“Naggā dubbaṇṇarūpāttha, kisā dhamanisanthatā; Upphāsulikā kisikā, ke nu tumhettha mārisā”ti.
Upphāsulikā → upphāsūlikā (bj); uppāsuḷikā (mr)

“Mayaṁ bhadante petāmhā, duggatā yamalokikā; Pāpakammaṁ karitvāna, petalokaṁ ito gatā”ti.

“Kiṁ nu kāyena vācāya, manasā dukkaṭaṁ kataṁ; Kissa kammavipākena, petalokaṁ ito gatā”ti.

“Anāvaṭesu titthesu, vicinimhaddhamāsakaṁ; Santesu deyyadhammesu, dīpaṁ nākamha attano.

Nadiṁ upema tasitā, rittakā parivattati; Chāyaṁ upema uṇhesu, ātapo parivattati.

Aggivaṇṇo ca no vāto, ḍahanto upavāyati; Etañca bhante arahāma, aññañca pāpakaṁ tato.

Api yojanāni gacchāma, chātā āhāragedhino;
Api yojanāni → adhiyojanāni (bj, mr) Aladdhāva nivattāma, aho no appapuññatā.

Chātā pamucchitā bhantā, bhūmiyaṁ paṭisumbhitā; Uttānā paṭikirāma, avakujjā patāmase.

Te ca tattheva patitā, bhūmiyaṁ paṭisumbhitā;
tattheva patitā → tattha papahitā (mr) Uraṁ sīsañca ghaṭṭema, aho no appapuññatā.

Etañca bhante arahāma, aññañca pāpakaṁ tato; Santesu deyyadhammesu, dīpaṁ nākamha attano.

Te hi nūna ito gantvā, yoniṁ laddhāna mānusiṁ; Vadaññū sīlasampannā, kāhāma kusalaṁ bahun”ti.

Gaṇapetavatthu dasamaṁ.