Accheraṁ vata lokasmiṁ, uppajjanti vicakkhaṇā;
ca → yā va (bj, pts-vp-pli1) | aṭṭhamī → aṭṭhamiṁ (bj, pts-vp-pli1) Yadā ahu nimirājā, paṇḍito kusalatthiko.

Rājā sabbavidehānaṁ, adā dānaṁ arindamo; Tassa taṁ dadato dānaṁ, saṅkappo udapajjatha; Dānaṁ vā brahmacariyaṁ vā, katamaṁ su mahapphalaṁ.

Tassa saṅkappamaññāya, maghavā devakuñjaro; Sahassanetto pāturahu, vaṇṇena vihanaṁ tamaṁ.
vihanaṁ → nihataṁ (bj); nihanaṁ (pts-vp-pli1); vihatan (sya1ed, sya2ed); vihataṁ (mr)

Salomahaṭṭho manujindo, vāsavaṁ avacā nimi; “Devatā nusi gandhabbo, adu sakko purindado.

Na ca me tādiso vaṇṇo, diṭṭho vā yadi vā suto; Ācikkha me tvaṁ bhaddante, kathaṁ jānemu taṁ mayaṁ”.
Ācikkha … mayaṁ → etthantare pāṭho pts1ed potthake

Salomahaṭṭhaṁ ñatvāna, vāsavo avacā nimiṁ; “Sakkohamasmi devindo, āgatosmi tavantike; Alomahaṭṭho manujinda, puccha pañhaṁ yamicchasi”.

So ca tena katokāso, vāsavaṁ avacā nimi; “Pucchāmi taṁ mahārāja, sabbabhūtānamissara;
mahārāja → mahābāhu (bj, pts-vp-pli1); devarāja (mr) Dānaṁ vā brahmacariyaṁ vā, katamaṁ su mahapphalaṁ”.

So puṭṭho naradevena, vāsavo avacā nimiṁ; Vipākaṁ brahmacariyassa, jānaṁ akkhāsijānato.

“Hīnena brahmacariyena, khattiye upapajjati; Majjhimena ca devattaṁ, uttamena visujjhati.

Na hete sulabhā kāyā, yācayogena kenaci; Ye kāye upapajjanti, anāgārā tapassino.

Dudīpo sāgaro selo, mujakindo bhagīraso;
Dudīpo → dutipo (mr) mujakindo → mucalindo (bj, sya1ed, sya2ed, pts-vp-pli1); mujakinto (mr) Usindaro kassapo ca, asako ca puthujjano.
Usindaro → usīnaro (bj, pts-vp-pli1); usinnaro (sya1ed, sya2ed) | kassapo ca → aṭṭhako ca (bj, pts-vp-pli1); atthako ca (sya1ed, sya2ed)

Ete caññe ca rājāno, khattiyā brāhmaṇā bahū; Puthuyaññaṁ yajitvāna, petattaṁ nātivattisuṁ.
petattaṁ → petaṁ te (bj); petan te (pts-vp-pli1)

(…)
(…) → (ye adutiyā na ramanti ekikā (?)

Atha yīme avattiṁsu, anāgārā tapassino;
Atha yīme → addhā ime (bj, pts-vp-pli1); addhāyime (sya1ed, sya2ed) Sattisayo yāmahanu, somayāmo manojavo.
somayāmo → somayāgo (bj, sya1ed, sya2ed, pts-vp-pli1)

Samuddo māgho bharato ca, isi kālapurakkhato;
kālapurakkhato → kālikarikkhiyo (bj); kālapurakkhito (sya1ed, sya2ed); kālikarakkhiyo (pts-vp-pli1) Aṅgīraso kassapo ca, kisavaccho akatti ca.
akatti → akitti (bj, pts-vp-pli1); akanti (sya1ed, sya2ed)

Uttarena nadī sīdā, gambhīrā duratikkamā; Naḷaggivaṇṇā jotanti, sadā kañcanapabbatā.

Parūḷhakacchā tagarā, rūḷhakacchā vanā nagā; Tatrāsuṁ dasasahassā, porāṇā isayo pure.

Ahaṁ seṭṭhosmi dānena, saṁyamena damena ca; Anuttaraṁ vataṁ katvā, pakiracārī samāhite.

Jātimantaṁ ajaccañca, ahaṁ ujugataṁ naraṁ; Ativelaṁ namassissaṁ, kammabandhū hi māṇavā.
māṇavā → mātiyā (bj, pts-vp-pli1)

Sabbe vaṇṇā adhammaṭṭhā, patanti nirayaṁ adho; Sabbe vaṇṇā visujjhanti, caritvā dhammamuttamaṁ”.

Idaṁ vatvāna maghavā, devarājā sujampati; Vedehamanusāsitvā, saggakāyaṁ apakkami.

