṁ nu teme migā honti, muttā baddhaṁ upāsare; Na taṁ cajitumicchanti, jīvitassapi kāraṇā”.

“Bhātaro honti me ludda, sodariyā ekamātukā; Na maṁ cajitumicchanti, jīvitassapi kāraṇā”.

“Te hi nūna marissanti, andhā apariṇāyakā; Pañcannaṁ jīvitaṁ dehi, bhātaraṁ muñca luddaka”.

“So vo ahaṁ pamokkhāmi, mātāpettibharaṁ migaṁ; Nandantu mātāpitaro, muttaṁ disvā mahāmigaṁ”.

“Evaṁ luddaka nandassu, saha sabbehi ñātibhi; Yathāhamajja nandāmi, muttaṁ disvā mahāmigaṁ”.

“Kathaṁ tvaṁ pamokkho āsi, upanītasmi jīvite;
Kathaṁ tvaṁ pamokkho → kathaṁ pamokkho (bj, pts-vp-pli1); kathaṁ te pamokkho (?) Kathaṁ putta amocesi, kūṭapāsamha luddako”.

“Bhaṇaṁ kaṇṇasukhaṁ vācaṁ, hadayaṅgaṁ hadayassitaṁ; Subhāsitāhi vācāhi, cittako maṁ amocayi.

Bhaṇaṁ kaṇṇasukhaṁ vācaṁ, hadayaṅgaṁ hadayassitaṁ; Subhāsitāhi vācāhi, sutanā maṁ amocayi.

Sutvā kaṇṇasukhaṁ vācaṁ, hadayaṅgaṁ hadayassitaṁ; Subhāsitāni sutvāna, luddako maṁ amocayi”.

“Evaṁ ānandito hotu, saha dārehi luddako; Yathā mayajja nandāma, disvā rohaṇamāgataṁ”.

“Nanu tvaṁ avaca ludda, ‘migacammāni āhariṁ’;
avaca → avacā (bj, pts-vp-pli1) Atha kena nu vaṇṇena, migacammāni nāhari”.

“Āgamā ceva hatthatthaṁ, kūṭapāsañca so migo; Abajjhi taṁ migarājaṁ, tañca muttā upāsare.
Abajjhi taṁ → abajjhi tañca (bj, pts-vp-pli1); abajjhi ta (sya2ed)

Tassa me ahu saṁvego, abbhuto lomahaṁsano; Imañcāhaṁ migaṁ haññe, ajja hissāmi jīvitaṁ”.

“Kīdisā te migā ludda, kīdisā dhammikā migā; Kathaṁvaṇṇā kathaṁsīlā, bāḷhaṁ kho ne pasaṁsasi”.

“Odātasiṅgā sucivālā, jātarūpatacūpamā; Pādā lohitakā tesaṁ, añjitakkhā manoramā”.

“Edisā te migā deva, edisā dhammikā migā; Mātāpettibharā deva, na te so abhihārituṁ”.
abhihārituṁ → abhihārayuṁ (si); abhihārayiṁ (sya1ed, sya2ed); abhihārayaṁ (pts-vp-pli1)

“Dammi nikkhasataṁ ludda, thūlañca maṇikuṇḍalaṁ; Catussadañca pallaṅkaṁ, umāpupphasarinnibhaṁ.
Catussadañca → catuddasañca (bj); caturassañca (sya1ed, sya2ed, mr) umāpupphasarinnibhaṁ → ummāpupphasirinibhaṁ (bj); ummāpupphasirinnibhaṁ (sya1ed, sya2ed, pts-vp-pli1, mr)

Dve ca sādisiyo bhariyā, usabhañca gavaṁ sataṁ; Dhammena rajjaṁ kāressaṁ, bahukāro mesi luddaka.

Kasivāṇijjā iṇadānaṁ, uñchācariyā ca luddaka;
Kasivāṇijjā → kasī vaṇijjā (bj, pts-vp-pli1); kasivaṇijjā (sya1ed, sya2ed) Etena dāraṁ posehi, mā pāpaṁ akarī punāti”.
akarī punāti → akarā punanti (bj, pts-vp-pli1)

Rohaṇamigajātakaṁ pañcamaṁ.
Rohaṇamigajātakaṁ → rohantamigajātakaṁ (bj, pts-vp-pli1); rohanamigajātakaṁ (sya1ed, sya2ed)