“Koyaṁ majjhe samuddasmiṁ, apassaṁ tīramāyuhe; Kaṁ tvaṁ atthavasaṁ ñatvā, evaṁ vāyamase bhusaṁ”.
Kaṁ → kiṁ (sya1ed, sya2ed, mr)

“Nisamma vattaṁ lokassa, vāyāmassa ca devate; Tasmā majjhe samuddasmiṁ, apassaṁ tīramāyuhe”.

“Gambhīre appameyyasmiṁ, tīraṁ yassa na dissati; Mogho te purisavāyāmo, appatvāva marissasi”.

“Anaṇo ñātinaṁ hoti, devānaṁ pitunañca so;
pitunañca → pituno ca (bj, pts-vp-pli1) Karaṁ purisakiccāni, na ca pacchānutappati”.

“Apāraneyyaṁ yaṁ kammaṁ, aphalaṁ kilamathuddayaṁ;
Apāraneyyaṁ → apāraṇeyyaṁ (sya1ed, sya2ed, pts-vp-pli1, csp1ed) Tattha ko vāyamenattho, maccu yassābhinippataṁ”.
yassābhinippataṁ → yassābhinipphataṁ (sya1ed, sya2ed); yassābhinippatanti (pts-vp-pli1)

“Apāraneyyamaccantaṁ, yo viditvāna devate;
Apāraneyyamaccantaṁ → apāraṇeyyamaccantaṁ (sya1ed, sya2ed, csp1ed) Na rakkhe attano pāṇaṁ, jaññā so yadi hāpaye.

Adhippāyaphalaṁ eke, asmiṁ lokasmi devate; Payojayanti kammāni, tāni ijjhanti vā na vā.

Sandiṭṭhikaṁ kammaphalaṁ, nanu passasi devate; Sannā aññe tarāmahaṁ, tañca passāmi santike.

So ahaṁ vāyamissāmi, yathāsatti yathābalaṁ; Gacchaṁ pāraṁ samuddassa, kassaṁ purisakāriyaṁ”.
kassaṁ → kāsaṁ (bj, pts-vp-pli1)

“Yo tvaṁ evaṁ gate oghe, appameyye mahaṇṇave; Dhammavāyāmasampanno, kammunā nāvasīdasi; So tvaṁ tattheva gacchāhi, yattha te nirato mano.

Suriyuggamane nidhi, atho oggamane nidhi; Anto nidhi bahi nidhi, na anto na bahi nidhi.

Ārohane mahānidhi, atho orohane nidhi; Catūsu mahāsālesu, samantā yojane nidhi.
Catūsu mahāsālesu → caturo mahāsālā (bj); caturo ca mahāsālā (pts-vp-pli1)

Dantaggesu mahānidhi, bālaggesu ca kepuke;
kepuke → kebuke (bj, pts-vp-pli1) Rukkhaggesu mahānidhi, soḷasete mahānidhī; Sahassathāmo pallaṅko, sīvalārādhanena ca.

Āsīsetheva puriso, na nibbindeyya paṇḍito;
Āsīsetheva → āsiṁsetheva (bj, sya1ed, sya2ed, pts-vp-pli1) Passāmi vohaṁ attānaṁ, yathā icchiṁ tathā ahu.

Āsīsetheva puriso, na nibbindeyya paṇḍito; Passāmi vohaṁ attānaṁ, udakā thalamubbhataṁ.

Vāyametheva puriso, na nibbindeyya paṇḍito; Passāmi vohaṁ attānaṁ, yathā icchiṁ tathā ahu.

Vāyametheva puriso, na nibbindeyya paṇḍito; Passāmi vohaṁ attānaṁ, udakā thalamubbhataṁ.

Dukkhūpanītopi naro sapañño, āsaṁ na chindeyya sukhāgamāya; Bahū hi phassā ahitā hitā ca, avitakkitā maccumupabbajanti.
maccumupabbajanti → maccumuppajjanti (sya1ed, sya2ed)

Acintitampi bhavati, cintitampi vinassati; Na hi cintāmayā bhogā, itthiyā purisassa vā”.

“Aporāṇaṁ vata bho rājā, sabbabhummo disampati;
Aporāṇaṁ → apurāṇaṁ (bj, pts-vp-pli1) Nājja nacce nisāmeti, na gīte kurute mano.
Nājja nacce → na ca nacce (mr)

Na mige napi uyyāne, napi haṁse udikkhati;
mige → mage (mr) Mūgova tuṇhimāsīno, na atthamanusāsati”.

“Sukhakāmā rahosīlā, vadhabandhā upāratā;
upāratā → upārutā (si); apārutā (sya1ed, sya2ed, mr) Kassa nu ajja ārāme, daharā vuddhā ca acchare.
Kassa → kesaṁ (bj, pts-vp-pli1)

Atikkantavanathā dhīrā, namo tesaṁ mahesinaṁ; Ye ussukamhi lokamhi, viharanti manussukā.