“Imaṁ bhonto nisāmetha, yāvantettha samāgatā; Dhammikānaṁ manussānaṁ, vaṇṇaṁ uccāvacaṁ bahuṁ.

Yathā ayaṁ nimirājā, paṇḍito kusalatthiko; Rājā sabbavidehānaṁ, adā dānaṁ arindamo.

Tassa taṁ dadato dānaṁ, saṅkappo udapajjatha; Dānaṁ vā brahmacariyaṁ vā, katamaṁ su mahapphalaṁ”.

“Abbhuto vata lokasmiṁ, uppajji lomahaṁsano; Dibbo ratho pāturahu, vedehassa yasassino”.

Devaputto mahiddhiko, mātali devasārathi; Nimantayittha rājānaṁ, vedehaṁ mithilaggahaṁ.
Nimantayittha → nimantayi ca (bj, pts-vp-pli1)

“Ehimaṁ rathamāruyha, rājaseṭṭha disampati; Devā dassanakāmā te, tāvatiṁsā saindakā; Saramānā hi te devā, sudhammāyaṁ samacchare”.

Tato rājā taramāno, vedeho mithilaggaho; Āsanā vuṭṭhahitvāna, pamukho rathamāruhi.

Abhirūḷhaṁ rathaṁ dibbaṁ, mātali etadabravi; “Kena taṁ nemi maggena, rājaseṭṭha disampati; Yena vā pāpakammantā, puññakammā ca ye narā”.

“Ubhayeneva maṁ nehi, mātali devasārathi; Yena vā pāpakammantā, puññakammā ca ye narā”.

“Kena taṁ paṭhamaṁ nemi, rājaseṭṭha disampati; Yena vā pāpakammantā, puññakammā ca ye narā”.

“Niraye tāva passāmi, āvāse pāpakamminaṁ;
Niraye → nirayaṁ (sya1ed, sya2ed, mr) āvāse → āvāsaṁ (sya1ed, sya2ed, mr) Ṭhānāni luddakammānaṁ, dussīlānañca yā gati”.
luddakammā → luddakāmā (csp1ed)

Dassesi mātali rañño, duggaṁ vetaraṇiṁ nadiṁ; Kuthitaṁ khārasaṁyuttaṁ, tattaṁ aggisikhūpamaṁ.
aggisikhūpamaṁ → aggisamodakaṁ (mr)

Nimī have mātalimajjhabhāsatha, disvā janaṁ patamānaṁ vidugge;
mātalimajjhabhāsatha → mātalimajjhabhāsi (sya1ed, sya2ed) “Bhayañhi maṁ vindati sūta disvā, pucchāmi taṁ mātali devasārathi; Ime nu maccā kimakaṁsu pāpaṁ, yeme janā vetaraṇiṁ patanti”.

Tassa puṭṭho viyākāsi, mātali devasārathi; Vipākaṁ pāpakammānaṁ, jānaṁ akkhāsijānato.

“Ye dubbale balavantā jīvaloke, hiṁsanti rosanti supāpadhammā;
supāpadhammā → supāpadhammino (mr) Te luddakammā pasavetva pāpaṁ, teme janā vetaraṇiṁ patanti”.

“Sāmā ca soṇā sabalā ca gijjhā, kākolasaṅghā adanti bheravā;
adanti → adenti (bj, sya1ed, sya2ed, pts-vp-pli1) Bhayañhi maṁ vindati sūta disvā, pucchāmi taṁ mātali devasārathi; Ime nu maccā kimakaṁsu pāpaṁ, yeme jane kākolasaṅghā adanti”.

Tassa puṭṭho viyākāsi, mātali devasārathi; Vipākaṁ pāpakammānaṁ, jānaṁ akkhāsijānato.

“Ye kecime maccharino kadariyā, paribhāsakā samaṇabrāhmaṇānaṁ; Hiṁsanti rosanti supāpadhammā, te luddakammā pasavetva pāpaṁ; Teme jane kākolasaṅghā adanti”.

“Sajotibhūtā pathaviṁ kamanti, tattehi khandhehi ca pothayanti; Bhayañhi maṁ vindati sūta disvā, pucchāmi taṁ mātali devasārathi; Ime nu maccā kimakaṁsu pāpaṁ, yeme janā khandhahatā sayanti”.

Tassa puṭṭho viyākāsi, mātali devasārathi; Vipākaṁ pāpakammānaṁ, jānaṁ akkhāsijānato.

“Ye jīvalokasmi supāpadhammino, narañca nāriñca apāpadhammaṁ; Hiṁsanti rosanti supāpadhammā, te luddakammā pasavetva pāpaṁ; Teme janā khandhahatā sayanti”.

“Aṅgārakāsuṁ apare phuṇanti, narā rudantā paridaḍḍhagattā;
phuṇanti → thunanti (bj, sya1ed, sya2ed); phunanti (pts-vp-pli1) Bhayañhi maṁ vindati sūta disvā, pucchāmi taṁ mātali devasārathi; Ime nu maccā kimakaṁsu pāpaṁ, yeme janā aṅgārakāsuṁ phuṇanti”.

