Rājā piṅgalako nāma, suraṭṭhānaṁ adhipati ahu; Moriyānaṁ upaṭṭhānaṁ gantvā, suraṭṭhaṁ punarāgamā.

Uṇhe majjhanhike kāle, rājā paṅkaṁ upāgami;
majjhanhike → majjhantike (sabbattha) paṅkaṁ → vaṅkaṁ (pts-vp-pli2, mr) Addasa maggaṁ ramaṇīyaṁ, petānaṁ taṁ vaṇṇupathaṁ.
vaṇṇupathaṁ → vaṇṇanāpathaṁ (bj, sya1ed, sya2ed, pts-vp-pli1-2)

Sārathiṁ āmantayī rājā—

“Ayaṁ maggo ramaṇīyo, khemo sovatthiko sivo; Iminā sārathi yāma, suraṭṭhānaṁ santike ito”.

Tena pāyāsi soraṭṭho, senāya caturaṅginiyā; Ubbiggarūpo puriso, soraṭṭhaṁ etadabravi.

“Kummaggaṁ paṭipannamhā, bhiṁsanaṁ lomahaṁsanaṁ; Purato dissati maggo, pacchato ca na dissati.

Kummaggaṁ paṭipannamhā, yamapurisāna santike; Amānuso vāyati gandho, ghoso suyyati dāruṇo”.
suyyati → sūyati (bj, sya1ed, sya2ed, pts-vp-pli1-2)

Saṁviggo rājā soraṭṭho, sārathiṁ etadabravi; “Kummaggaṁ paṭipannamhā, bhiṁsanaṁ lomahaṁsanaṁ; Purato dissati maggo, pacchato ca na dissati.

Kummaggaṁ paṭipannamhā, yamapurisāna santike; Amānuso vāyati gandho, ghoso suyyati dāruṇo”.

Hatthikkhandhaṁ samāruyha, olokento catuddisaṁ;
catuddisaṁ → catuddisā (sya1ed, sya2ed, pts-vp-pli1, mr) Addasa nigrodhaṁ ramaṇīyaṁ, pādapaṁ chāyāsampannaṁ;
Addasa nigrodhaṁ ramaṇīyaṁ → rukkhaṁ nigrodhaṁ (sya1ed, sya2ed, mr) Nīlabbhavaṇṇasadisaṁ, meghavaṇṇasirīnibhaṁ.

Sārathiṁ āmantayī rājā, “kiṁ eso dissati brahā; Nīlabbhavaṇṇasadiso, meghavaṇṇasirīnibho”.

“Nigrodho so mahārāja, pādapo chāyāsampanno; Nīlabbhavaṇṇasadiso, meghavaṇṇasirīnibho”.

Tena pāyāsi soraṭṭho, yena so dissate brahā; Nīlabbhavaṇṇasadiso, meghavaṇṇasirīnibho.

Hatthikkhandhato oruyha, rājā rukkhaṁ upāgami; Nisīdi rukkhamūlasmiṁ, sāmacco saparijjano; Pūraṁ pānīyasarakaṁ, pūve vitte ca addasa.

Puriso ca devavaṇṇī, sabbābharaṇabhūsito; Upasaṅkamitvā rājānaṁ, soraṭṭhaṁ etadabravi.

“Svāgataṁ te mahārāja, atho te adurāgataṁ; Pivatu devo pānīyaṁ, pūve khāda arindama”.

Pivitvā rājā pānīyaṁ, sāmacco saparijjano; Pūve khāditvā pitvā ca, soraṭṭho etadabravi.

“Devatā nusi gandhabbo, adu sakko purindado; Ajānantā taṁ pucchāma, kathaṁ jānemu taṁ mayan”ti.

“Nāmhi devo na gandhabbo, nāpi sakko purindado;
Nāmhi → namhi (bj, sya1ed, sya2ed, pts-vp-pli1-2) nāpi → napi (bj); namhi (mr) Peto ahaṁ mahārāja, suraṭṭhā idha māgato”ti.

