“Āmantayāmi nigamaṁ, mittāmacce parissaje;
parissaje → pārisajje ca (bj, sya1ed, sya2ed); parīsaje (pts-vp-pli1) Sirasmiṁ palitaṁ jātaṁ, pabbajjaṁ dāni rocahaṁ”.

“Abhumme kathaṁ nu bhaṇasi, sallaṁ me deva urasi kappesi;
kappesi → kampesi (pts-vp-pli1) Sattasatā te bhariyā, kathaṁ nu te tā bhavissanti”.
te → ādu (bj, pts-vp-pli1); ādū (sya1ed, sya2ed)

“Paññāyihinti etā, daharā aññampi tā gamissanti; Saggañcassa patthayāno, tena ahaṁ pabbajissāmi”.
tena ahaṁ → tenāhaṁ (bj, sya1ed, sya2ed); tenamahaṁ (pts-vp-pli1) | pabbaji → pabbajassu (bj); pabbaja (pts-vp-pli1)

“Dulladdhaṁ me āsi sutasoma, yassa te homahaṁ mātā; Yaṁ me vilapantiyā, anapekkho pabbajasi deva.
kho → rājā kho (bj, sya1ed, sya2ed, pts-vp-pli1)

Dulladdhaṁ me āsi sutasoma, yaṁ taṁ ahaṁ vijāyissaṁ; Yaṁ me vilapantiyā, anapekkho pabbajasi deva”.

“Ko nāmeso dhammo, sutasoma kā ca nāma pabbajjā; Yaṁ no amhe jiṇṇe, anapekkho pabbajasi deva.

Puttāpi tuyhaṁ bahavo, daharā appattayobbanā; Mañjū tepi taṁ apassantā, maññe dukkhaṁ nigacchanti”.
tepi → te (bj, pts-vp-pli1)

“Puttehi ca me etehi, daharehi appattayobbanehi; Mañjūhi sabbehipi tumhehi, cirampi ṭhatvā vināsabhāvo”.
vināsabhāvo → vinābhāvo (bj, sya1ed, sya2ed, pts-vp-pli1)

“Chinnaṁ nu tuyhaṁ hadayaṁ, adu te karuṇā ca natthi amhesu; Yaṁ no vikandantiyo, anapekkho pabbajasi deva”.
vikandantiyo → vikkandantiyo (bj); pi kandantiyo (pts-vp-pli1)

“Na ca mayhaṁ chinnaṁ hadayaṁ, atthi karuṇāpi mayhaṁ tumhesu; Saggañca patthayāno, tena ahaṁ pabbajissāmi”.

“Dulladdhaṁ me āsi, sutasoma yassa te ahaṁ bhariyā; Yaṁ me vilapantiyā, anapekkho pabbajasi deva.

Dulladdhaṁ me āsi, sutasoma yassa te ahaṁ bhariyā; Yaṁ me kucchipaṭisandhiṁ, anapekkho pabbajasi deva.
Yaṁ me kucchipaṭisandhiṁ → maṁ kucchimatiṁ santiṁ (pts-vp-pli1)

Paripakko me gabbho, kucchigato yāva naṁ vijāyāmi; Māhaṁ ekā vidhavā, pacchā dukkhāni addakkhiṁ”.

“Paripakko te gabbho, kucchigato iṅgha tvaṁ vijāyassu;
tvaṁ → naṁ (pts-vp-pli1) Puttaṁ anomavaṇṇaṁ, taṁ hitvā pabbajissāmi”.

“Mā tvaṁ cande rudi, mā soci vanatimiramattakkhi; Āroha varapāsādaṁ, anapekkho ahaṁ gamissāmi”.
varapāsādaṁ → ca pāsādaṁ (pts-vp-pli1)

“Ko taṁ amma kopesi, kiṁ rodasi pekkhasi ca maṁ bāḷhaṁ; Kaṁ avajjhaṁ ghātemi, ñātīnaṁ udikkhamānānaṁ”.
Kaṁ avajjhaṁ ghātemi → ghātemi km avajjhaṁ (pts-vp-pli1); taṁ avajjhaṁ ghātemi (mr)

“Na hi so sakkā hantuṁ, vijitāvī yo maṁ tāta kopesi;
vijitāvī → jīvitāvī (pts-vp-pli1) Pitā te maṁ tāta avaca, anapekkho ahaṁ gamissāmi”.