Tassa puṭṭho viyākāsi, mātali devasārathi; Vipākaṁ pāpakammānaṁ, jānaṁ akkhāsijānato.

“Ye keci pūgāya dhanassa hetu, sakkhiṁ karitvā iṇaṁ jāpayanti;
pūgāya dhanassa → pūgāyatanassa (bj, pts-vp-pli1) Te jāpayitvā janataṁ janinda, te luddakammā pasavetva pāpaṁ; Teme janā aṅgārakāsuṁ phuṇanti”.

“Sajotibhūtā jalitā padittā, padissati mahatī lohakumbhī; Bhayañhi maṁ vindati sūta disvā, pucchāmi taṁ mātali devasārathi; Ime nu maccā kimakaṁsu pāpaṁ, yeme janā avaṁsirā lohakumbhiṁ patanti”.

Tassa puṭṭho viyākāsi, mātali devasārathi; Vipākaṁ pāpakammānaṁ, jānaṁ akkhāsijānato.

“Ye sīlavantaṁ samaṇaṁ brāhmaṇaṁ vā, hiṁsanti rosanti supāpadhammā;
sīlavantaṁ → sīlavaṁ (pts-vp-pli1) Te luddakammā pasavetva pāpaṁ, teme janā avaṁsirā lohakumbhiṁ patanti”.

“Luñcanti gīvaṁ atha veṭhayitvā, uṇhodakasmiṁ pakiledayitvā;
veṭhayitvā → aviveṭhayitvā (mr) pakiledayitvā → pakilodayitvā (sya1ed, sya2ed); pakilotayitvā (csp1ed) Bhayañhi maṁ vindati sūta disvā, pucchāmi taṁ mātali devasārathi; Ime nu maccā kimakaṁsu pāpaṁ, yeme janā luttasirā sayanti”.

Tassa puṭṭho viyākāsi, mātali devasārathi; Vipākaṁ pāpakammānaṁ, jānaṁ akkhāsijānato.

“Ye jīvalokasmi supāpadhammino, pakkhī gahetvāna viheṭhayanti te; Viheṭhayitvā sakuṇaṁ janinda, te luddakammā pasavetva pāpaṁ; Teme janā luttasirā sayanti”.

“Pahūtatoyā anigādhakūlā, nadī ayaṁ sandati suppatitthā;
anigādhakūlā → anikhātakūlā (bj, sya1ed, sya2ed, pts-vp-pli1) Ghammābhitattā manujā pivanti, pītañca tesaṁ bhusa hoti pāni.
pītañca → pivatañca (bj, sya1ed, sya2ed, pts-vp-pli1, mr)

Bhayañhi maṁ vindati sūta disvā, pucchāmi taṁ mātali devasārathi; Ime nu maccā kimakaṁsu pāpaṁ, pītañca tesaṁ bhusa hoti pāni”.

Tassa puṭṭho viyākāsi, mātali devasārathi; Vipākaṁ pāpakammānaṁ, jānaṁ akkhāsijānato.

“Ye suddhadhaññaṁ palāsena missaṁ, asuddhakammā kayino dadanti; Ghammābhitattāna pipāsitānaṁ, pītañca tesaṁ bhusa hoti pāni”.

“Usūhi sattīhi ca tomarehi, dubhayāni passāni tudanti kandataṁ; Bhayañhi maṁ vindati sūta disvā, pucchāmi taṁ mātali devasārathi; Ime nu maccā kimakaṁsu pāpaṁ, yeme janā sattihatā sayanti”.

Tassa puṭṭho viyākāsi, mātali devasārathi; Vipākaṁ pāpakammānaṁ, jānaṁ akkhāsijānato.

“Ye jīvalokasmi asādhukammino, adinnamādāya karonti jīvikaṁ; Dhaññaṁ dhanaṁ rajataṁ jātarūpaṁ, ajeḷakañcāpi pasuṁ mahiṁsaṁ;
mahiṁsaṁ → mahīsaṁ (bj, pts-vp-pli1) Te luddakammā pasavetva pāpaṁ, teme janā sattihatā sayanti”.

“Gīvāya baddhā kissa ime puneke, aññe vikantā bilakatā sayanti;
vikantā → vikattā (bj, pts-vp-pli1) | sayanti → puneke (bj, pts-vp-pli1) Bhayañhi maṁ vindati sūta disvā, pucchāmi taṁ mātali devasārathi; Ime nu maccā kimakaṁsu pāpaṁ, yeme janā bilakatā sayanti”.

Tassa puṭṭho viyākāsi, mātali devasārathi; Vipākaṁ pāpakammānaṁ, jānaṁ akkhāsijānato.