Te chetvā maccuno jālaṁ, tataṁ māyāvino daḷaṁ;
tataṁ → taṁ taṁ (bj, mr); tantaṁ (sya1ed, sya2ed, pts-vp-pli1) Chinnālayattā gacchanti, ko tesaṁ gatimāpaye.
Chinnālayattā → sandālayantā (sya1ed, sya2ed, mr) tesaṁ gatimāpaye → tesaṁ gatimāpayeti (pts-vp-pli1); nesaṁ gati pāpaye (mr)

Kadāhaṁ mithilaṁ phītaṁ, vibhattaṁ bhāgaso mitaṁ;
mithilaṁ → midhilaṁ (mr) | Kadāhaṁ → kadā (bj, pts-vp-pli1) Pahāya pabbajissāmi, taṁ kudāssu bhavissati.
kudāssu → kadāssu (bj, pts-vp-pli1); kadā su (sya1ed, sya2ed) | bhavissati → ayaṁ gāthā pts-vp-pli1 potthake

Kadāhaṁ mithilaṁ phītaṁ, visālaṁ sabbatopabhaṁ;
Kadāhaṁ → kadā (bj, pts-vp-pli1) Pahāya pabbajissāmi, taṁ kudāssu bhavissati.

Kadāhaṁ mithilaṁ phītaṁ, bahupākāratoraṇaṁ;
Kadāhaṁ → kadā (bj, pts-vp-pli1) Pahāya pabbajissāmi, taṁ kudāssu bhavissati.

Kadāhaṁ mithilaṁ phītaṁ, daḷhamaṭṭālakoṭṭhakaṁ;
Kadāhaṁ → kadā (bj, pts-vp-pli1) Pahāya pabbajissāmi, taṁ kudāssu bhavissati.

Kadāhaṁ mithilaṁ phītaṁ, suvibhattaṁ mahāpathaṁ; Pahāya pabbajissāmi, taṁ kudāssu bhavissati.

Kadāhaṁ mithilaṁ phītaṁ, suvibhattantarāpaṇaṁ; Pahāya pabbajissāmi, taṁ kudāssu bhavissati.

Kadāhaṁ mithilaṁ phītaṁ, gavassarathapīḷitaṁ; Pahāya pabbajissāmi, taṁ kudāssu bhavissati.

Kadāhaṁ mithilaṁ phītaṁ, ārāmavanamāliniṁ; Pahāya pabbajissāmi, taṁ kudāssu bhavissati.

Kadāhaṁ mithilaṁ phītaṁ, uyyānavanamāliniṁ; Pahāya pabbajissāmi, taṁ kudāssu bhavissati.

Kadāhaṁ mithilaṁ phītaṁ, pāsādavanamāliniṁ; Pahāya pabbajissāmi, taṁ kudāssu bhavissati.

Kadāhaṁ mithilaṁ phītaṁ, tipuraṁ rājabandhuniṁ; Māpitaṁ somanassena, vedehena yasassinā; Pahāya pabbajissāmi, taṁ kudāssu bhavissati.

Kadāhaṁ vedehe phīte, nicite dhammarakkhite; Pahāya pabbajissāmi, taṁ kudāssu bhavissati.

Kadāhaṁ vedehe phīte, ajeyye dhammarakkhite; Pahāya pabbajissāmi, taṁ kudāssu bhavissati.

Kadāhaṁ antepuraṁ rammaṁ, vibhattaṁ bhāgaso mitaṁ;
Kadāhaṁ antepuraṁ → kadā antepuraṁ (pts-vp-pli1) Pahāya pabbajissāmi, taṁ kudāssu bhavissati.

Kadāhaṁ antepuraṁ rammaṁ, sudhāmattikalepanaṁ; Pahāya pabbajissāmi, taṁ kudāssu bhavissati.

Kadāhaṁ antepuraṁ rammaṁ, sucigandhaṁ manoramaṁ; Pahāya pabbajissāmi, taṁ kudāssu bhavissati.

Kadāhaṁ kūṭāgāre ca, vibhatte bhāgaso mite; Pahāya pabbajissāmi, taṁ kudāssu bhavissati.

Kadāhaṁ kūṭāgāre ca, sudhāmattikalepane; Pahāya pabbajissāmi, taṁ kudāssu bhavissati.

Kadāhaṁ kūṭāgāre ca, sucigandhe manorame; Pahāya pabbajissāmi, taṁ kudāssu bhavissati.

Kadāhaṁ kūṭāgāre ca, litte candanaphosite; Pahāya pabbajissāmi, taṁ kudāssu bhavissati.

Kadāhaṁ soṇṇapallaṅke, gonake cittasanthate;
soṇṇapallaṅke → suvaṇṇapallaṅke (bj, sya1ed, sya2ed, pts-vp-pli1) Pahāya pabbajissāmi, taṁ kudāssu bhavissati.

