“Ko pāturāsī tidivā nabhamhi, obhāsayaṁ saṁvariṁ candimāva; Gattehi te rasmiyo niccharanti, sateratā vijjurivantalikkhe.
sateratā → sateritā (bj, mr)

So chinnavātaṁ kamasī aghamhi, vehāyasaṁ gacchasi tiṭṭhasī ca;
vehāyasaṁ → vehāsayaṁ (bj, pts-vp-pli1) | gammamāgamma → kamamāgamma (bj, sya1ed, sya2ed); saṅkammāgamma (pts-vp-pli1) Iddhī nu te vatthukatā subhāvitā, anaddhagūnaṁ api devatānaṁ.

Vehāyasaṁ gammamāgamma tiṭṭhasi, kumbhaṁ kiṇāthāti yametamatthaṁ; Ko vā tuvaṁ kissa vā tāya kumbho, akkhāhi me brāhmaṇa etamatthaṁ”.

“Na sappikumbho napi telakumbho, na phāṇitassa na madhussa kumbho; Kumbhassa vajjāni anappakāni, dose bahū kumbhagate suṇātha.

Gaḷeyya yaṁ pitvā pate papātaṁ, sobbhaṁ guhaṁ candaniyoḷigallaṁ;
Gaḷeyya → galeyya (bj, sya1ed, sya2ed) | pitvā → pītvā (bj, pts-vp-pli1) Bahumpi bhuñjeyya abhojaneyyaṁ, tassā puṇṇaṁ kumbhamimaṁ kiṇātha.

Yaṁ pitva cittasmimanesamāno, āhiṇḍatī goriva bhakkhasādī;
Yaṁ pitva → yaṁ ve pītvā (bj); yaṁ pītvā (pts-vp-pli1) bhakkhasādī → bhakkhasārī (sya1ed, sya2ed, pts-vp-pli1, mr) Anāthamāno upagāyati naccati ca, tassā puṇṇaṁ kumbhamimaṁ kiṇātha.

Yaṁ ve pivitvā acelova naggo, careyya gāme visikhantarāni; Sammūḷhacitto ativelasāyī, tassā puṇṇaṁ kumbhamimaṁ kiṇātha.

Yaṁ pitva uṭṭhāya pavedhamāno, sīsañca bāhuñca pacālayanto;
Yaṁ pitva → yaṁ ve pītvā (bj); yaṁ pītvā (pts-vp-pli1) bāhuñca → bāhañca (pts-vp-pli1) So naccatī dārukaṭallakova, tassā puṇṇaṁ kumbhamimaṁ kiṇātha.

Yaṁ ve pivitvā aggidaḍḍhā sayanti, atho sigālehipi khāditāse; Bandhaṁ vadhaṁ bhogajāniñcupenti, tassā puṇṇaṁ kumbhamimaṁ kiṇātha.

Yaṁ pitva bhāseyya abhāsaneyyaṁ, sabhāyamāsīno apetavattho;
Yaṁ pitva → yaṁ ve pītvā (bj); yaṁ pītvā (pts-vp-pli1) Sammakkhito vantagato byasanno, tassā puṇṇaṁ kumbhamimaṁ kiṇātha.

Yaṁ ve pivitvā ukkaṭṭho āvilakkho, mameva sabbā pathavīti maññe;
maññe → maññati (bj) Na me samo cāturantopi rājā, tassā puṇṇaṁ kumbhamimaṁ kiṇātha.

Mānātimānā kalahāni pesuṇī, dubbaṇṇinī naggayinī palāyinī; Corāna dhuttāna gatī niketo, tassā puṇṇaṁ kumbhamimaṁ kiṇātha.

Iddhāni phītāni kulāni assu, anekasāhassadhanāni loke; Ucchinnadāyajjakatānimāya, tassā puṇṇaṁ kumbhamimaṁ kiṇātha.

Dhaññaṁ dhanaṁ rajataṁ jātarūpaṁ, khettaṁ gavaṁ yattha vināsayanti; Ucchedanī vittavataṁ kulānaṁ, tassā puṇṇaṁ kumbhamimaṁ kiṇātha.
Ucchedanī vittavataṁ → ucchedanī vittagataṁ (sya1ed, sya2ed); ucchedanivittagataṁ (mr)

Yaṁ ve pitvā dittarūpova poso, akkosati mātaraṁ pitarañca;
dittarūpova → duṭṭharūpova (bj) Sassumpi gaṇheyya athopi suṇhaṁ, tassā puṇṇaṁ kumbhamimaṁ kiṇātha.

