“Cirassaṁ vata me udapādi ajja, bhakkho mahā sattamibhattakāle; Kutosi ko vāsi tadiṅgha brūhi, ācikkha jātiṁ vidito yathāsi”.

“Pañcālarājā migavaṁ paviṭṭho, jayaddiso nāma yadissuto te; Carāmi kacchāni vanāni cāhaṁ, pasadaṁ imaṁ khāda mamajja muñca”.
ca → mātucca (bj); mātū ca (sya1ed, sya2ed) | gantvā → gamyā (bj, sya1ed, sya2ed); gamya (pts-vp-pli1)

“Seneva tvaṁ paṇasi sassamāno, mamesa bhakkho pasado yaṁ vadesi;
sassamāno → sayhamāno (sya1ed, sya2ed, mr) Taṁ khādiyāna pasadaṁ jighaññaṁ, khādissaṁ pacchā na vilāpakālo”.
jighaññaṁ → dighaññaṁ (pts-vp-pli1); jighacchaṁ (?)

“Na catthi mokkho mama nikkayena, gantvāna paccāgamanāya paṇhe;
nikkayena → vikkayena (bj) Taṁ saṅgaraṁ brāhmaṇassappadāya, saccānurakkhī punarāvajissaṁ”.
saṅgaraṁ → saṅkaraṁ (mr)

“Kiṁ kammajātaṁ anutappate tvaṁ, pattaṁ samīpaṁ maraṇassa rāja;
anutappate tvaṁ → anutappatī taṁ (bj, pts-vp-pli1) Ācikkha me taṁ api sakkuṇemu, anujānituṁ āgamanāya paṇhe”.

“Katā mayā brāhmaṇassa dhanāsā, taṁ saṅgaraṁ paṭimukkaṁ na muttaṁ; Taṁ saṅgaraṁ brāhmaṇassappadāya, saccānurakkhī punarāvajissaṁ”.

“Yā te katā brāhmaṇassa dhanāsā, taṁ saṅgaraṁ paṭimukkaṁ na muttaṁ; Taṁ saṅgaraṁ brāhmaṇassappadāya, saccānurakkhī punarāvajassu”.

Mutto ca so porisādassa hatthā, gantvā sakaṁ mandiraṁ kāmakāmī;
porisādassa → purisādassa (pts-vp-pli1) Taṁ saṅgaraṁ brāhmaṇassappadāya, āmantayī puttamalīnasattaṁ.
puttamalīnasattaṁ → … sattuṁ (sya1ed, sya2ed, pts-vp-pli1, mr)

“Ajjeva rajjaṁ abhisiñcayassu, dhammaṁ cara sesu paresu cāpi; Adhammakāro ca te māhu raṭṭhe, gacchāmahaṁ porisādassa ñatte”.
ñatte → ñante (sya1ed, sya2ed)

“Kiṁ kamma kubbaṁ tava deva pāva, nārādhayī taṁ tadicchāmi sotuṁ;
deva pāva → devapāde (bj, sya1ed, sya2ed, pts-vp-pli1) Yamajja rajjamhi udassaye tuvaṁ, rajjampi niccheyyaṁ tayā vināhaṁ”.

“Na kammunā vā vacasā va tāta, aparādhitohaṁ tuviyaṁ sarāmi; Sandhiñca katvā purisādakena, saccānurakkhī punāhaṁ gamissaṁ”.
Sandhiñca → saddhiñca (sya1ed, sya2ed, mr)

“Ahaṁ gamissāmi idheva hohi, natthi tato jīvato vippamokkho; Sace tuvaṁ gacchasiyeva rāja, ahampi gacchāmi ubho na homa”.

“Addhā hi tāta satānesa dhammo, maraṇā ca me dukkhataraṁ tadassa; Kammāsapādo taṁ yadā pacitvā, pasayha khāde bhidā rukkhasūle”.

“Pāṇena te pāṇamahaṁ nimissaṁ, mā tvaṁ agā porisādassa ñatte; Etañca te pāṇamahaṁ nimissaṁ, tasmā mataṁ jīvitassa vaṇṇemi”.
vaṇṇemi → varemi (bj)

Tato have dhitimā rājaputto, vanditvā mātu ca pitu ca pāde;
vanditvā mātu ca pitu ca → vandittha mātucca pitucca (bj, pts-vp-pli1); vanditvā mātuñca pituñca (sya1ed, sya2ed) Dukhinissa mātā nipatā pathabyā, pitāssa paggayha bhujāni kandati.
nipatā → nipatī (bj, sya1ed, sya2ed, pts-vp-pli1)

Taṁ gacchantaṁ tāva pitā viditvā, parammukho vandati pañjalīko; “Somo ca rājā varuṇo ca rājā, pajāpatī candimā sūriyo ca; Etehi gutto purisādakamhā, anuññāto sotthi paccehi tāta”.