Kadāhaṁ maṇipallaṅke, gonake cittasanthate;
Kadāhaṁ maṇipallaṅke … → ayaṁ gāthā pts1ed potthake Pahāya pabbajissāmi, taṁ kudāssu bhavissati.

Kadāhaṁ kappāsakoseyyaṁ, khomakoṭumbarāni ca; Pahāya pabbajissāmi, taṁ kudāssu bhavissati.

Kadāhaṁ pokkharaṇī rammā, cakkavākapakūjitā;
cakkavākapakūjitā → cakkavākūpakūjitā (bj, pts-vp-pli1) Mandālakehi sañchannā, padumuppalakehi ca; Pahāya pabbajissāmi, taṁ kudāssu bhavissati.

Kadāhaṁ hatthigumbe ca, sabbālaṅkārabhūsite; Suvaṇṇakacche mātaṅge, hemakappanavāsase.

Ārūḷhe gāmaṇīyehi, tomaraṅkusapāṇibhi; Pahāya pabbajissāmi, taṁ kudāssu bhavissati.

Kadāhaṁ assagumbe ca, sabbālaṅkārabhūsite; Ājānīyeva jātiyā, sindhave sīghavāhane.

Ārūḷhe gāmaṇīyehi, illiyācāpadhāribhi; Pahāya pabbajissāmi, taṁ kudāssu bhavissati.

Kadāhaṁ rathaseniyo, sannaddhe ussitaddhaje; Dīpe athopi veyyagghe, sabbālaṅkārabhūsite.

Ārūḷhe gāmaṇīyehi, cāpahatthehi vammibhi; Pahāya pabbajissāmi, taṁ kudāssu bhavissati.

Kadāhaṁ sovaṇṇarathe, sannaddhe ussitaddhaje; Dīpe athopi veyyagghe, sabbālaṅkārabhūsite.

Ārūḷhe gāmaṇīyehi, cāpahatthehi vammibhi; Pahāya pabbajissāmi, taṁ kudāssu bhavissati.

Kadāhaṁ sajjhurathe ca, sannaddhe ussitaddhaje; Dīpe athopi veyyagghe, sabbālaṅkārabhūsite.

Ārūḷhe gāmaṇīyehi, cāpahatthehi vammibhi; Pahāya pabbajissāmi, taṁ kudāssu bhavissati.

Kadāhaṁ assarathe ca, sannaddhe ussitaddhaje; Dīpe athopi veyyagghe, sabbālaṅkārabhūsite.

Ārūḷhe gāmaṇīyehi, cāpahatthehi vammibhi; Pahāya pabbajissāmi, taṁ kudāssu bhavissati.

Kadāhaṁ oṭṭharathe ca, sannaddhe ussitaddhaje; Dīpe athopi veyyagghe, sabbālaṅkārabhūsite.

Ārūḷhe gāmaṇīyehi, cāpahatthehi vammibhi; Pahāya pabbajissāmi, taṁ kudāssu bhavissati.

Kadāhaṁ goṇarathe ca, sannaddhe ussitaddhaje; Dīpe athopi veyyagghe, sabbālaṅkārabhūsite.

Ārūḷhe gāmaṇīyehi, cāpahatthehi vammibhi; Pahāya pabbajissāmi, taṁ kudāssu bhavissati.

Kadāhaṁ ajarathe ca, sannaddhe ussitaddhaje; Dīpe athopi veyyagghe, sabbālaṅkārabhūsite.

Ārūḷhe gāmaṇīyehi, cāpahatthehi vammibhi; Pahāya pabbajissāmi, taṁ kudāssu bhavissati.

Kadāhaṁ meṇḍarathe ca, sannaddhe ussitaddhaje; Dīpe athopi veyyagghe, sabbālaṅkārabhūsite.

Ārūḷhe gāmaṇīyehi, cāpahatthehi vammibhi; Pahāya pabbajissāmi, taṁ kudāssu bhavissati.

Kadāhaṁ migarathe ca, sannaddhe ussitaddhaje; Dīpe athopi veyyagghe, sabbālaṅkārabhūsite.

Ārūḷhe gāmaṇīyehi, cāpahatthehi vammibhi; Pahāya pabbajissāmi, taṁ kudāssu bhavissati.

Kadāhaṁ hatthārohe ca, sabbālaṅkārabhūsite; Nīlavammadhare sūre, tomaraṅkusapāṇine;
tomaraṅkusapāṇine → pāṇino (sya1ed, sya2ed, mr) Pahāya pabbajissāmi, taṁ kudāssu bhavissati.

Kadāhaṁ assārohe ca, sabbālaṅkārabhūsite;
assārohe → assāruhe (bj); assārūhe (pts-vp-pli1) | ca → idaṁ padaṁ bj, pts-vp-pli1 potthakesu natthi, Nīlavammadhare sūre, illiyācāpadhārine;
illiyācāpadhārine → dhārino (sya1ed, sya2ed, mr) Pahāya pabbajissāmi, taṁ kudāssu bhavissati.

