Bhallātiyo nāma ahosi rājā, raṭṭhaṁ pahāya migavaṁ acāri so;
Bhallātiyo → bhallāṭiyo (bj, pts-vp-pli1) Agamā girivaraṁ gandhamādanaṁ, supupphitaṁ kimpurisānuciṇṇaṁ.
supupphitaṁ → sampupphitaṁ (bj, pts-vp-pli1)

Sāḷūrasaṅghañca nisedhayitvā, dhanuṁ kalāpañca so nikkhipitvā;
dhanuṁ → dhanu (sya1ed, sya2ed, pts-vp-pli1) Upāgami vacanaṁ vattukāmo, yatthaṭṭhitā kimpurisā ahesuṁ.

“Himaccaye hemavatāya tīre, kimidhaṭṭhitā mantayavho abhiṇhaṁ; Pucchāmi vo mānusadehavaṇṇe, kathaṁ vo jānanti manussaloke”.
kathaṁ vo → kathaṁ nu (mr)

“Mallaṁ giriṁ paṇḍarakaṁ tikūṭaṁ, sītodakā anuvicarāma najjo;
sītodakā → sītodiyā (bj, pts-vp-pli1); sītodikā (?) Migā manussāva nibhāsavaṇṇā, jānanti no kimpurisāti ludda”.

“Sukiccharūpaṁ paridevayavho, āliṅgito cāsi piyo piyāya;
paridevayavho → paridevathavho (?) Pucchāmi vo mānusadehavaṇṇe, kimidha vane rodatha appatītā.

Sukiccharūpaṁ paridevayavho, āliṅgito cāsi piyo piyāya; Pucchāmi vo mānusadehavaṇṇe, kimidha vane vilapatha appatītā.

Sukiccharūpaṁ paridevayavho, āliṅgito cāsi piyo piyāya; Pucchāmi vo mānusadehavaṇṇe, kimidha vane socatha appatītā”.

“Mayekarattaṁ vippavasimha ludda, akāmakā aññamaññaṁ sarantā;
Mayekarattaṁ → mayamekarattaṁ (bj); mayekarattiṁ (pts-vp-pli1) Tamekarattaṁ anutappamānā, socāma ‘sā ratti punaṁ na hessati’”.

“Yamekarattaṁ anutappathetaṁ, dhanaṁ va naṭṭhaṁ pitaraṁ va petaṁ; Pucchāmi vo mānusadehavaṇṇe, kathaṁ vinā vāsamakappayittha”.

“Yamimaṁ nadiṁ passasi sīghasotaṁ, nānādumacchādanaṁ selakūlaṁ;
Yamimaṁ → yayimaṁ (bj) nānādumacchādanaṁ selakūlaṁ → nānādumacchadanaṁ selakuṭaṁ (bj); nānādumacchādana selakūlaṁ (sya1ed, sya2ed); nānādumacchadanaṁ selakūṭaṁ (pts-vp-pli1); nānādumasañchannaṁ selakūlaṁ (mr) Taṁ me piyo uttari vassakāle, mamañca maññaṁ anubandhatīti.

Ahañca aṅkolakamocināmi, atimuttakaṁ sattaliyothikañca; ‘Piyo ca me hehiti mālabhārī, ahañca naṁ mālinī ajjhupessaṁ’.

Ahañcidaṁ kuravakamocināmi, uddālakā pāṭalisindhuvārakā;
pāṭalisindhuvārakā → … sindhuvāritā (sya1ed, sya2ed, mr); … sinduvāritā (pts-vp-pli1) ‘Piyo ca me hehiti mālabhārī, ahañca naṁ mālinī ajjhupessaṁ’.

Ahañca sālassa supupphitassa, oceyya pupphāni karomi mālaṁ; ‘Piyo ca me hehiti mālabhārī, ahañca naṁ mālinī ajjhupessaṁ’.

Ahañca sālassa supupphitassa, oceyya pupphāni karomi bhāraṁ; Idañca no hehiti santharatthaṁ, yatthajjimaṁ viharissāma rattiṁ.
yatthajjimaṁ → yatthajjamaṁ (bj, pts-vp-pli1) | viharissāma → viharissāmu (pts-vp-pli1)

Ahañca kho agaḷuṁ candanañca, silāya piṁsāmi pamattarūpā;
agaḷuṁ → aggalu (sya1ed, sya2ed, mr); akaluṁ (pts-vp-pli1) ‘Piyo ca me hehiti rositaṅgo, ahañca naṁ rositā ajjhupessaṁ’.

Athāgamā salilaṁ sīghasotaṁ, nudaṁ sāle salaḷe kaṇṇikāre;
āgamā → agamā (bj, sya1ed, sya2ed, pts-vp-pli1) Āpūratha tena muhuttakena, sāyaṁ nadī āsi mayā suduttarā.
Āpūratha → apūratha (bj, pts-vp-pli1); āpūrathe (sya1ed, sya2ed)

Ubhosu tīresu mayaṁ tadā ṭhitā, sampassantā ubhayo aññamaññaṁ; Sakimpi rodāma sakiṁ hasāma, kicchena no āgamā saṁvarī sā.

Pātova kho uggate sūriyamhi, catukkaṁ nadiṁ uttariyāna ludda;
Pātova → pāto ca (bj, sya1ed, sya2ed, pts-vp-pli1) Āliṅgiyā aññamaññaṁ mayaṁ ubho, sakimpi rodāma sakiṁ hasāma.

Tīhūnakaṁ sattasatāni ludda, yamidha mayaṁ vippavasimha pubbe; Vassekimaṁ jīvitaṁ bhūmipāla, ko nīdha kantāya vinā vaseyya”.
Vassekimaṁ → vāsekimaṁ (bj, pts-vp-pli1)

“Āyuñca vo kīvatako nu samma, sacepi jānātha vadetha āyuṁ; Anussavā vuḍḍhato āgamā vā, akkhātha me taṁ avikampamānā”.

“Āyuñca no vassasahassaṁ ludda, na cantarā pāpako atthi rogo; Appañca dukkhaṁ sukhameva bhiyyo, avītarāgā vijahāma jīvitaṁ”.
Appañca → appaṁva (sya1ed, sya2ed, mr)

“Idañca sutvāna amānusānaṁ, bhallātiyo ittara jīvitanti; Nivattatha na migavaṁ acari, adāsi dānāni abhuñji bhoge.

Idañca sutvāna amānusānaṁ, sammodatha mā kalahaṁ akattha; Mā vo tapī attakammāparādho, yathāpi te kimpurisekarattaṁ.

Idañca sutvāna amānusānaṁ, sammodatha mā vivādaṁ akattha; Mā vo tapī attakammāparādho, yathāpi te kimpurisekarattaṁ”.

“Vividhaṁ adhimanā suṇomahaṁ, vacanapathaṁ tava atthasaṁhitaṁ;
Vividhaṁ → vividha (bj, sya1ed, sya2ed) Muñcaṁ giraṁ nudaseva me daraṁ, samaṇa sukhāvaha jīva me ciran”ti.
Muñcaṁ → muñca (bj, pts-vp-pli1)

Bhallātiyajātakaṁ aṭṭhamaṁ.
Bhallātiyajātakaṁ → bhallāṭiyajātakaṁ (bj, pts-vp-pli1)