“Sace vo vuyhamānānaṁ, sattannaṁ udakaṇṇave; Manussabalimesāno, nāvaṁ gaṇheyya rakkhaso; Anupubbaṁ kathaṁ datvā, muñcesi dakarakkhasā”.
dakarakkhasā → dakarakkhino (bj); dakarakkhato (pts-vp-pli1)

“Mātaraṁ paṭhamaṁ dajjaṁ, bhariyaṁ datvāna bhātaraṁ;
dajjaṁ → dajja (sya1ed, sya2ed) Tato sahāyaṁ datvāna, pañcamaṁ dajjaṁ brāhmaṇaṁ; Chaṭṭhāhaṁ dajjamattānaṁ, neva dajjaṁ mahosadhaṁ”.

“Posetā te janettī ca, dīgharattānukampikā; Chabbhī tayi padussati, paṇḍitā atthadassinī;
padussati → paduṭṭhasmiṁ (bj, sya1ed, sya2ed, pts-vp-pli1) Aññaṁ upanisaṁ katvā, vadhā taṁ parimocayi.

Taṁ tādisiṁ pāṇadadiṁ, orasaṁ gabbhadhāriniṁ;
tādisiṁ → tādisaṁ (bj, mr) gabbhadhāriniṁ → gabbhadhāriṇiṁ (bj); gabbhadhārinaṁ (pts-vp-pli1) Mātaraṁ kena dosena, dajjāsi dakarakkhino”.
dakarakkhino → dakarakkhato (pts-vp-pli1)

“Daharā viyalaṅkāraṁ, dhāreti apiḷandhanaṁ; Dovārike anīkaṭṭhe, ativelaṁ pajagghati.
pajagghati → sañjagghati (mr)

Athopi paṭirājūnaṁ, sayaṁ dūtāni sāsati; Mātaraṁ tena dosena, dajjāhaṁ dakarakkhino”.

“Itthigumbassa pavarā, accantaṁ piyabhāṇinī;
accantaṁ piyabhāṇinī → accantapiyavādinī (bj, pts-vp-pli1) Anuggatā sīlavatī, chāyāva anapāyinī.
Anuggatā → anubbatā (sya1ed, sya2ed); anupubbatā (mr)

Akkodhanā puññavatī, paṇḍitā atthadassinī;
puññavatī → paññavatī (bj, pts-vp-pli1) Ubbariṁ kena dosena, dajjāsi dakarakkhino”.

“Khiḍḍāratisamāpannaṁ, anatthavasamāgataṁ; Sā maṁ sakāna puttānaṁ, ayācaṁ yācate dhanaṁ.

Sohaṁ dadāmi sāratto, bahuṁ uccāvacaṁ dhanaṁ;
sāratto → sārato (sya1ed, sya2ed) Suduccajaṁ cajitvāna, pacchā socāmi dummano; Ubbariṁ tena dosena, dajjāhaṁ dakarakkhino”.

“Yenocitā janapadā, ānītā ca paṭiggahaṁ;
janapadā → jānapadā (bj, sya1ed, sya2ed, pts-vp-pli1) | Yenocitā → mayocitā (bj); mayācitā (pts-vp-pli1) Ābhataṁ pararajjebhi, abhiṭṭhāya bahuṁ dhanaṁ.

Dhanuggahānaṁ pavaraṁ, sūraṁ tikhiṇamantinaṁ; Bhātaraṁ kena dosena, dajjāsi dakarakkhino”.

“Yenocitā janapadā, ānītā ca paṭiggahaṁ; Ābhataṁ pararajjebhi, abhiṭṭhāya bahuṁ dhanaṁ.

Dhanuggahānaṁ pavaro, sūro tikhiṇamanti ca;
tikhiṇamanti ca → tikhiṇamantino (mr) Mayāyaṁ sukhito rājā, atimaññati dārako.
Mayāyaṁ → mayā so (pts-vp-pli1)

Upaṭṭhānampi me ayye, na so eti yathā pure; Bhātaraṁ tena dosena, dajjāhaṁ dakarakkhino”.