Yaṁ ve pitvā dittarūpāva nārī, akkosatī sasuraṁ sāmikañca;
dittarūpāva → duṭṭharūpāva (bj) Dāsampi gaṇhe paricārakampi, tassā puṇṇaṁ kumbhamimaṁ kiṇātha.

Yaṁ ve pivitvāna haneyya poso, dhamme ṭhitaṁ samaṇaṁ brāhmaṇaṁ vā;
Yaṁ ve pivitvāna → yaṁ ve pitvāna (sya1ed, sya2ed); yañce pītvāna (pts-vp-pli1) Gacche apāyampi tatonidānaṁ, tassā puṇṇaṁ kumbhamimaṁ kiṇātha.

Yaṁ ve pivitvā duccaritaṁ caranti, kāyena vācāya ca cetasā ca; Nirayaṁ vajanti duccaritaṁ caritvā, tassā puṇṇaṁ kumbhamimaṁ kiṇātha.

Yaṁ yācamānā na labhanti pubbe, bahuṁ hiraññampi pariccajantā; So taṁ pivitvā alikaṁ bhaṇāti, tassā puṇṇaṁ kumbhamimaṁ kiṇātha.

Yaṁ ve pitvā pesane pesiyanto, accāyike karaṇīyamhi jāte; Atthampi so nappajānāti vutto, tassā puṇṇaṁ kumbhamimaṁ kiṇātha.

Hirīmanāpi ahirīkabhāvaṁ, pātuṁ karonti madanāya mattā;
madanāya → madirāya (pts-vp-pli1) Dhīrāpi santā bahukaṁ bhaṇanti, tassā puṇṇaṁ kumbhamimaṁ kiṇātha.

Yaṁ ve pitvā ekathūpā sayanti, anāsakā thaṇḍiladukkhaseyyaṁ; Dubbaṇṇiyaṁ āyasakyañcupenti, tassā puṇṇaṁ kumbhamimaṁ kiṇātha.

Yaṁ ve pitvā pattakhandhā sayanti, gāvo kuṭahatāva na hi vāruṇiyā; Vego narena susahoriva, tassā puṇṇaṁ kumbhamimaṁ kiṇātha.

Yaṁ manussā vivajjenti, sappaṁ ghoravisamiva;
ghoravisamiva → … visammiva (bj, pts-vp-pli1); … visaṁ iva (mr); … visāmiva (?) Taṁ loke visasamānaṁ, ko naro pātumarahati.

Yaṁ ve pitvā andhakaveṇḍaputtā, samuddatīre paricārayantā;
andhakaveṇḍaputtā → andhakaveṇhuputtā (bj, pts-vp-pli1); aṇḍakaveṇḍaputtā (mr) Upakkamuṁ musalehaññamaññaṁ, tassā puṇṇaṁ kumbhamimaṁ kiṇātha.

Yaṁ ve pitvā pubbadevā pamattā, tidivā cutā sassatiyā samāya; Taṁ tādisaṁ majjamimaṁ niratthakaṁ, jānaṁ mahārāja kathaṁ piveyya.

Nayimasmiṁ kumbhasmiṁ dadhi vā madhu vā, evaṁ abhiññāya kiṇāhi rāja; Evañhimaṁ kumbhagatā mayā te, akkhātarūpaṁ tava sabbamitta”.

“Na me pitā vā athavāpi mātā, etādisā yādisako tuvaṁsi; Hitānukampī paramatthakāmo, sohaṁ karissaṁ vacanaṁ tavajja.

Dadāmi te gāmavarāni pañca, dāsīsataṁ satta gavaṁsatāni; Ājaññayutte ca rathe dasa ime, ācariyo hosi mamatthakāmo”.

“Taveva dāsīsatamatthu rāja, gāmā ca gāvo ca taveva hontu; Ājaññayuttā ca rathā taveva, sakkohamasmī tidasānamindo.

Maṁsodanaṁ sappipāyāsaṁ bhuñja, khādassu ca tvaṁ madhumāsapūve;
sappipāyāsaṁ → sappipāyañca (bj) Evaṁ tuvaṁ dhammarato janinda, anindito saggamupehi ṭhānan”ti.

Kumbhajātakaṁ dutiyaṁ.