2. Sāṇavāsītherapetavatthu
Sāṇavāsītherapetavatthu → sānuvāsīpetavatthu (bj); sānuvāsittherapetavatthu (sya1ed, sya2ed)
Kuṇḍināgariyo thero, sāṇavāsinivāsiko;
sāṇavāsinivāsiko → sānuvāsi nivāsino (bj); sānavāsinivāsiko (sya1ed, sya2ed); sānuvāsinivāsano (pts-vp-pli1); sānuvāsinivāsiko (pts-vp-pli2) Poṭṭhapādoti nāmena, samaṇo bhāvitindriyo.Tassa mātā pitā bhātā, duggatā yamalokikā; Pāpakammaṁ karitvāna, petalokaṁ ito gatā.
Te duggatā sūcikaṭṭā, kilantā naggino kisā; Uttasantā mahattāsā, na dassenti kurūrino.
Uttasantā → ottappantā (sya1ed, sya2ed, mr) | mahattāsā → mahātāsā (bj, pts-vp-pli1-2) kurūrino → kuruddino (mr)Tassa bhātā vitaritvā, naggo ekapathekako; Catukuṇḍiko bhavitvāna, therassa dassayītumaṁ.
Thero cāmanasikatvā, tuṇhībhūto atikkami; So ca viññāpayī theraṁ, “bhātā petagato ahaṁ.
Mātā pitā ca te bhante, duggatā yamalokikā; Pāpakammaṁ karitvāna, petalokaṁ ito gatā.
Te duggatā sūcikaṭṭā, kilantā naggino kisā; Uttasantā mahattāsā, na dassenti kurūrino.
Anukampassu kāruṇiko, datvā anvādisāhi no; Tava dinnena dānena, yāpessanti kurūrino”ti.
Thero caritvā piṇḍāya, bhikkhū aññe ca dvādasa; Ekajjhaṁ sannipatiṁsu, bhattavissaggakāraṇā.
Thero sabbeva te āha, “yathāladdhaṁ dadātha me; Saṅghabhattaṁ karissāmi, anukampāya ñātinaṁ”.
Niyyādayiṁsu therassa, thero saṅghaṁ nimantayi; Datvā anvādisi thero, mātu pitu ca bhātuno; “Idaṁ me ñātīnaṁ hotu, sukhitā hontu ñātayo”.
Samanantarānuddiṭṭhe, bhojanaṁ udapajjatha; Suciṁ paṇītaṁ sampannaṁ, anekarasabyañjanaṁ.
Tato uddassayī bhātā, vaṇṇavā balavā sukhī;
uddassayī → uddisayī (bj, mr); uddissati (sya1ed, sya2ed, pts-vp-pli1-2, mr) “Pahūtaṁ bhojanaṁ bhante, passa naggāmhase mayaṁ; Tathā bhante parakkama, yathā vatthaṁ labhāmase”ti.Thero saṅkārakūṭamhā, uccinitvāna nantake; Pilotikaṁ paṭaṁ katvā, saṅghe cātuddise adā.
Datvā anvādisī thero, mātu pitu ca bhātuno; “Idaṁ me ñātīnaṁ hotu, sukhitā hontu ñātayo”.
Samanantarānuddiṭṭhe, vatthāni udapajjisuṁ; Tato suvatthavasano, therassa dassayītumaṁ.
“Yāvatā nandarājassa, vijitasmiṁ paṭicchadā; Tato bahutarā bhante, vatthānacchādanāni no.
Koseyyakambalīyāni, khoma kappāsikāni ca; Vipulā ca mahagghā ca, tepākāsevalambare.
Te mayaṁ paridahāma, yaṁ yaṁ hi manaso piyaṁ; Tathā bhante parakkama, yathā gehaṁ labhāmase”ti.
Thero paṇṇakuṭiṁ katvā, saṅghe cātuddise adā; Datvā anvādisī thero, mātu pitu ca bhātuno; “Idaṁ me ñātīnaṁ hotu, sukhitā hontu ñātayo”.
Samanantarānuddiṭṭhe, gharāni udapajjisuṁ; Kūṭāgāranivesanā, vibhattā bhāgaso mitā.
“Na manussesu īdisā, yādisā no gharā idha; Api dibbesu yādisā, tādisā no gharā idha.
Daddallamānā ābhenti, samantā caturo disā;
ābhenti → ābhanti (bj, mr) Tathā bhante parakkama, yathā pānīyaṁ labhāmase”ti.Thero karaṇaṁ pūretvā, saṅghe cātuddise adā;
karaṇaṁ → karakaṁ (bj, sya1ed, sya2ed, pts-vp-pli1-2) Datvā anvādisī thero, mātu pitu ca bhātuno; “Idaṁ me ñātīnaṁ hotu, sukhitā hontu ñātayo”.Samanantarānuddiṭṭhe, pānīyaṁ udapajjatha; Gambhīrā caturassā ca, pokkharañño sunimmitā.
Sītodikā suppatitthā, sītā appaṭigandhiyā; Padumuppalasañchannā, vārikiñjakkhapūritā.
Tattha nhatvā pivitvā ca, therassa paṭidassayuṁ; “Pahūtaṁ pānīyaṁ bhante, pādā dukkhā phalanti no”.
“Āhiṇḍamānā khañjāma, sakkhare kusakaṇṭake; ‘Tathā bhante parakkama, yathā yānaṁ labhāmase’”ti.
Thero sipāṭikaṁ laddhā, saṅghe cātuddise adā; Datvā anvādisī thero, mātu pitu ca bhātuno; “Idaṁ me ñātīnaṁ hotu, sukhitā hontu ñātayo”.
Samanantarānuddiṭṭhe, petā rathena māgamuṁ; “Anukampitamha bhadante, bhattenacchādanena ca.
Gharena pānīyadānena, yānadānena cūbhayaṁ; Muniṁ kāruṇikaṁ loke, bhante vanditumāgatā”ti.