Kadāhaṁ rathārohe ca, sabbālaṅkārabhūsite;
rathārohe → rathāruhe (bj) Nīlavammadhare sūre, cāpahatthe kalāpine;
kalāpine → kalāpino (sya1ed, sya2ed, mr) Pahāya pabbajissāmi, taṁ kudāssu bhavissati.

Kadāhaṁ dhanuggahe ca, sabbālaṅkārabhūsite;
Kadāhaṁ dhanuggahe … → ayaṁ gāthā pts1ed potthake na Nīlavammadhare sūre, cāpahatthe kalāpine; Pahāya pabbajissāmi, taṁ kudāssu bhavissati.

Kadāhaṁ rājaputte ca, sabbālaṅkārabhūsite; Citravammadhare sūre, kañcanāveḷadhārine; Pahāya pabbajissāmi, taṁ kudāssu bhavissati.

Kadāhaṁ ariyagaṇe ca, vatavante alaṅkate;
vatavante → vatthavante (bj, sya1ed, sya2ed, pts-vp-pli1) Haricandanalittaṅge, kāsikuttamadhārine; Pahāya pabbajissāmi, taṁ kudāssu bhavissati.

Kadāhaṁ amaccagaṇe ca, sabbālaṅkārabhūsite;
Kadāhaṁ amaccagaṇe … → ayaṁ gāthā pts1ed potthake na Pītavammadhare sūre, purato gacchamāline;
gacchamāline → gacchamālino (sya1ed, sya2ed, mr) Pahāya pabbajissāmi, taṁ kudāssu bhavissati.

Kadāhaṁ sattasatā bhariyā, sabbālaṅkārabhūsitā; Pahāya pabbajissāmi, taṁ kudāssu bhavissati.

Kadāhaṁ sattasatā bhariyā, susaññā tanumajjhimā; Pahāya pabbajissāmi, taṁ kudāssu bhavissati.

Kadāhaṁ sattasatā bhariyā, assavā piyabhāṇinī; Pahāya pabbajissāmi, taṁ kudāssu bhavissati.

Kadāhaṁ satapalaṁ kaṁsaṁ, sovaṇṇaṁ satarājikaṁ; Pahāya pabbajissāmi, taṁ kudāssu bhavissati.

Kadāssu maṁ hatthigumbā, sabbālaṅkārabhūsitā; Suvaṇṇakacchā mātaṅgā, hemakappanavāsasā.

Ārūḷhā gāmaṇīyehi, tomaraṅkusapāṇibhi; Yantaṁ maṁ nānuyissanti, taṁ kudāssu bhavissati.

Kadāssu maṁ assagumbā, sabbālaṅkārabhūsitā; Ājānīyāva jātiyā, sindhavā sīghavāhanā.

Ārūḷhā gāmaṇīyehi, illiyācāpadhāribhi; Yantaṁ maṁ nānuyissanti, taṁ kudāssu bhavissati.

Kadāssu maṁ rathasenī, sannaddhā ussitaddhajā; Dīpā athopi veyyagghā, sabbālaṅkārabhūsitā.

Ārūḷhā gāmaṇīyehi, cāpahatthehi vammibhi; Yantaṁ maṁ nānuyissanti, taṁ kudāssu bhavissati.

Kadāssu maṁ soṇṇarathā, sannaddhā ussitaddhajā;
soṇṇarathā → suvaṇṇarathā (sya1ed, sya2ed); sovaṇṇarathā (pts-vp-pli1, mr) Dīpā athopi veyyagghā, sabbālaṅkārabhūsitā.

Ārūḷhā gāmaṇīyehi, cāpahatthehi vammibhi; Yantaṁ maṁ nānuyissanti, taṁ kudāssu bhavissati.

Kadāssu maṁ sajjhurathā, sannaddhā ussitaddhajā; Dīpā athopi veyyagghā, sabbālaṅkārabhūsitā.

Ārūḷhā gāmaṇīyehi, cāpahatthehi vammibhi; Yantaṁ maṁ nānuyissanti, taṁ kudāssu bhavissati.

Kadāssu maṁ assarathā, sannaddhā ussitaddhajā; Dīpā athopi veyyagghā, sabbālaṅkārabhūsitā.

Ārūḷhā gāmaṇīyehi, cāpahatthehi vammibhi; Yantaṁ maṁ nānuyissanti, taṁ kudāssu bhavissati.

Kadāssu maṁ oṭṭharathā, sannaddhā ussitaddhajā; Dīpā athopi veyyagghā, sabbālaṅkārabhūsitā.

Ārūḷhā gāmaṇīyehi, cāpahatthehi vammibhi; Yantaṁ maṁ nānuyissanti, taṁ kudāssu bhavissati.