“Yaṁ daṇḍakirañño gatassa mātā, rāmassakāsi sotthānaṁ suguttā;
Yaṁ daṇḍakirañño gatassa → yaṁ daṇḍakāraññagatassa (pts-vp-pli1) Taṁ te ahaṁ sotthānaṁ karomi, etena saccena sarantu devā; Anuññāto sotthi paccehi putta”.

“Āvī raho vāpi manopadosaṁ, nāhaṁ sare jātu malīnasatte; Etena saccena sarantu devā, anuññāto sotthi paccehi bhātika”.
bhātika → bhāta (bj); bhātā (sya1ed, sya2ed, pts-vp-pli1)

“Yasmā ca me anadhimanosi sāmi, na cāpi me manasā appiyosi; Etena saccena sarantu devā, anuññāto sotthi paccehi sāmi”.

“Brahā ujū cārumukho kutosi, na maṁ pajānāsi vane vasantaṁ; Luddaṁ maṁ ñatvā ‘purisādako’ti, ko sotthimājānamidhāvajeyya”.

“Jānāmi ludda purisādako tvaṁ, na taṁ na jānāmi vane vasantaṁ; Ahañca puttosmi jayaddisassa, mamajja khāda pituno pamokkhā”.

“Jānāmi puttoti jayaddisassa, tathā hi vo mukhavaṇṇo ubhinnaṁ;
puttoti → puttosi (sya1ed, sya2ed, mr) Sudukkaraññeva kataṁ tavedaṁ, yo mattumicche pituno pamokkhā”.
Sudukkaraññeva → sudukkarañceva (sya1ed, sya2ed, pts-vp-pli1, mr)

“Na dukkaraṁ kiñci mahettha maññe, yo mattumicche pituno pamokkhā; Mātu ca hetu paraloka gantvā, sukhena saggena ca sampayutto”.

“Ahañca kho attano pāpakiriyaṁ, āvī raho vāpi sare na jātu; Saṅkhātajātīmaraṇohamasmi, yatheva me idha tathā parattha.

Khādajja maṁ dāni mahānubhāva, karassu kiccāni imaṁ sarīraṁ; Rukkhassa vā te papatāmi aggā, chādayamāno mayhaṁ tvamadesi maṁsaṁ”.

“Idañca te ruccati rājaputta, cajesi pāṇaṁ pituno pamokkhā;
cajesi → cajāsi (bj, pts-vp-pli1) Tasmā hi so tvaṁ taramānarūpo, sambhañja kaṭṭhāni jalehi aggiṁ”.
Tasmā hi so → tasmātiha (bj, sya1ed, sya2ed)

Tato have dhitimā rājaputto, dāruṁ samāhatvā mahantamaggiṁ; Sandīpayitvā paṭivedayittha, “Ādīpito dāni mahāyamaggi”.
mahāyamaggi → mayā yakkhamaggi (mr)

“Khādajja maṁ dāni pasayhakāri, kiṁ maṁ muhuṁ pekkhasi haṭṭhalomo; Tathā tathā tuyhamahaṁ karomi, yathā yathā maṁ chādayamāno adesi”.

“Ko tādisaṁ arahati khāditāye, dhamme ṭhitaṁ saccavādiṁ vadaññuṁ; Muddhāpi tassa viphaleyya sattadhā, yo tādisaṁ saccavādiṁ adeyya”.

“Idañhi so brāhmaṇaṁ maññamāno, saso avāsesi sake sarīre; Teneva so candimā devaputto, sasatthuto kāmaduhajja yakkha”.
sasatthuto → sasaṭṭhako (sya1ed, sya2ed) | kāmaduhajja → kāmaruhajja (mr)

“Cando yathā rāhumukhā pamutto, virocate pannaraseva bhāṇumā;
bhāṇumā → bhānumā (bj, pts-vp-pli1) Evaṁ tuvaṁ porisādā pamutto, viroca kapile mahānubhāva;
kapile → kampilla (bj, pts-vp-pli1); kapille (sya1ed, sya2ed) Āmodayaṁ pitaraṁ mātarañca, sabbo ca te nandatu ñātipakkho”.

Tato have dhitimā rājaputto, katañjalī pariyāya porisādaṁ;
pariyāya → pariyagā (bj); paggayha (sya1ed, sya2ed, pts-vp-pli1) Anuññāto sotthi sukhī arogo, paccāgamā kapilamalīnasatto.
paccāgamā → paccāga (pts-vp-pli1) | kapilamalīnasatto → kampilla'malīnasatto (bj, pts-vp-pli1); kapillamalīnasatto (sya1ed, sya2ed); kapila'malīnasattā (mr)

Taṁ negamā jānapadā ca sabbe, hatthārohā rathikā pattikā ca; Namassamānā pañjalikā upāgamuṁ, “Namatthu te dukkarakārakosī”ti.

Jayaddisajātakaṁ tatiyaṁ.
Jayaddisajātakaṁ → jayadisajātakaṁ (mr)