“Orabbhikā sūkarikā ca macchikā, pasuṁ mahiṁsañca ajeḷakañca; Hantvāna sūnesu pasārayiṁsu, te luddakammā pasavetva pāpaṁ; Teme janā bilakatā sayanti”.

“Rahado ayaṁ muttakarīsapūro, duggandharūpo asuci pūti vāti; Khudāparetā manujā adanti, bhayañhi maṁ vindati sūta disvā; Pucchāmi taṁ mātali devasārathi, ime nu maccā kimakaṁsu pāpaṁ; Yeme janā muttakarīsabhakkhā”.

Tassa puṭṭho viyākāsi, mātali devasārathi; Vipākaṁ pāpakammānaṁ, jānaṁ akkhāsijānato.

“Ye kecime kāraṇikā virosakā, paresaṁ hiṁsāya sadā niviṭṭhā; Te luddakammā pasavetva pāpaṁ, mittadduno mīḷhamadanti bālā”.

“Rahado ayaṁ lohitapubbapūro, duggandharūpo asuci pūti vāti; Ghammābhitattā manujā pivanti, bhayañhi maṁ vindati sūta disvā; Pucchāmi taṁ mātali devasārathi, ime nu maccā kimakaṁsu pāpaṁ; Yeme janā lohitapubbabhakkhā”.

Tassa puṭṭho viyākāsi, mātali devasārathi; Vipākaṁ pāpakammānaṁ, jānaṁ akkhāsijānato.

“Ye mātaraṁ vā pitaraṁ vā jīvaloke, pārājikā arahante hananti;
pitaraṁ vā jīvaloke → pitaraṁ va loke (pts-vp-pli1) Te luddakammā pasavetva pāpaṁ, teme janā lohitapubbabhakkhā”.

“Jivhañca passa baḷisena viddhaṁ, vihataṁ yathā saṅkusatena cammaṁ; Phandanti macchāva thalamhi khittā, muñcanti kheḷaṁ rudamānā kimete.

Bhayañhi maṁ vindati sūta disvā, pucchāmi taṁ mātali devasārathi; Ime nu maccā kimakaṁsu pāpaṁ, yeme janā vaṅkaghastā sayanti”.

Tassa puṭṭho viyākāsi, mātali devasārathi; Vipākaṁ pāpakammānaṁ, jānaṁ akkhāsijānato.

“Ye keci sandhānagatā manussā, agghena agghaṁ kayaṁ hāpayanti;
sandhānagatā → santhānagatā (bj, pts-vp-pli1); saṇṭhānagatā (sya1ed, sya2ed) Kuṭena kuṭaṁ dhanalobhahetu, channaṁ yathā vāricaraṁ vadhāya.

Na hi kuṭakārissa bhavanti tāṇā, sakehi kammehi purakkhatassa; Te luddakammā pasavetva pāpaṁ, teme janā vaṅkaghastā sayanti”.

“Nārī imā samparibhinnagattā, paggayha kandanti bhuje dujaccā; Sammakkhitā lohitapubbalittā, gāvo yathā āghātane vikantā;
Sammakkhitā → samakkhitā (sya1ed, sya2ed); samakkhikā (mr) Tā bhūmibhāgasmiṁ sadā nikhātā, khandhātivattanti sajotibhūtā.

Bhayañhi maṁ vindati sūta disvā, pucchāmi taṁ mātali devasārathi; Imā nu nāriyo kimakaṁsu pāpaṁ, yā bhūmibhāgasmiṁ sadā nikhātā; Khandhātivattanti sajotibhūtā”.

Tassa puṭṭho viyākāsi, mātali devasārathi; Vipākaṁ pāpakammānaṁ, jānaṁ akkhāsijānato.

“Kolitthiyāyo idha jīvaloke, asuddhakammā asataṁ acāruṁ;
Kolitthiyāyo → koliniyāyo (bj); kolīniyāyo (pts-vp-pli1) Tā dittarūpā pati vippahāya, aññaṁ acāruṁ ratikhiḍḍahetu;
dittarūpā → dhuttarūpā (mr) Tā jīvalokasmiṁ ramāpayitvā, khandhātivattanti sajotibhūtā”.

“Pāde gahetvā kissa ime puneke, avaṁsirā narake pātayanti; Bhayañhi maṁ vindati sūta disvā, pucchāmi taṁ mātali devasārathi; Ime nu maccā kimakaṁsu pāpaṁ, yeme janā avaṁsirā narake pātayanti”.

Tassa puṭṭho viyākāsi, mātali devasārathi; Vipākaṁ pāpakammānaṁ, jānaṁ akkhāsijānato.

“Ye jīvalokasmi asādhukammino, parassa dārāni atikkamanti; Te tādisā uttamabhaṇḍathenā, teme janā avaṁsirā narake pātayanti.

