10. Dhātuvivaṇṇapetavatthu
Dhātuvivaṇṇapetavatthu → dhātuvivaṇṇikapetavatthu (bj); dhātuvivaṇṇakapetavatthu (pts-vp-pli1-2)
“Antalikkhasmiṁ tiṭṭhanto, duggandho pūti vāyasi; Mukhañca te kimayo pūtigandhaṁ, khādanti kiṁ kammamakāsi pubbe.
Tato satthaṁ gahetvāna, okkantanti punappunaṁ; Khārena paripphositvā, okkantanti punappunaṁ.
Kiṁ nu kāyena vācāya, manasā dukkaṭaṁ kataṁ; Kissa kammavipākena, idaṁ dukkhaṁ nigacchasī”ti.
“Ahaṁ rājagahe ramme, ramaṇīye giribbaje; Issaro dhanadhaññassa, supahūtassa mārisa.
Tassāyaṁ me bhariyā ca, dhītā ca suṇisā ca me; Tā mālaṁ uppalañcāpi, paccagghañca vilepanaṁ; Thūpaṁ harantiyo vāresiṁ, taṁ pāpaṁ pakataṁ mayā.
Chaḷāsītisahassāni, mayaṁ paccattavedanā; Thūpapūjaṁ vivaṇṇetvā, paccāma niraye bhusaṁ.
Ye ca kho thūpapūjāya, vattante arahato mahe; Ādīnavaṁ pakāsenti, vivecayetha ne tato.
vivecayetha → vivecayatha (bj) | ne → no (sya1ed, sya2ed, pts-vp-pli1)Imā ca passa āyantiyo, māladhārī alaṅkatā; Mālāvipākaṁnubhontiyo, samiddhā ca tā yasassiniyo.
Mālāvipākaṁnubhontiyo → mālāvipākaṁ anubhonti (bj); mālāvipākaṁ anubhontiyo (sya2ed, pts-vp-pli1-2) samiddhā ca tā → samiddhā tā (bj, sya1ed, sya2ed, pts-vp-pli1-2)Tañca disvāna accheraṁ, abbhutaṁ lomahaṁsanaṁ; Namo karonti sappaññā, vandanti taṁ mahāmuniṁ.
Sohaṁ nūna ito gantvā, yoniṁ laddhāna mānusiṁ; Thūpapūjaṁ karissāmi, appamatto punappunan”ti.
Dhātuvivaṇṇapetavatthu dasamaṁ.
Abhijjamāno kuṇḍiyo, rathakārī bhusena ca;
kuṇḍiyo → koṇḍañño (bj, sya1ed, sya2ed) Kumāro gaṇikā ceva, dve luddā piṭṭhipūjanā; Vaggo tena pavuccatīti.