“Kiṁsīlo kiṁsamācāro, suraṭṭhasmiṁ pure tuvaṁ; Kena te brahmacariyena, ānubhāvo ayaṁ tavā”ti.

“Taṁ suṇohi mahārāja, arindama raṭṭhavaḍḍhana; Amaccā pārisajjā ca, brāhmaṇo ca purohito.

Suraṭṭhasmiṁ ahaṁ deva, puriso pāpacetaso; Micchādiṭṭhi ca dussīlo, kadariyo paribhāsako.

Dadantānaṁ karontānaṁ, vārayissaṁ bahujjanaṁ; Aññesaṁ dadamānānaṁ, antarāyakaro ahaṁ.

Vipāko natthi dānassa, saṁyamassa kuto phalaṁ;
kuto → kule (sya1ed, sya2ed, pts-vp-pli1, mr) Natthi ācariyo nāma, adantaṁ ko damessati.

Samatulyāni bhūtāni, kuto jeṭṭhāpacāyiko; Natthi balaṁ vīriyaṁ vā, kuto uṭṭhānaporisaṁ.

Natthi dānaphalaṁ nāma, na visodheti verinaṁ; Laddheyyaṁ labhate macco, niyatipariṇāmajaṁ.
niyatipariṇāmajaṁ → niyatipariṇāmajā (bj, pts-vp-pli2, mr); nīyati pariṇāmajaṁ (sya1ed, sya2ed, pts-vp-pli1)

Natthi mātā pitā bhātā, loko natthi ito paraṁ; Natthi dinnaṁ natthi hutaṁ, sunihitaṁ na vijjati.

Yopi haneyya purisaṁ, parassa chindate siraṁ;
parassa → purisassa (sya1ed, sya2ed, mr) | chindate → chindite (sya1ed, pts-vp-pli1); chinde (mr) Na koci kañci hanati, sattannaṁ vivaramantare.

Acchejjābhejjo hi jīvo, aṭṭhaṁso guḷaparimaṇḍalo;
Acchejjābhejjo hi → acchejjabhejjo (bj, pts-vp-pli1-2); acchejjo abhejjo (sya1ed, sya2ed); acchejjabhejjo si (mr) Yojanānaṁ sataṁ pañca, ko jīvaṁ chettumarahati.

Yathā suttaguḷe khitte, nibbeṭhentaṁ palāyati; Evamevaṁ ca so jīvo, nibbeṭhento palāyati.

Yathā gāmato nikkhamma, aññaṁ gāmaṁ pavīsati; Evamevaṁ ca so jīvo, aññaṁ bondiṁ pavīsati.

Yathā gehato nikkhamma, aññaṁ gehaṁ pavīsati; Evamevaṁ ca so jīvo, aññaṁ bondiṁ pavīsati.

Cullāsīti mahākappino, satasahassāni hi;
Cullāsīti → cūḷāsīti (bj, sya1ed, sya2ed, pts-vp-pli1-2, mr) | mahākappino → mahākappuno (bj, pts-vp-pli2) Ye bālā ye ca paṇḍitā, saṁsāraṁ khepayitvāna; Dukkhassantaṁ karissare.

Mitāni sukhadukkhāni, doṇehi piṭakehi ca; Jino sabbaṁ pajānāti, sammūḷhā itarā pajā.

Evaṁdiṭṭhi pure āsiṁ, sammūḷho mohapāruto; Micchādiṭṭhi ca dussīlo, kadariyo paribhāsako.

Oraṁ me chahi māsehi, kālakiriyā bhavissati; Ekantakaṭukaṁ ghoraṁ, nirayaṁ papatissahaṁ.

Catukkaṇṇaṁ catudvāraṁ, vibhattaṁ bhāgaso mitaṁ; Ayopākārapariyantaṁ, ayasā paṭikujjitaṁ.

