“Kā vedhamānā girikandarāyaṁ, ekā tuvaṁ tiṭṭhasi saṁhitūru;
saṁhitūru → saññatūru (bj, pts-vp-pli1); sañcitūru (sya1ed, sya2ed) Puṭṭhāsi me pāṇipameyyamajjhe, akkhāhi me nāmañca bandhave ca.
me → mayhaṁ (bj, sya1ed, sya2ed, pts-vp-pli1)

Obhāsayaṁ vanaṁ rammaṁ, sīhabyagghanisevitaṁ; Kā vā tvamasi kalyāṇi, kassa vā tvaṁ sumajjhime; Abhivādemi taṁ bhadde, dānavāhaṁ namatthu te”.

“Yo putto kāsirājassa, sotthisenoti taṁ vidū; Tassāhaṁ sambulā bhariyā, evaṁ jānāhi dānava; Abhivādemi taṁ bhante, sambulāhaṁ namatthu te.
bhante → bhaddante (bj, sya1ed, sya2ed)

Vedehaputto bhaddante, vane vasati āturo; Tamahaṁ rogasammattaṁ, ekā ekaṁ upaṭṭhahaṁ.
upaṭṭhahaṁ → upaṭṭhahiṁ (bj)

Ahañca vanamuñchāya, madhumaṁsaṁ migābilaṁ;
migābilaṁ → migāvilaṁ (bj) Yadāharāmi taṁ bhakkho, tassa nūnajja nādhati”.
nādhati → nāthati (mr)

“Kiṁ vane rājaputtena, āturena karissasi; Sambule pariciṇṇena, ahaṁ bhattā bhavāmi te”.

“Sokaṭṭāya durattāya, kiṁ rūpaṁ vijjate mama; Aññaṁ pariyesa bhaddante, abhirūpataraṁ mayā”.

“Ehimaṁ girimāruyha, bhariyā me catussatā; Tāsaṁ tvaṁ pavarā hohi, sabbakāmasamiddhinī.

Nūna tārakavaṇṇābhe, yaṁ kiñci manasicchasi;
Nūna → nanu (sya1ed, sya2ed, pts-vp-pli1, mr) | tārakavaṇṇābhe → hāṭakavaṇṇābhe (pts-vp-pli1) Sabbaṁ taṁ pacuraṁ mayhaṁ, ramassvajja mayā saha.
ramassvajja → ramassujja (bj, sya1ed, sya2ed)

No ce tuvaṁ maheseyyaṁ, sambule kārayissasi; Alaṁ tvaṁ pātarāsāya, paṇhe bhakkhā bhavissasi”.
paṇhe → maññe (bj, pts-vp-pli1); pañhe (sya2ed)

Tañca sattajaṭo luddo, kaḷāro purisādako; Vane nāthaṁ apassantiṁ, sambulaṁ aggahī bhuje.

Adhipannā pisācena, luddenāmisacakkhunā; Sā ca sattuvasaṁ pattā, patimevānusocati.

“Na me idaṁ tathā dukkhaṁ, yaṁ maṁ khādeyya rakkhaso; Yañca me ayyaputtassa, mano hessati aññathā.

Na santi devā pavasanti nūna, na hi nūna santi idha lokapālā; Sahasā karontānamasaññatānaṁ, na hi nūna santi paṭisedhitāro”.

“Itthīnamesā pavarā yasassinī, santā samā aggirivuggatejā; Tañce tuvaṁ rakkhasādesi kaññaṁ, muddhā ca hi sattadhā te phaleyya; Mā tvaṁ dahī muñca patibbatāya”.
dahī → dahi (bj, sya1ed, sya2ed); jahī (pts-vp-pli1) | patibbatāya → patibbatā sā (bj); patibbatā yā (pts-vp-pli1)

Sā ca assamamāgacchi, pamuttā purisādakā; Nīḷaṁ paḷinaṁ sakuṇīva, gatasiṅgaṁva ālayaṁ.
Nīḷaṁ → niḍḍaṁ (sya1ed, sya2ed, mr) | paḷinaṁ sakuṇīva → phalinasakuṇīva (bj, pts-vp-pli1); phalīnasakuṇīva (sya1ed, sya2ed)

Sā tattha paridevesi, rājaputtī yasassinī; Sambulā utumattakkhā, vane nāthaṁ apassantī.
apassantī → apassatī (bj)

Samaṇe brāhmaṇe vande, sampannacaraṇe ise; Rājaputtaṁ apassantī, “tumhaṁmhi saraṇaṁ gatā”.
tumhaṁmhi → tumhamhi (sya1ed, sya2ed, pts-vp-pli1)

Vande sīhe ca byagghe ca, ye ca aññe vane migā; Rājaputtaṁ apassantī, “tumhaṁmhi saraṇaṁ gatā”.