Kadāssu maṁ goṇarathā, sannaddhā ussitaddhajā; Dīpā athopi veyyagghā, sabbālaṅkārabhūsitā.

Ārūḷhā gāmaṇīyehi, cāpahatthehi vammibhi; Yantaṁ maṁ nānuyissanti, taṁ kudāssu bhavissati.

Kadāssu maṁ ajarathā, sannaddhā ussitaddhajā; Dīpā athopi veyyagghā, sabbālaṅkārabhūsitā.

Ārūḷhā gāmaṇīyehi, cāpahatthehi vammibhi; Yantaṁ maṁ nānuyissanti, taṁ kudāssu bhavissati.

Kadāssu maṁ meṇḍarathā, sannaddhā ussitaddhajā; Dīpā athopi veyyagghā, sabbālaṅkārabhūsitā.

Ārūḷhā gāmaṇīyehi, cāpahatthehi vammibhi; Yantaṁ maṁ nānuyissanti, taṁ kudāssu bhavissati.

Kadāssu maṁ migarathā, sannaddhā ussitaddhajā; Dīpā athopi veyyagghā, sabbālaṅkārabhūsitā.

Ārūḷhā gāmaṇīyehi, cāpahatthehi vammibhi; Yantaṁ maṁ nānuyissanti, taṁ kudāssu bhavissati.

Kadāssu maṁ hatthārohā, sabbālaṅkārabhūsitā; Nīlavammadharā sūrā, tomaraṅkusapāṇino; Yantaṁ maṁ nānuyissanti, taṁ kudāssu bhavissati.

Kadāssu maṁ assārohā, sabbālaṅkārabhūsitā; Nīlavammadharā sūrā, illiyācāpadhārino; Yantaṁ maṁ nānuyissanti, taṁ kudāssu bhavissati.

Kadāssu maṁ rathārohā, sabbālaṅkārabhūsitā; Nīlavammadharā sūrā, cāpahatthā kalāpino; Yantaṁ maṁ nānuyissanti, taṁ kudāssu bhavissati.

Kadāssu maṁ dhanuggahā, sabbālaṅkārabhūsitā; Nīlavammadharā sūrā, cāpahatthā kalāpino; Yantaṁ maṁ nānuyissanti, taṁ kudāssu bhavissati.

Kadāssu maṁ rājaputtā, sabbālaṅkārabhūsitā; Citravammadharā sūrā, kañcanāveḷadhārino; Yantaṁ maṁ nānuyissanti, taṁ kudāssu bhavissati.

Kadāssu maṁ ariyagaṇā, vatavantā alaṅkatā; Haricandanalittaṅgā, kāsikuttamadhārino; Yantaṁ maṁ nānuyissanti, taṁ kudāssu bhavissati.

Kadāssu maṁ amaccagaṇā, sabbālaṅkārabhūsitā; Pītavammadharā sūrā, purato gacchamālino;
gacchamālino → gacchamālinī (bj, sya1ed, sya2ed, mr) Yantaṁ maṁ nānuyissanti, taṁ kudāssu bhavissati.

Kadāssu maṁ sattasatā bhariyā, sabbālaṅkārabhūsitā; Yantaṁ maṁ nānuyissanti, taṁ kudāssu bhavissati.

Kadāssu maṁ sattasatā bhariyā, susaññā tanumajjhimā; Yantaṁ maṁ nānuyissanti, taṁ kudāssu bhavissati.

Kadāssu maṁ sattasatā bhariyā, assavā piyabhāṇinī; Yantaṁ maṁ nānuyissanti, taṁ kudāssu bhavissati.

Kadāhaṁ pattaṁ gahetvāna, muṇḍo saṅghāṭipāruto; Piṇḍikāya carissāmi, taṁ kudāssu bhavissati.

Kadāhaṁ paṁsukūlānaṁ, ujjhitānaṁ mahāpathe;
ujjhitānaṁ → ujjhiṭṭhānaṁ (mr) Saṅghāṭiṁ dhārayissāmi, taṁ kudāssu bhavissati.

Kadāhaṁ sattāhasammeghe, ovaṭṭho allacīvaro;
sattāhasammeghe → sattāhaṁ meghe (bj, sya1ed, sya2ed) Piṇḍikāya carissāmi, taṁ kudāssu bhavissati.