Tassa ayomayā bhūmi, jalitā tejasā yutā; Samantā yojanasataṁ, pharitvā tiṭṭhati sabbadā.

Vassāni satasahassāni, ghoso suyyati tāvade;
Vassāni satasahassāni → vassasatasahassāni (bj, sya1ed, sya2ed, pts-vp-pli1) Lakkho eso mahārāja, satabhāgavassakoṭiyo.

Koṭisatasahassāni, niraye paccare janā; Micchādiṭṭhī ca dussīlā, ye ca ariyūpavādino.

Tatthāhaṁ dīghamaddhānaṁ, dukkhaṁ vedissa vedanaṁ; Phalaṁ pāpassa kammassa, tasmā socāmahaṁ bhusaṁ.

Taṁ suṇohi mahārāja, arindama raṭṭhavaḍḍhana; Dhītā mayhaṁ mahārāja, uttarā bhaddamatthu te.

Karoti bhaddakaṁ kammaṁ, sīlesuposathe ratā; Saññatā saṁvibhāgī ca, vadaññū vītamaccharā.

Akhaṇḍakārī sikkhāya, suṇhā parakulesu ca; Upāsikā sakyamunino, sambuddhassa sirīmato.

Bhikkhu ca sīlasampanno, gāmaṁ piṇḍāya pāvisi; Okkhittacakkhu satimā, guttadvāro susaṁvuto.

Sapadānaṁ caramāno, agamā taṁ nivesanaṁ; ‘Tamaddasa mahārāja, uttarā bhaddamatthu te’.

Pūraṁ pānīyasarakaṁ, pūve vitte ca sā adā; ‘Pitā me kālakato bhante, tassetaṁ upakappatu’.

Samanantarānuddiṭṭhe, vipāko udapajjatha; Bhuñjāmi kāmakāmīhaṁ, rājā vessavaṇo yathā.

Taṁ suṇohi mahārāja, arindama raṭṭhavaḍḍhana; Sadevakassa lokassa, buddho aggo pavuccati; Taṁ buddhaṁ saraṇaṁ gaccha, saputtadāro arindama.

Aṭṭhaṅgikena maggena, phusanti amataṁ padaṁ; Taṁ dhammaṁ saraṇaṁ gaccha, saputtadāro arindama.

Cattāro ca paṭipannā, cattāro ca phale ṭhitā;
ca paṭipannā → maggapaṭipannā (si, pts1ed, pts2ed) Esa saṅgho ujubhūto, paññāsīlasamāhito; Taṁ saṅghaṁ saraṇaṁ gaccha, saputtadāro arindama.

Pāṇātipātā viramassu khippaṁ, loke adinnaṁ parivajjayassu; Amajjapo mā ca musā abhāṇi, sakena dārena ca hohi tuṭṭho”ti.

“Atthakāmosi me yakkha, hitakāmosi devate; Karomi tuyhaṁ vacanaṁ, tvaṁsi ācariyo mama.

Upemi saraṇaṁ buddhaṁ, dhammañcāpi anuttaraṁ; Saṅghañca naradevassa, gacchāmi saraṇaṁ ahaṁ.

Pāṇātipātā viramāmi khippaṁ, loke adinnaṁ parivajjayāmi; Amajjapo no ca musā bhaṇāmi, sakena dārena ca homi tuṭṭho.

Ophuṇāmi mahāvāte, nadiyā sīghagāmiyā;
Ophuṇāmi → opuṇāmi (bj, pts-vp-pli2); ophunāmi (sya1ed, sya2ed, mr); odhunāmi (pts-vp-pli1); opunāmi (?) Vamāmi pāpikaṁ diṭṭhiṁ, buddhānaṁ sāsane rato”.

Idaṁ vatvāna soraṭṭho, viramitvā pāpadassanā;
pāpadassanā → pāpadassanaṁ (sya1ed, sya2ed, pts-vp-pli1, mr) Namo bhagavato katvā, pāmokkho rathamāruhīti.

Nandakapetavatthu tatiyaṁ.