“Ekarattena ubhayo, tvañceva dhanusekha ca;
dhanusekha ca → dhanusekhavā (bj, sya1ed, sya2ed, pts-vp-pli1) Ubho jātettha pañcālā, sahāyā susamāvayā.

Cariyā taṁ anubandhittho, ekadukkhasukho tava;
anubandhittho → anubandho (mr) Ussukko te divārattiṁ, sabbakiccesu byāvaṭo; Sahāyaṁ kena dosena, dajjāsi dakarakkhino”.

“Cariyā maṁ ayaṁ ayye, pajagghittho mayā saha;
Cariyā maṁ ayaṁ → cariyāya ayaṁ (bj, pts-vp-pli1) pajagghittho → sañjagghittho (sya1ed, sya2ed) Ajjāpi tena vaṇṇena, ativelaṁ pajagghati.

Ubbariyāpihaṁ ayye, mantayāmi rahogato; Anāmanto pavisati, pubbe appaṭivedito.
Anāmanto → anāmantā (bj, pts-vp-pli1)

Laddhadvāro katokāso, ahirikaṁ anādaraṁ;
Laddhadvāro → laddhavāro (bj, pts-vp-pli1) Sahāyaṁ tena dosena, dajjāhaṁ dakarakkhino”.

“Kusalo sabbanimittānaṁ, rutaññū āgatāgamo;
rutaññū → rudaññū (bj, sya1ed, sya2ed, pts-vp-pli1) Uppāte supine yutto, niyyāne ca pavesane.

Paṭṭho bhūmantalikkhasmiṁ, nakkhattapadakovido;
Paṭṭho → paddho (bj, pts-vp-pli1) Brāhmaṇaṁ kena dosena, dajjāsi dakarakkhino”.

“Parisāyampi me ayye, ummīlitvā udikkhati; Tasmā accabhamuṁ luddaṁ, dajjāhaṁ dakarakkhino”.

“Sasamuddapariyāyaṁ, mahiṁ sāgarakuṇḍalaṁ; Vasundharaṁ āvasasi, amaccaparivārito.

Cāturanto mahāraṭṭho, vijitāvī mahabbalo; Pathabyā ekarājāsi, yaso te vipulaṁ gato.

Soḷasitthisahassāni, āmuttamaṇikuṇḍalā; Nānājanapadā nārī, devakaññūpamā subhā.

Evaṁ sabbaṅgasampannaṁ, sabbakāmasamiddhinaṁ; Sukhitānaṁ piyaṁ dīghaṁ, jīvitaṁ āhu khattiya.

Atha tvaṁ kena vaṇṇena, kena vā pana hetunā; Paṇḍitaṁ anurakkhanto, pāṇaṁ cajasi duccajaṁ”.

“Yatopi āgato ayye, mama hatthaṁ mahosadho; Nābhijānāmi dhīrassa, anumattampi dukkaṭaṁ.

Sace ca kismici kāle, maraṇaṁ me pure siyā; So me putte paputte ca, sukhāpeyya mahosadho.
putte → putte ca me (bj, sya1ed, sya2ed, pts-vp-pli1)

Anāgataṁ paccuppannaṁ, sabbamatthampi passati;
sabbamatthampi passati → sabbamatthaṁ vipassati (bj, sya1ed, sya2ed, pts-vp-pli1) Anāparādhakammantaṁ, na dajjaṁ dakarakkhino”.

“Idaṁ suṇātha pañcālā, cūḷaneyyassa bhāsitaṁ;
cūḷaneyyassa → cūlanīyassa (bj); cūḷaniyassa (pts-vp-pli1) Paṇḍitaṁ anurakkhanto, pāṇaṁ cajati duccajaṁ.

Mātu bhariyāya bhātucca, sakhino brāhmaṇassa ca; Attano cāpi pañcālo, channaṁ cajati jīvitaṁ.

Evaṁ mahatthikā paññā, nipuṇā sādhucintinī;
mahatthikā → mahiddhiyā (sya1ed, sya2ed); mahiddhikā (pts-vp-pli1, mr) Diṭṭhadhammahitatthāya, samparāyasukhāya cā”ti.

Dakarakkhasajātakaṁ sattamaṁ.