Kadāhaṁ sabbattha gantvā, rukkhā rukkhaṁ vanā vanaṁ;
sabbattha gantvā → sabbahaṁ ṭhānaṁ (bj); sabbaṇhaṁ gantvā (sya1ed, sya2ed); sabbāhaṁ ṭhānaṁ (pts-vp-pli1); sabbaṭṭhānaṁ (mr) Anapekkho gamissāmi, taṁ kudāssu bhavissati.
gamissāmi → viharissāmi (bj, pts-vp-pli1); carissāmi (sya1ed, sya2ed)

Kadāhaṁ giriduggesu, pahīnabhayabheravo; Adutiyo gamissāmi, taṁ kudāssu bhavissati.
gamissāmi → viharissāmi (bj, pts-vp-pli1)

Kadāhaṁ vīṇaṁva rujjako, sattatantiṁ manoramaṁ;
vīṇaṁva rujjako → vīṇaṁva rujako (bj); vīṇarujjako (sya1ed); vīṇarujjako va (sya2ed); vinaṁ virujako (pts-vp-pli1); vīṇaṁ virujjako (mr) Cittaṁ ujuṁ karissāmi, taṁ kudāssu bhavissati.

Kadāhaṁ rathakārova, parikantaṁ upāhanaṁ; Kāmasaṁyojane checchaṁ, ye dibbe ye ca mānuse”.
checchaṁ → chetvā (mr)

Tā ca sattasatā bhariyā, sabbālaṅkārabhūsitā; Bāhā paggayha pakkanduṁ, “kasmā no vijahissasi”.

Tā ca sattasatā bhariyā, susaññā tanumajjhimā; Bāhā paggayha pakkanduṁ, “kasmā no vijahissasi”.

Tā ca sattasatā bhariyā, assavā piyabhāṇinī; Bāhā paggayha pakkanduṁ, “kasmā no vijahissasi”.

Tā ca sattasatā bhariyā, sabbālaṅkārabhūsitā; Hitvā sampaddavī rājā, pabbajjāya purakkhato.
sampaddavī → sampaddayī (bj); sampadavī (sya1ed, sya2ed)

Tā ca sattasatā bhariyā, susaññā tanumajjhimā; Hitvā sampaddavī rājā, pabbajjāya purakkhato.

Tā ca sattasatā bhariyā, assavā piyabhāṇinī; Hitvā sampaddavī rājā, pabbajjāya purakkhato.

Hitvā satapalaṁ kaṁsaṁ, sovaṇṇaṁ satarājikaṁ; Aggahī mattikaṁ pattaṁ, taṁ dutiyābhisecanaṁ.

“Bhesmā aggisamā jālā, kosā ḍayhanti bhāgaso;
Bhesmā → vesmā (bj); bhiṁsā (pts-vp-pli1); bhīsā (mr) Rajataṁ jātarūpañca, muttā veḷuriyā bahū.

Maṇayo saṅkhamuttā ca, vatthikaṁ haricandanaṁ; Ajinaṁ dantabhaṇḍañca, lohaṁ kāḷāyasaṁ bahū; Ehi rāja nivattassu, mā tetaṁ vinasā dhanaṁ”.
vinasā dhanaṁ → vinassā dhanaṁ (sya1ed, sya2ed, mr); vinassā dhananti (pts-vp-pli1)

“Susukhaṁ vata jīvāma, yesaṁ no natthi kiñcanaṁ; Mithilā dayhamānāya, na me kiñci adayhatha”.

“Aṭaviyo samuppannā, raṭṭhaṁ viddhaṁsayanti taṁ; Ehi rāja nivattassu, mā raṭṭhaṁ vinasā idaṁ”.

“Susukhaṁ vata jīvāma, yesaṁ no natthi kiñcanaṁ; Raṭṭhe vilumpamānamhi, na me kiñci ahīratha.

Susukhaṁ vata jīvāma, yesaṁ no natthi kiñcanaṁ; Pītibhakkhā bhavissāma, devā ābhassarā yathā”.

“Kimheso mahato ghoso, kā nu gāmeva kīḷiyā;
gāmeva kīḷiyā → gāme kilīliyā (bj) Samaṇa teva pucchāma, kattheso abhisaṭo jano”.
Samaṇa teva → samaṇaññeva (bj, pts-vp-pli1); samaṇa tveva (sya1ed, sya2ed)

“Mamaṁ ohāya gacchantaṁ, ettheso abhisaṭo jano; Sīmātikkamanaṁ yantaṁ, munimonassa pattiyā; Missaṁ nandīhi gacchantaṁ, kiṁ jānamanupucchasi”.

“Māssu tiṇṇo amaññittha, sarīraṁ dhārayaṁ imaṁ;
amaññittha → amaññittho (bj, sya1ed, sya2ed, pts-vp-pli1) Atīraṇeyya yamidaṁ, bahū hi paripanthayo”.
Atīraṇeyya yamidaṁ → atīraṇeyyamidaṁ kammaṁ (bj, sya1ed, sya2ed, pts-vp-pli1)

“Ko nu me paripanthassa, mamaṁ evaṁvihārino; Yo neva diṭṭhe nādiṭṭhe, kāmānamabhipatthaye”.

“Niddā tandī vijambhitā, aratī bhattasammado; Āvasanti sarīraṭṭhā, bahū hi paripanthayo”.