“Yohaṁ pubbe niyyāmi, uyyānaṁ mattakuñjare ca yodhemi; Sutasome pabbajite, kathaṁ nu dāni karissāmi”.

“Mātucca me rudantyā, jeṭṭhassa ca bhātuno akāmassa;
Mātucca → mātu ca (bj, sya1ed, sya2ed) | rudantyā → rudatyā (pts-vp-pli1) Hatthepi te gahessaṁ, na hi gacchasi no akāmānaṁ”.
gacchasi → gañchisi (pts-vp-pli1)

“Uṭṭhehi tvaṁ dhāti, imaṁ kumāraṁ ramehi aññattha; Mā me paripanthamakāsi, saggaṁ mama patthayānassa”.
paripanthamakāsi → … makā (bj, pts-vp-pli1)

“Yaṁnūnimaṁ dadeyyaṁ pabhaṅkaraṁ, ko nu me imināttho;
dadeyyaṁ → jaheyyaṁ (pts-vp-pli1) imināttho → ko nu me iminā attho (bj, sya1ed, sya2ed); ko nu me nattho (pts-vp-pli1) Sutasome pabbajite, kiṁ nu menaṁ karissāmi”.

“Koso ca tuyhaṁ vipulo, koṭṭhāgārañca tuyhaṁ paripūraṁ; Pathavī ca tuyhaṁ vijitā, ramassu mā pabbaji deva”.

“Koso ca mayhaṁ vipulo, koṭṭhāgārañca mayhaṁ paripūraṁ; Pathavī ca mayhaṁ vijitā, taṁ hitvā pabbajissāmi”.

“Mayhampi dhanaṁ pahūtaṁ, saṅkhātuṁ nopi deva sakkomi;
saṅkhātuṁ → saṅkhyātuṁ (bj) Taṁ te dadāmi sabbampi, ramassu mā pabbaji deva”.
Taṁ te dadāmi sabbampi → taṁ deva te dadāmi sabbampi (bj); tan te dadāmi sabbaṁ (pts-vp-pli1)

“Jānāmi dhanaṁ pahūtaṁ, kulavaddhana pūjito tayā casmi;
Jānāmi → jānāmi te (bj, sya1ed, sya2ed) Saggañca patthayāno, tena ahaṁ pabbajissāmi.

Ukkaṇṭhitosmi bāḷhaṁ, arati maṁ somadatta āvisati;
āvisati → āvīsati (mr) Bahukāpi me antarāyā, ajjevāhaṁ pabbajissāmi”.
Bahukāpi → bahukā hi (bj, sya1ed, sya2ed)

“Idañca tuyhaṁ rucitaṁ, sutasoma ajjeva dāni tvaṁ pabbaja; Ahampi pabbajissāmi, na ussahe tayā vinā ahaṁ ṭhātuṁ”.

“Na hi sakkā pabbajituṁ, nagare na hi paccati janapade ca; Sutasome pabbajite, kathaṁ nu dāni karissāma.

Upanīyatidaṁ maññe, parittaṁ udakaṁva caṅkavāramhi; Evaṁ suparittake jīvite, na ca pamajjituṁ kālo.

Upanīyatidaṁ maññe, parittaṁ udakaṁva caṅkavāramhi; Evaṁ suparittake jīvite, andhabālā pamajjanti.
andhabālā → atha bālā (bj, sya1ed, sya2ed, pts-vp-pli1)

Te vaḍḍhayanti nirayaṁ, tiracchānayoniñca pettivisayañca; Taṇhāya bandhanabaddhā, vaḍḍhenti asurakāyaṁ”.

“Ūhaññate rajaggaṁ, avidūre pubbakamhi ca pāsāde;
pubbakamhi ca → pupphakamhi ca (bj, sya1ed, sya2ed); pupphakamhi (pts-vp-pli1) Maññe no kesā chinnā, yasassino dhammarājassa”.

“Ayamassa pāsādo, sovaṇṇapupphamālyavītikiṇṇo;
sovaṇṇapupphamālyavītikiṇṇo → sovaṇṇo puppha … (pts-vp-pli1) Yahimanuvicari rājā, parikiṇṇo itthāgārehi.
Yahimanuvicari → yamhi … (pts-vp-pli1)

Ayamassa pāsādo, sovaṇṇapupphamālyavītikiṇṇo; Yahimanuvicari rājā, parikiṇṇo ñātisaṅghena.

