“Veḷuriyathambhaṁ ruciraṁ pabhassaraṁ, vimānamāruyha anekacittaṁ; Tatthacchasi devi mahānubhāve, pathaddhani pannaraseva cando.
pathaddhani → samantato (si, mr)

Vaṇṇo ca te kanakassa sannibho, uttattarūpo bhusa dassaneyyo; Pallaṅkaseṭṭhe atule nisinnā, ekā tuvaṁ natthi ca tuyha sāmiko.

Imā ca te pokkharaṇī samantā, pahūtamalyā bahupuṇḍarīkā;
pahūtamalyā → pahūtamālā (bj); pahūtamāsā (sya1ed, sya2ed, pts-vp-pli1) Suvaṇṇacuṇṇehi samantamotthatā, na tattha paṅko paṇako ca vijjati.

Haṁsā cime dassanīyā manoramā, udakasmimanupariyanti sabbadā; Samayya vaggūpanadanti sabbe, bindussarā dundubhīnaṁva ghoso.

Daddallamānā yasasā yasassinī, nāvāya ca tvaṁ avalamba tiṭṭhasi; Āḷārapamhe hasite piyaṁvade, sabbaṅgakalyāṇi bhusaṁ virocasi.

Idaṁ vimānaṁ virajaṁ same ṭhitaṁ, uyyānavantaṁ ratinandivaḍḍhanaṁ;
uyyānavantaṁ → uyyānavanaṁ (sya1ed, sya2ed, mr) Icchāmahaṁ nāri anomadassane, tayā saha nandane idha moditun”ti.

“Karohi kammaṁ idha vedanīyaṁ, cittañca te idha nihitaṁ bhavatu;
nihitaṁ bhavatu → nitañca hotu (sya1ed, sya2ed); natañca hotu (mr) Katvāna kammaṁ idha vedanīyaṁ, evaṁ mamaṁ lacchasi kāmakāminin”ti.

“Sādhū”ti so tassā paṭissuṇitvā, akāsi kammaṁ tahiṁ vedanīyaṁ; Katvāna kammaṁ tahiṁ vedanīyaṁ, upapajji so māṇavo tassā sahabyatanti.

Rathakārapetivatthu tatiyaṁ.
Bhāṇavāraṁ dutiyaṁ.