“Kalyāṇaṁ vata maṁ bhavaṁ, brāhmaṇa manusāsati;
brāhmaṇa manusāsati → brāhmaṇamanusāsasi (bj); brāhamaṇa anusāsasi (sya1ed, sya2ed) Brāhmaṇa teva pucchāmi, ko nu tvamasi mārisa”.
Brāhmaṇa teva → brāhmaṇaṁ yeva (bj); brāhmaṇam eva (pts-vp-pli1)

“Nārado iti me nāmaṁ, kassapo iti maṁ vidū;
nāmaṁ → nāmena (sya1ed, sya2ed, mr) Bhoto sakāsamāgacchiṁ, sādhu sabbhi samāgamo.

Tassa te sabbo ānando, vihāro upavattatu; Yaṁ ūnaṁ taṁ paripūrehi, khantiyā upasamena ca.
Yaṁ ūnaṁ → yadūnaṁ (bj, sya1ed, sya2ed, pts-vp-pli1)

Pasāraya sannatañca, unnatañca pasāraya;
pasāraya → pahāraya (sya1ed, sya2ed, mr) Kammaṁ vijjañca dhammañca, sakkatvāna paribbaja.

Bahū hatthī ca asse ca, nagare janapadāni ca; Hitvā janaka pabbajito, kapāle ratimajjhagā.
kapāle → kapalle (bj, pts-vp-pli1)

Kacci nu te jānapadā, mittāmaccā ca ñātakā; Dubbhimakaṁsu janaka, kasmā tetaṁ aruccatha”.

“Na migājina jātucche, ahaṁ kañci kudācanaṁ;
jātucche → jātucca (bj, pts-vp-pli1) Adhammena jine ñātiṁ, na cāpi ñātayo mamaṁ.

Disvāna lokavattantaṁ, khajjantaṁ kaddamīkataṁ; Haññare bajjhare cettha, yattha sanno puthujjano;
sanno → satto (bj) Etāhaṁ upamaṁ katvā, bhikkhakosmi migājina”.

“Ko nu te bhagavā satthā, kassetaṁ vacanaṁ suci; Na hi kappaṁ vā vijjaṁ vā, paccakkhāya rathesabha; Samaṇaṁ āhu vattantaṁ, yathā dukkhassatikkamo.

Na migājina jātucche, ahaṁ kañci kudācanaṁ; Samaṇaṁ brāhmaṇaṁ vāpi, sakkatvā anupāvisiṁ”.

“Mahatā cānubhāvena, gacchanto siriyā jalaṁ; Gīyamānesu gītesu, vajjamānesu vaggusu.

Tūriyatāḷasaṅghuṭṭhe, sammatālasamāhite;
Tūriyatāḷasaṅghuṭṭhe → turiyatāḷitasaṅghuṭṭhe (bj, pts-vp-pli1); tūriyatālitasaṅghuṭṭhe (sya1ed, sya2ed) Sa migājina maddakkhiṁ, phaliṁ ambaṁ tirocchadaṁ;
phaliṁ → phalaṁ (bj, pts-vp-pli1, mr) Haññamānaṁ manussehi, phalakāmehi jantubhi.
Haññamānaṁ → tujjamānaṁ (bj); tudamānaṁ (sya1ed, sya2ed); taddamānaṁ (pts-vp-pli1); hatamānaṁ (mr)

So khohaṁ taṁ siriṁ hitvā, orohitvā migājina; Mūlaṁ ambassupāgacchiṁ, phalino nipphalassa ca.

Phaliṁ ambaṁ hataṁ disvā, viddhaṁstaṁ vinaḷīkataṁ;
Phaliṁ → phalaṁ (bj, pts-vp-pli1, mr) Athekaṁ itaraṁ ambaṁ, nīlobhāsaṁ manoramaṁ.
Athekaṁ → athetaṁ (bj, pts-vp-pli1)

Evameva nūnamhepi, issare bahukaṇṭake;
nūnamhepi → nūna amhe (pts-vp-pli1) Amittā no vadhissanti, yathā ambo phalī hato.

Ajinamhi haññate dīpi, nāgo dantehi haññate; Dhanamhi dhanino hanti, aniketamasanthavaṁ; Phalī ambo aphalo ca, te satthāro ubho mama”.

“Sabbo jano pabyathito, rājā pabbajito iti;
pabyathito → sabyādhito (sya1ed, sya2ed); pavyadhito (bj, pts-vp-pli1) Hatthārohā anīkaṭṭhā, rathikā pattikārakā.

Assāsayitvā janataṁ, ṭhapayitvā paṭicchadaṁ; Puttaṁ rajje ṭhapetvāna, atha pacchā pabbajissasi”.

“Cattā mayā jānapadā, mittāmaccā ca ñātakā; Santi puttā videhānaṁ, dīghāvu raṭṭhavaḍḍhano; Te rajjaṁ kārayissanti, mithilāyaṁ pajāpati.

