“Uṭṭhehi revate supāpadhamme, apārutadvāre adānasīle;
Uṭṭhehi → vi. va. 863 (cck note) apārutadvāre → apārutaṁ dvāraṁ (bj) | dvāraṁ → apārutadvāre (bj: machasaṁ) Nessāma taṁ yattha thunanti duggatā, samappitā nerayikā dukhenā”ti.
dukhenāti → dukhena (bj) | samappitā → samajjatā (cck: sī.)

Icceva vatvāna yamassa dūtā, te dve yakkhā lohitakkhā brahantā;
Icceva → iccevaṁ (sya1ed, sya2ed, mr) | dūtā → yakkhā duve lohitabhakkhā (bj: machasaṁ) | Icceva → iccevaṁ (cck: syā. ka.) Paccekabāhāsu gahetvā revataṁ, pakkāmayuṁ devagaṇassa santike.
gahetvā revataṁ → gahetvāna revatiṁ (bj)

“Ādiccavaṇṇaṁ ruciraṁ pabhassaraṁ, byamhaṁ subhaṁ kañcanajālachannaṁ;
byamhaṁ → khyamhaṁ (bj) Kassetamākiṇṇajanaṁ vimānaṁ, suriyassa raṁsīriva jotamānaṁ.

Nārīgaṇā candanasāralittā, ubhato vimānaṁ upasobhayanti;
candanasāralittā → candanasārānulittā (sya1ed, sya2ed) | candanasāralittā → candanasārānulittā (cck: syā.) Taṁ dissati suriyasamānavaṇṇaṁ, ko modati saggapatto vimāne”ti.

“Bārāṇasiyaṁ nandiyo nāmāsi, upāsako amaccharī dānapati vadaññū;
nāmāsi upāsako → nāmupāsako (bj) | nāmupāsako → nāmāsī upāsako (bj: __sīmu1__) dānapati → dānapatī (bj) Tassetamākiṇṇajanaṁ vimānaṁ, suriyassa raṁsīriva jotamānaṁ.

Nārīgaṇā candanasāralittā, ubhato vimānaṁ upasobhayanti; Taṁ dissati suriyasamānavaṇṇaṁ, so modati saggapatto vimāne”ti.

“Nandiyassāhaṁ bhariyā, agārinī sabbakulassa issarā; Bhattu vimāne ramissāmi dānahaṁ, na patthaye nirayadassanāyā”ti.
bhattu vimāne → bhattuvidhāne (bj) | dānahaṁ → dānihaṁ (bj: machasaṁ) nirayadassanāyāti → nirayaṁ dassanāya (bj)

“Eso te nirayo supāpadhamme, puññaṁ tayā akataṁ jīvaloke;
eso → esohi (bj: machasaṁ) Na hi maccharī rosako pāpadhammo, saggūpagānaṁ labhati sahabyatan”ti.
labhati sahabyatanti kiṁ nu → labhatī sahavyataṁ kinnu (bj) | saggūpagānaṁ → saggamaggānaṁ (bj: machasaṁ)

“Kiṁ nu gūthañca muttañca, asucī paṭidissati;
asucī paṭidissati → asuci patidissati (bj) Duggandhaṁ kimidaṁ mīḷhaṁ, kimetaṁ upavāyatī”ti.
mīḷhaṁ → mīḷahaṁ (bj) upavāyatīti → upavāyati (bj)

“Esa saṁsavako nāma, gambhīro sataporiso; Yattha vassasahassāni, tuvaṁ paccasi revate”ti.
revateti kiṁ nu → revate kinnu (bj)

“Kiṁ nu kāyena vācāya, manasā dukkaṭaṁ kataṁ; Kena saṁsavako laddho, gambhīro sataporiso”ti.

“Samaṇe brāhmaṇe cāpi, aññe vāpi vanibbake;
vāpi vanibbake → cāpi vaṇibbake (bj) Musāvādena vañcesi, taṁ pāpaṁ pakataṁ tayā.

Tena saṁsavako laddho, gambhīro sataporiso; Tattha vassasahassāni, tuvaṁ paccasi revate.

Hatthepi chindanti athopi pāde, kaṇṇepi chindanti athopi nāsaṁ;
nāsaṁ → tāsaṁ (bj) Athopi kākoḷagaṇā samecca, saṅgamma khādanti viphandamānan”ti.
viphandamānanti → viphandamānaṁ (bj)

“Sādhu kho maṁ paṭinetha, kāhāmi kusalaṁ bahuṁ; Dānena samacariyāya, saṁyamena damena ca; Yaṁ katvā sukhitā honti, na ca pacchānutappare”ti.

“Pure tuvaṁ pamajjitvā, idāni paridevasi; Sayaṁ katānaṁ kammānaṁ, vipākaṁ anubhossasī”ti.
anubhossasīti → anubhossasi (bj)

“Ko devalokato manussalokaṁ, gantvāna puṭṭho me evaṁ vadeyya; ‘Nikkhittadaṇḍesu dadātha dānaṁ, acchādanaṁ seyya mathannapānaṁ;
seyya → sayana (bj, sya1ed, sya2ed, pts-vp-pli1-2) | sayana → seyya (bj: __sīmu2__) | seyya → sayana (cck: sī.) Na hi maccharī rosako pāpadhammo, saggūpagānaṁ labhati sahabyataṁ’.

Sāhaṁ nūna ito gantvā, yoniṁ laddhāna mānusiṁ; Vadaññū sīlasampannā, kāhāmi kusalaṁ bahuṁ; Dānena samacariyāya, saṁyamena damena ca.

Ārāmāni ca ropissaṁ, dugge saṅkamanāni ca; Papañca udapānañca, vippasannena cetasā.

Cātuddasiṁ pañcadasiṁ, yā ca pakkhassa aṭṭhamī;
aṭṭhamī → aṭṭhamiṁ (bj) Pāṭihāriyapakkhañca, aṭṭhaṅgasusamāgataṁ.

Uposathaṁ upavasissaṁ, sadā sīlesu saṁvutā; Na ca dāne pamajjissaṁ, sāmaṁ diṭṭhamidaṁ mayā”ti.
mayāti → mayaṁ (bj)

Iccevaṁ vippalapantiṁ, phandamānaṁ tato tato; Khipiṁsu niraye ghore, uddhampādaṁ avaṁsiraṁ.
uddhampādaṁ → uddhapādaṁ (bj)

“Ahaṁ pure maccharinī ahosiṁ, paribhāsikā samaṇabrāhmaṇānaṁ; Vitathena ca sāmikaṁ vañcayitvā, paccāmahaṁ niraye ghorarūpe”ti.

Revatīpetavatthu catutthaṁ.