Tiṇā latāni osadhyo, pabbatāni vanāni ca;
Tiṇā → tiṇa (pts-vp-pli1) Rājaputtaṁ apassantī, “tumhaṁmhi saraṇaṁ gatā”.

Vande indīvarīsāmaṁ, rattiṁ nakkhattamāliniṁ; Rājaputtaṁ apassantī, “tumhaṁmhi saraṇaṁ gatā”.

Vande bhāgīrathiṁ gaṅgaṁ, savantīnaṁ paṭiggahaṁ; Rājaputtaṁ apassantī, “tumhaṁmhi saraṇaṁ gatā”.

Vande ahaṁ pabbatarājaseṭṭhaṁ, himavantaṁ siluccayaṁ; Rājaputtaṁ apassantī, “Tumhaṁmhi saraṇaṁ gatā”.

“Atisāyaṁ vatāgacchi, rājaputti yasassini; Kena nujja samāgacchi, ko te piyataro mayā”.
samāgacchi → samāgañchi (bj, pts-vp-pli1)

“Idaṁ khohaṁ tadāvocaṁ, gahitā tena sattunā;
tadāvocaṁ → tadavocaṁ (bj) Na me idaṁ tathā dukkhaṁ, yaṁ maṁ khādeyya rakkhaso; Yañca me ayyaputtassa, mano hessati aññathā”.

“Corīnaṁ bahubuddhīnaṁ, yāsu saccaṁ sudullabhaṁ; Thīnaṁ bhāvo durājāno, macchassevodake gataṁ”.

“Tathā maṁ saccaṁ pāletu, pālayissati ce mamaṁ; Yathāhaṁ nābhijānāmi, aññaṁ piyataraṁ tayā; Etena saccavajjena, byādhi te vūpasammatu”.

“Ye kuñjarā sattasatā uḷārā, rakkhanti rattindivamuyyutāvudhā; Dhanuggahānañca satāni soḷasa, kathaṁvidhe passasi bhadde sattavo”.

“Alaṅkatāyo padumuttarattacā, virāgitā passati haṁsagaggarā; Tāsaṁ suṇitvā mitagītavāditaṁ, na dāni me tāta tathā yathā pure.
mitagītavāditaṁ → mitagītavādinaṁ (pts-vp-pli1)

Suvaṇṇasaṅkaccadharā suviggahā, alaṅkatā mānusiyaccharūpamā; Senopiyā tāta aninditaṅgiyo, khattiyakaññā paṭilobhayanti naṁ.
Senopiyā → senūpiyā (pts-vp-pli1) paṭilobhayanti → paṭilābhayanti (pts-vp-pli1)

Sace ahaṁ tāta tathā yathā pure, patiṁ tamuñchāya punā vane bhare; Sammānaye maṁ na ca maṁ vimānaye, itopi me tāta tato varaṁ siyā.

Yamannapāne vipulasmi ohite, nārī vimaṭṭhābharaṇā alaṅkatā; Sabbaṅgupetā patino ca appiyā, abajjha tassā maraṇaṁ tato varaṁ.
abajjha → avajjha (sya1ed, sya2ed); ābajjha (pts-vp-pli1)

Api ce daliddā kapaṇā anāḷhiyā, kaṭādutīyā patino ca sā piyā; Sabbaṅgupetāyapi appiyāya, ayameva seyyā kapaṇāpi yā piyā”.
seyyā → seyyo (sya1ed, sya2ed, mr) | kapaṇāpi yā piyā → kapaṇāpi yā (mr)

“Sudullabhitthī purisassa yā hitā, bhattitthiyā dullabho yo hito ca; Hitā ca te sīlavatī ca bhariyā, janinda dhammaṁ cara sambulāya”.

“Sace tuvaṁ vipule laddhabhoge, issāvatiṇṇā maraṇaṁ upesi; Ahañca te bhadde imā rājakaññā, sabbe te vacanakarā bhavāmā”ti.
rājakaññā → imā ca kaññā (pts-vp-pli1) sabbe → sabbeva (bj, sya1ed, sya2ed, pts-vp-pli1)

Sambulājātakaṁ navamaṁ.
Sambulājātakaṁ → sambulajātakaṁ (pts-vp-pli1)