Idamassa kūṭāgāraṁ, sovaṇṇapupphamālyavītikiṇṇaṁ;
sovaṇṇapupphamālyavītikiṇṇaṁ → sovaṇṇo puppha … (pts-vp-pli1) Yahimanuvicari rājā, parikiṇṇo itthāgārehi.

Idamassa kūṭāgāraṁ, sovaṇṇapupphamālyavītikiṇṇaṁ;
sovaṇṇapupphamālyavītikiṇṇaṁ → sovaṇṇaṁ puppha … (pts-vp-pli1) Yahimanuvicari rājā, parikiṇṇo ñātisaṅghena.

Ayamassa asokavanikā, supupphitā sabbakālikā rammā; Yahimanuvicari rājā, parikiṇṇo itthāgārehi.

Ayamassa asokavanikā, supupphitā sabbakālikā rammā; Yahimanuvicari rājā, parikiṇṇo ñātisaṅghena.

Idamassa uyyānaṁ, supupphitaṁ sabbakālikaṁ rammaṁ; Yahimanuvicari rājā, parikiṇṇo itthāgārehi.

Idamassa uyyānaṁ, supupphitaṁ sabbakālikaṁ rammaṁ; Yahimanuvicari rājā, parikiṇṇo ñātisaṅghena.

Idamassa kaṇikāravanaṁ, supupphitaṁ sabbakālikaṁ rammaṁ; Yahimanuvicari rājā, parikiṇṇo itthāgārehi.

Idamassa kaṇikāravanaṁ, supupphitaṁ sabbakālikaṁ rammaṁ; Yahimanuvicari rājā, parikiṇṇo ñātisaṅghena.

Idamassa pāṭalivanaṁ, supupphitaṁ sabbakālikaṁ rammaṁ;
pāṭalivanaṁ → pāṭaḷīvanaṁ (bj) Yahimanuvicari rājā, parikiṇṇo itthāgārehi.

Idamassa pāṭalivanaṁ, supupphitaṁ sabbakālikaṁ rammaṁ; Yahimanuvicari rājā, parikiṇṇo ñātisaṅghena.

Idamassa ambavanaṁ, supupphitaṁ sabbakālikaṁ rammaṁ; Yahimanuvicari rājā, parikiṇṇo itthāgārehi.

Idamassa ambavanaṁ, supupphitaṁ sabbakālikaṁ rammaṁ; Yahimanuvicari rājā, parikiṇṇo ñātisaṅghena.

Ayamassa pokkharaṇī, sañchannā aṇḍajehi vītikiṇṇā; Yahimanuvicari rājā, parikiṇṇo itthāgārehi.

Ayamassa pokkharaṇī, sañchannā aṇḍajehi vītikiṇṇā; Yahimanuvicari rājā, parikiṇṇo ñātisaṅghena.

Rājā vo kho pabbajito, sutasomo rajjaṁ imaṁ pahatvāna;
pahatvāna → pahantvāna (bj, sya1ed, sya2ed, mr) Kāsāyavatthavasano, nāgova ekako carati”.
ekako → ekakova (bj)

“Māssu pubbe ratikīḷitāni, hasitāni ca anussarittha;
anussarittha → anussarittho (pts-vp-pli1) Mā vo kāmā haniṁsu, rammaṁ hi sudassanaṁ nagaraṁ.
rammaṁ hi → surammañhi (sya1ed, sya2ed, mr) | sudassanaṁ → sudassanaṁ nāma (bj)

Mettacittañca bhāvetha, appamāṇaṁ divā ca ratto ca;
Mettacittañca → mettaṁ cittañca (bj); mettañca (pts-vp-pli1) Agacchittha devapuraṁ, āvāsaṁ puññakamminan”ti.
Agacchittha → atha gañchittha (bj, pts-vp-pli1); atha gacchittha (sya1ed, sya2ed) puññakamminan”ti → puññakammānanti (pts-vp-pli1)

Cūḷasutasomajātakaṁ pañcamaṁ.
Cūḷasutasomajātakaṁ → cullasutasomajātakaṁ (bj, sya1ed, sya2ed, pts-vp-pli1)

Cattālīsanipātaṁ niṭṭhitaṁ.

Tassuddānaṁ

Suvapaṇḍitajambukakuṇḍalino, varakaññamalambusajātakañca; Pavaruttamasaṅkhasirīvhayako, sutasomaarindhamarājavaro.