Te vassapūgāni bahūni tattha, nirayesu dukkhaṁ vedanaṁ vedayanti; Na hi pāpakārissa bhavanti tāṇā, sakehi kammehi purakkhatassa;
pāpakārissa → kūṭakārissa (mr) Te luddakammā pasavetva pāpaṁ, teme janā avaṁsirā narake pātayanti”.

“Uccāvacāme vividhā upakkamā, nirayesu dissanti sughorarūpā; Bhayañhi maṁ vindati sūta disvā, pucchāmi taṁ mātali devasārathi; Ime nu maccā kimakaṁsu pāpaṁ, yeme janā adhimattā dukkhā tibbā; Kharā kaṭukā vedanā vedayanti”.

Tassa puṭṭho viyākāsi, mātali devasārathi; Vipākaṁ pāpakammānaṁ, jānaṁ akkhāsijānato.

“Ye jīvalokasmi supāpadiṭṭhino, vissāsakammāni karonti mohā; Parañca diṭṭhīsu samādapenti, te pāpadiṭṭhiṁ pasavetva pāpaṁ;
pāpadiṭṭhiṁ → pāpadiṭṭhī (bj, sya1ed, sya2ed); pāpadiṭṭhīsu (pts-vp-pli1) Teme janā adhimattā dukkhā tibbā, kharā kaṭukā vedanā vedayanti”.

“Viditāni te mahārāja, āvāsaṁ pāpakamminaṁ;
Viditāni → viditā (csp1ed) āvāsaṁ → āvāsā (csp1ed) Ṭhānāni luddakammānaṁ, dussīlānañca yā gati; Uyyāhi dāni rājīsi, devarājassa santike.

(…)
(…) → (nirayakaṇḍaṁ niṭṭhitaṁ) (bj)

Pañcathūpaṁ dissatidaṁ vimānaṁ, mālāpiḷandhā sayanassa majjhe; Tatthacchati nārī mahānubhāvā, uccāvacaṁ iddhi vikubbamānā”.

“Vittī hi maṁ vindati sūta disvā, pucchāmi taṁ mātali devasārathi; Ayaṁ nu nārī kimakāsi sādhuṁ, yā modati saggapattā vimāne”.

Tassa puṭṭho viyākāsi, mātali devasārathi; Vipākaṁ puññakammānaṁ, jānaṁ akkhāsijānato.

“Yadi te sutā bīraṇī jīvaloke, āmāyadāsī ahu brāhmaṇassa; Sā pattakāle atithiṁ viditvā, mātāva puttaṁ sakimābhinandī;
pattakāle → pattakālaṁ (bj, sya1ed, sya2ed, pts-vp-pli1) Saṁyamā saṁvibhāgā ca, sā vimānasmi modati.

Daddallamānā ābhenti, vimānā satta nimmitā;
ābhenti → ābhanti (sya1ed, sya2ed, mr) Tattha yakkho mahiddhiko, sabbābharaṇabhūsito; Samantā anupariyāti, nārīgaṇapurakkhato”.

“Vittī hi maṁ vindati sūta disvā, pucchāmi taṁ mātali devasārathi; Ayaṁ nu macco kimakāsi sādhuṁ, yo modati saggapatto vimāne”.

Tassa puṭṭho viyākāsi, mātali devasārathi; Vipākaṁ puññakammānaṁ, jānaṁ akkhāsijānato.

“Soṇadinno gahapati, esa dānapatī ahu; Esa pabbajituddissa, vihāre satta kārayi.

Sakkaccaṁ te upaṭṭhāsi, bhikkhavo tattha vāsike; Acchādanañca bhattañca, senāsanaṁ padīpiyaṁ; Adāsi ujubhūtesu, vippasannena cetasā.

Cātuddasiṁ pañcadasiṁ, yā ca pakkhassa aṭṭhamī; Pāṭihāriyapakkhañca, aṭṭhaṅgasusamāhitaṁ.

Uposathaṁ upavasī, sadā sīlesu saṁvuto; Saṁyamā saṁvibhāgā ca, so vimānasmi modati.

Pabhāsati midaṁ byamhaṁ, phalikāsu sunimmitaṁ;
phalikāsu → phaḷikāsu (pts-vp-pli1) Nārīvaragaṇākiṇṇaṁ, kūṭāgāravarocitaṁ; Upetaṁ annapānehi, naccagītehi cūbhayaṁ”.

“Vittī hi maṁ vindati sūta disvā, pucchāmi taṁ mātali devasārathi; Ime nu maccā kimakaṁsu sādhuṁ, ye modare saggapattā vimāne”.

Tassa puṭṭho viyākāsi, mātali devasārathi; Vipākaṁ puññakammānaṁ, jānaṁ akkhāsijānato.

“Yā kāci nāriyo idha jīvaloke, sīlavantiyo upāsikā; Dāne ratā niccaṁ pasannacittā, sacce ṭhitā uposathe appamattā; Saṁyamā saṁvibhāgā ca, tā vimānasmi modare”.

