“Tirokuṭṭesu tiṭṭhanti, sandhisiṅghāṭakesu ca;
Tirokuṭṭesu → tirokuḍḍesu (bj, sya1ed, sya2ed, pts-vp-pli1-2) Dvārabāhāsu tiṭṭhanti, āgantvāna sakaṁ gharaṁ.

Pahūte annapānamhi, khajjabhojje upaṭṭhite; Na tesaṁ koci sarati, sattānaṁ kammapaccayā.

Evaṁ dadanti ñātīnaṁ, ye honti anukampakā; Suciṁ paṇītaṁ kālena, kappiyaṁ pānabhojanaṁ; ‘Idaṁ vo ñātīnaṁ hotu, sukhitā hontu ñātayo’.

Te ca tattha samāgantvā, ñātipetā samāgatā; Pahūte annapānamhi, sakkaccaṁ anumodare.

‘Ciraṁ jīvantu no ñātī, yesaṁ hetu labhāmase; Amhākañca katā pūjā, dāyakā ca anipphalā’.

Na hi tattha kasī atthi, gorakkhettha na vijjati; Vaṇijjā tādisī natthi, hiraññena kayākayaṁ;
kayākayaṁ → kayākkayaṁ (bj, mr); kayakkayaṁ (pts-vp-pli1-2); kayokayaṁ (18Kh:69) Ito dinnena yāpenti, petā kālagatā tahiṁ.
kālagatā → kālakatā (bj, sya1ed, sya2ed, pts-vp-pli1-2)

Unname udakaṁ vuṭṭhaṁ, yathā ninnaṁ pavattati; Evamevaṁ ito dinnaṁ, petānaṁ upakappati.

Yathā vārivahā pūrā, paripūrenti sāgaraṁ; Evamevaṁ ito dinnaṁ, petānaṁ upakappati.

‘Adāsi me akāsi me, ñāti mittā sakhā ca me’;
mittā → ñāti mitto (?) Petānaṁ dakkhiṇaṁ dajjā, pubbe katamanussaraṁ.

Na hi ruṇṇaṁ vā soko vā, yā caññā paridevanā; Na taṁ petānamatthāya, evaṁ tiṭṭhanti ñātayo.

Ayañca kho dakkhiṇā dinnā, saṅghamhi suppatiṭṭhitā; Dīgharattaṁ hitāyassa, ṭhānaso upakappati.

So ñātidhammo ca ayaṁ nidassito, petāna pūjā ca katā uḷārā; Balañca bhikkhūnamanuppadinnaṁ, tumhehi puññaṁ pasutaṁ anappakan”ti.

Tirokuṭṭapetavatthu pañcamaṁ.