Ehi taṁ anusikkhāmi, yaṁ vākyaṁ mama ruccati; Rajjaṁ tuvaṁ kārayasi, pāpaṁ duccaritaṁ bahuṁ;
kārayasi → kārayantī (bj, sya1ed, sya2ed, pts-vp-pli1) Kāyena vācā manasā, yena gacchasi duggatiṁ.
gacchasi → gañchisi (bj, pts-vp-pli1)

Paradinnakena paraniṭṭhitena, piṇḍena yāpehi sa dhīradhammo”.

“Yopi catutthe bhattakāle na bhuñje, ajuṭṭhamārīva khudāya miyye;
ajuṭṭhamārīva → ajaddhumāriva (bj, pts-vp-pli1); ajjhuṭṭhamāriva (sya1ed, sya2ed) Na tveva piṇḍaṁ luḷitaṁ anariyaṁ, kulaputtarūpo sappuriso na seve; Tayidaṁ na sādhu tayidaṁ na suṭṭhu, sunakhucchiṭṭhakaṁ janaka bhuñjase tuvaṁ”.

“Na cāpi me sīvali so abhakkho, yaṁ hoti cattaṁ gihino sunassa vā; Ye keci bhogā idha dhammaladdhā, sabbo so bhakkho anavayoti vutto”.
anavayoti → anavajjāti (bj); anavajjoti (pts-vp-pli1)

“Kumārike upaseniye, niccaṁ niggaḷamaṇḍite; Kasmā te eko bhujo janati, eko te na janatī bhujo”.

“Imasmiṁ me samaṇa hatthe, paṭimukkā dunīvarā;
dunīvarā → dunīdhurā (bj, pts-vp-pli1) Saṅghātā jāyate saddo, dutiyasseva sā gati.
Saṅghātā → saṅghaṭṭā (sya1ed, sya2ed, mr)

Imasmiṁ me samaṇa hatthe, paṭimukko ekanīvaro;
ekanīvaro → ekanīdhuro (bj, pts-vp-pli1) So adutiyo na janati, munibhūtova tiṭṭhati.

Vivādappatto dutiyo, keneko vivadissati;
Vivādappatto → vivādamanto (pts-vp-pli1) Tassa te saggakāmassa, ekattamuparocataṁ”.

“Suṇāsi sīvali kathā, kumāriyā paveditā;
kathā → gāthā (bj, sya1ed, sya2ed, pts-vp-pli1) Pesiyā maṁ garahittho, dutiyasseva sā gati.
Pesiyā → pessiyā (bj); pessikā (pts-vp-pli1)

Ayaṁ dvedhāpatho bhadde, anuciṇṇo pathāvihi; Tesaṁ tvaṁ ekaṁ gaṇhāhi, ahamekaṁ punāparaṁ.

Māvaca maṁ tvaṁ pati meti, nāhaṁ bhariyāti vā puna”;
Māvaca → neva (bj, pts-vp-pli1); mā ca (sya1ed, sya2ed, mr) nāhaṁ → māhaṁ (bj, pts-vp-pli1) Imameva kathayantā, thūṇaṁ nagarupāgamuṁ.

Koṭṭhake usukārassa, bhattakāle upaṭṭhite; Tatrā ca so usukāro, ekaṁ daṇḍaṁ ujuṁ kataṁ;
ekaṁ daṇḍaṁ ujuṁ kataṁ → etthantare pāṭho bahūsu Ekañca cakkhuṁ niggayha, jimhamekena pekkhati.

“Evaṁ no sādhu passasi, usukāra suṇohi me; Yadekaṁ cakkhuṁ niggayha, jimhamekena pekkhasi”.

“Dvīhi samaṇa cakkhūhi, visālaṁ viya khāyati; Asampatvā paramaṁ liṅgaṁ, nujubhāvāya kappati.
paramaṁ → paraṁ (bj, pts-vp-pli1)

Ekañca cakkhuṁ niggayha, jimhamekena pekkhato; Sampatvā paramaṁ liṅgaṁ, ujubhāvāya kappati.

Vivādappatto dutiyo, keneko vivadissati;
Vivādappatto → vivādamatto (pts-vp-pli1) Tassa te saggakāmassa, ekattamuparocataṁ”.

“Suṇāsi sīvali kathā, usukārena veditā;
kathā → gāthā (bj, sya1ed, sya2ed, pts-vp-pli1) Pesiyā maṁ garahittho, dutiyasseva sā gati.

Ayaṁ dvedhāpatho bhadde, anuciṇṇo pathāvihi; Tesaṁ tvaṁ ekaṁ gaṇhāhi, ahamekaṁ punāparaṁ.

Māvaca maṁ tvaṁ pati meti, nāhaṁ bhariyāti vā puna; Muñjāvesikā pavāḷhā, ekā vihara sīvalī”ti.

Mahājanakajātakaṁ dutiyaṁ.