“Pabhāsati midaṁ byamhaṁ, veḷuriyāsu nimmitaṁ; Upetaṁ bhūmibhāgehi, vibhattaṁ bhāgaso mitaṁ.

Āḷambarā mudiṅgā ca, naccagītā suvāditā; Dibbā saddā niccharanti, savanīyā manoramā.

Nāhaṁ evaṅgataṁ jātu, evaṁsuruciraṁ pure;
jātu → jātaṁ (mr) evaṁsuruciraṁ → evaṁsuruciyaṁ (csp1ed) Saddaṁ samabhijānāmi, diṭṭhaṁ vā yadi vā sutaṁ.

Vittī hi maṁ vindati sūta disvā, pucchāmi taṁ mātali devasārathi; Ime nu maccā kimakaṁsu sādhuṁ, ye modare saggapattā vimāne”.

Tassa puṭṭho viyākāsi, mātali devasārathi; Vipākaṁ puññakammānaṁ, jānaṁ akkhāsijānato.

“Ye keci maccā idha jīvaloke, sīlavantā upāsakā;
sīlavantā → sīlavanto (bj, pts-vp-pli1) Ārāme udapāne ca, papā saṅkamanāni ca; Arahante sītibhūte, sakkaccaṁ paṭipādayuṁ.
Arahante sītibhūte → arahantesu sītibhūtesu (mr)

Cīvaraṁ piṇḍapātañca, paccayaṁ sayanāsanaṁ; Adaṁsu ujubhūtesu, vippasannena cetasā.

Cātuddasiṁ pañcadasiṁ, yā ca pakkhassa aṭṭhamī; Pāṭihāriyapakkhañca, aṭṭhaṅgasusamāhitaṁ.

Uposathaṁ upavasuṁ, sadā sīlesu saṁvutā; Saṁyamā saṁvibhāgā ca, te vimānasmi modare”.

“Pabhāsati midaṁ byamhaṁ, phalikāsu sunimmitaṁ; Nārīvaragaṇākiṇṇaṁ, kūṭāgāravarocitaṁ.

Upetaṁ annapānehi, naccagītehi cūbhayaṁ; Najjo cānupariyāti, nānāpupphadumāyutā.

Vittī hi maṁ vindati sūta disvā, pucchāmi taṁ mātali devasārathi; Ayaṁ nu macco kimakāsi sādhuṁ, yo modatī saggapatto vimāne”.

Tassa puṭṭho viyākāsi, mātali devasārathi; Vipākaṁ puññakammānaṁ, jānaṁ akkhāsijānato.

“Mithilāyaṁ gahapati, esa dānapatī ahu; Ārāme udapāne ca, papā saṅkamanāni ca; Arahante sītibhūte, sakkaccaṁ paṭipādayi.

Cīvaraṁ piṇḍapātañca, paccayaṁ sayanāsanaṁ; Adāsi ujubhūtesu, vippasannena cetasā.

Cātuddasiṁ pañcadasiṁ, yā ca pakkhassa aṭṭhamī; Pāṭihāriyapakkhañca, aṭṭhaṅgasusamāhitaṁ.

Uposathaṁ upavasī, sadā sīlesu saṁvuto; Saṁyamā saṁvibhāgā ca, so vimānasmi modati”.

“Pabhāsati midaṁ byamhaṁ, phalikāsu sunimmitaṁ; Nārīvaragaṇākiṇṇaṁ, kūṭāgāravarocitaṁ.

Upetaṁ annapānehi, naccagītehi cūbhayaṁ; Najjo cānupariyāti, nānāpupphadumāyutā.

Rājāyatanā kapitthā ca, ambā sālā ca jambuyo; Tindukā ca piyālā ca, dumā niccaphalā bahū.

Vittī hi maṁ vindati sūta disvā, pucchāmi taṁ mātali devasārathi; Ayaṁ nu macco kimakāsi sādhuṁ, yo modatī saggapatto vimāne”.

Tassa puṭṭho viyākāsi, mātali devasārathi; Vipākaṁ puññakammānaṁ, jānaṁ akkhāsijānato.

“Mithilāyaṁ gahapati, esa dānapatī ahu; Ārāme udapāne ca, papā saṅkamanāni ca; Arahante sītibhūte, sakkaccaṁ paṭipādayi.

Cīvaraṁ piṇḍapātañca, paccayaṁ sayanāsanaṁ; Adāsi ujubhūtesu, vippasannena cetasā.

Cātuddasiṁ pañcadasiṁ, yā ca pakkhassa aṭṭhamī; Pāṭihāriyapakkhañca, aṭṭhaṅgasusamāhitaṁ.

Uposathaṁ upavasī, sadā sīlesu saṁvuto; Saṁyamā saṁvibhāgā ca, so vimānasmi modati”.

