“Idaṁ mama ucchuvanaṁ mahantaṁ, nibbattati puññaphalaṁ anappakaṁ; Taṁ dāni me na paribhogameti, ācikkha bhante kissa ayaṁ vipāko.
Taṁ dāni me na → taṁ dāni ve (bj); taṁ dāni me (pts-vp-pli1-2); na dāni me taṁ (mr) | paribhogameti → paribhogaṁ na upeti (bj, pts-vp-pli1-2); paribhogaṁ upeti (sya1ed, sya2ed)

Haññāmi khajjāmi ca vāyamāmi, parisakkāmi paribhuñjituṁ kiñci;
Haññāmi → vihaññāmi (sya1ed, sya2ed, pts-vp-pli1, mr) | vāyamāmi → vāyamāmi ca (sya1ed, sya2ed, pts-vp-pli1) Svāhaṁ chinnathāmo kapaṇo lālapāmi, kissa kammassa ayaṁ vipāko.
kissa → kissassu (?)

Vighāto cāhaṁ paripatāmi chamāyaṁ, parivattāmi vāricarova ghamme; Rudato ca me assukā niggalanti, ācikkha bhante kissa ayaṁ vipāko.
Rudato → dūrato (sya1ed, sya2ed, mr)

Chāto kilanto ca pipāsito ca, santassito sātasukhaṁ na vinde; Pucchāmi taṁ etamatthaṁ bhadante, kathaṁ nu ucchuparibhogaṁ labheyyan”ti.

“Pure tuvaṁ kammamakāsi attanā, manussabhūto purimāya jātiyā; Ahañca taṁ etamatthaṁ vadāmi, sutvāna tvaṁ etamatthaṁ vijāna.

Ucchuṁ tuvaṁ khādamāno payāto, puriso ca te piṭṭhito anvagacchi; So ca taṁ paccāsanto kathesi, tassa tuvaṁ na kiñci ālapittha.

So ca taṁ abhaṇantaṁ ayāci, ‘Dehayya ucchun’ti ca taṁ avoca; Tassa tuvaṁ piṭṭhito ucchuṁ adāsi, tassetaṁ kammassa ayaṁ vipāko.

Iṅgha tvaṁ gantvāna piṭṭhito gaṇheyyāsi, gahetvāna taṁ khādassu yāvadatthaṁ;
gantvāna piṭṭhito gaṇheyyāsi → iṅgha tuvaṁ piṭṭhito gaṇha ucchuṁ (bj, pts-vp-pli1-2) Teneva tvaṁ attamano bhavissasi, haṭṭho cudaggo ca pamodito cā”ti.

Gantvāna so piṭṭhito aggahesi, gahetvāna taṁ khādi yāvadatthaṁ; Teneva so attamano ahosi, haṭṭho cudaggo ca pamodito cāti.

Ucchupetavatthu pañcamaṁ.