“Pabhāsati midaṁ byamhaṁ, veḷuriyāsu nimmitaṁ; Upetaṁ bhūmibhāgehi, vibhattaṁ bhāgaso mitaṁ.

Āḷambarā mudiṅgā ca, naccagītā suvāditā; Dibyā saddā niccharanti, savanīyā manoramā.

Nāhaṁ evaṅgataṁ jātu, evaṁsuruciraṁ pure;
jātu → jātuṁ (pts-vp-pli1); jātaṁ (mr) Saddaṁ samabhijānāmi, diṭṭhaṁ vā yadi vā sutaṁ.

Vittī hi maṁ vindati sūta disvā, pucchāmi taṁ mātali devasārathi; Ayaṁ nu macco kimakāsi sādhuṁ, yo modatī saggapatto vimāne”.

Tassa puṭṭho viyākāsi, mātali devasārathi; Vipākaṁ puññakammānaṁ, jānaṁ akkhāsijānato.

“Bārāṇasiyaṁ gahapati, esa dānapatī ahu; Ārāme udapāne ca, papā saṅkamanāni ca; Arahante sītibhūte, sakkaccaṁ paṭipādayi.

Cīvaraṁ piṇḍapātañca, paccayaṁ sayanāsanaṁ; Adāsi ujubhūtesu, vippasannena cetasā.

Cātuddasiṁ pañcadasiṁ, yā ca pakkhassa aṭṭhamī; Pāṭihāriyapakkhañca, aṭṭhaṅgasusamāhitaṁ.

Uposathaṁ upavasī, sadā sīlesu saṁvuto; Saṁyamā saṁvibhāgā ca, so vimānasmi modati”.

“Yathā udayamādicco, hoti lohitako mahā; Tathūpamaṁ idaṁ byamhaṁ, jātarūpassa nimmitaṁ.

Vittī hi maṁ vindati sūta disvā, pucchāmi taṁ mātali devasārathi; Ayaṁ nu macco kimakāsi sādhuṁ, yo modatī saggapatto vimāne”.

Tassa puṭṭho viyākāsi, mātali devasārathi; Vipākaṁ puññakammānaṁ, jānaṁ akkhāsijānato.

“Sāvatthiyaṁ gahapati, esa dānapatī ahu; Ārāme udapāne ca, papā saṅkamanāni ca; Arahante sītibhūte, sakkaccaṁ paṭipādayi.

Cīvaraṁ piṇḍapātañca, paccayaṁ sayanāsanaṁ; Adāsi ujubhūtesu, vippasannena cetasā.

Cātuddasiṁ pañcadasiṁ, yā ca pakkhassa aṭṭhamī; Pāṭihāriyapakkhañca, aṭṭhaṅgasusamāhitaṁ.

Uposathaṁ upavasī, sadā sīlesu saṁvuto; Saṁyamā saṁvibhāgā ca, so vimānasmi modati”.

“Vehāyasāme bahukā, jātarūpassa nimmitā;
Vehāyasāme → vehāyasā me (csp1ed) Daddallamānā ābhenti, vijjuvabbhaghanantare.

(…)
(…) → tattha yakkhā mahiddhikā (?)

Vittī hi maṁ vindati sūta disvā, pucchāmi taṁ mātali devasārathi; Ime nu maccā kimakaṁsu sādhuṁ, ye modare saggapattā vimāne”.

Tassa puṭṭho viyākāsi, mātali devasārathi; Vipākaṁ puññakammānaṁ, jānaṁ akkhāsijānato.

“Saddhāya suniviṭṭhāya, saddhamme suppavedite; Akaṁsu satthu vacanaṁ, sammāsambuddhasāsane;
sammāsambuddhasāsane → sammāsambuddhasāvakā (sya1ed, sya2ed); sammāsambuddhasāsanaṁ (pts-vp-pli1) Tesaṁ etāni ṭhānāni, yāni tvaṁ rāja passasi.

Viditāni te mahārāja, āvāsaṁ pāpakamminaṁ;
Viditāni → viditā (pts-vp-pli1, csp1ed) āvāsaṁ → āvāsā (pts-vp-pli1, csp1ed) Atho kalyāṇakammānaṁ, ṭhānāni viditāni te; Uyyāhi dāni rājīsi, devarājassa santike”.

Sahassayuttaṁ hayavāhiṁ, dibbayānamadhiṭṭhito; Yāyamāno mahārājā, addā sīdantare nage; Disvānāmantayī sūtaṁ, “ime ke nāma pabbatā”.

Tassa puṭṭho viyākāsi, mātali devasārathi;
Tassa puṭṭho viyākāsi … → ayaṁ gāthā si, sya1ed, sya2ed, pts1ed potthakesu aṭṭhakathāyañca na Vipākaṁ puññakammānaṁ, jānaṁ akkhāsijānato

“Sudassano karavīko, īsadharo yugandharo;
īsadharo → isindharo (sya1ed, sya2ed); īsandharo (mr) Nemindharo vinatako, assakaṇṇo girī brahā.

Ete sīdantare nagā, anupubbasamuggatā; Mahārājānamāvāsā, yāni tvaṁ rāja passasi”.

“Anekarūpaṁ ruciraṁ, nānācitraṁ pakāsati; Ākiṇṇaṁ indasadisehi, byaggheheva surakkhitaṁ.
surakkhitaṁ → purakkhitaṁ (sya1ed, sya2ed, mr)

Vittī hi maṁ vindati sūta disvā, pucchāmi taṁ mātali devasārathi; Imaṁ nu dvāraṁ kimabhaññamāhu, manorama dissati dūratova”.
kimabhaññamāhu → kimabhiññamāhu (bj, pts-vp-pli1) manorama dissati dūratova → ayaṁ pāṭho sya1ed, sya2ed potthakeyeva

Tassa puṭṭho viyākāsi, mātali devasārathi; Vipākaṁ puññakammānaṁ, jānaṁ akkhāsijānato.

“Citrakūṭoti yaṁ āhu, devarājapavesanaṁ; Sudassanassa girino, dvārañhetaṁ pakāsati.

Anekarūpaṁ ruciraṁ, nānācitraṁ pakāsati; Ākiṇṇaṁ indasadisehi, byaggheheva surakkhitaṁ; Pavisetena rājīsi, arajaṁ bhūmimakkama”.

Sahassayuttaṁ hayavāhiṁ, dibbayānamadhiṭṭhito; Yāyamāno mahārājā, addā devasabhaṁ idaṁ.

“Yathā sarade ākāse, nīlobhāso padissati;
ākāse → ākāso (bj, sya1ed, sya2ed, pts-vp-pli1) Tathūpamaṁ idaṁ byamhaṁ, veḷuriyāsu nimmitaṁ.

Vittī hi maṁ vindati sūta disvā, pucchāmi taṁ mātali devasārathi; Imaṁ nu byamhaṁ kimabhaññamāhu, manorama dissati dūratova”.
kimabhaññamāhu → kimabhiññamāhu (bj, pts-vp-pli1)

Tassa puṭṭho viyākāsi, mātali devasārathi; Vipākaṁ puññakammānaṁ, jānaṁ akkhāsijānato.

“Sudhammā iti yaṁ āhu, passesā dissate sabhā;
passesā → esesā (sya1ed, sya2ed, mr) Veḷuriyārucirā citrā, dhārayanti sunimmitā.

Aṭṭhaṁsā sukatā thambhā, sabbe veḷuriyāmayā; Yattha devā tāvatiṁsā, sabbe indapurohitā.

Atthaṁ devamanussānaṁ, cintayantā samacchare; Pavisetena rājīsi, devānaṁ anumodanaṁ”.

Taṁ devā paṭinandiṁsu, disvā rājānamāgataṁ; “Svāgataṁ te mahārāja, atho te adurāgataṁ; Nisīda dāni rājīsi, devarājassa santike”.

Sakkopi paṭinandittha, vedehaṁ mithilaggahaṁ;
paṭinandittha → paṭinanditvā (mr) Nimantayittha kāmehi, āsanena ca vāsavo.

“Sādhu khosi anuppatto, āvāsaṁ vasavattinaṁ; Vasa devesu rājīsi, sabbakāmasamiddhisu; Tāvatiṁsesu devesu, bhuñja kāme amānuse”.

“Yathā yācitakaṁ yānaṁ, yathā yācitakaṁ dhanaṁ; Evaṁsampadamevetaṁ, yaṁ parato dānapaccayā.

Na cāhametamicchāmi, yaṁ parato dānapaccayā; Sayaṅkatāni puññāni, taṁ me āveṇikaṁ dhanaṁ.
āveṇikaṁ → āveṇiyaṁ (bj, pts-vp-pli1); āveniyaṁ (sya1ed, sya2ed); āvenikaṁ (mr)

Sohaṁ gantvā manussesu, kāhāmi kusalaṁ bahuṁ; Dānena samacariyāya, saṁyamena damena ca; Yaṁ katvā sukhito hoti, na ca pacchānutappati”.

“Bahūpakāro no bhavaṁ, mātali devasārathi; Yo me kalyāṇakammānaṁ, pāpānaṁ paṭidassayi”.
pāpānaṁ paṭidassayi → pāpāni paṭidassayi (bj); paṭidaṁsayīti (pts-vp-pli1)

Idaṁ vatvā nimirājā, vedeho mithilaggaho; Puthuyaññaṁ yajitvāna, saṁyamaṁ ajjhupāgamīti.

Nimijātakaṁ catutthaṁ.
Nimijātakaṁ → nemirājajātakaṁ (sya1ed, sya2ed)