6. Pañcaputtakhādapetivatthu
Pañcaputtakhādapetivatthu → … khādakapetavatthu (bj, pts-vp-pli1-2); … khādikapetavatthu (sya1ed, sya2ed)
“Naggā dubbaṇṇarūpāsi, duggandhā pūti vāyasi; Makkhikāhi parikiṇṇā, kā nu tvaṁ idha tiṭṭhasī”ti.
Makkhikāhi parikiṇṇā → makkhikā parikiṇṇāva (bj, pts-vp-pli1-2)“Ahaṁ bhadante petīmhi, duggatā yamalokikā;
bhadante → bhaddante (pts-vp-pli1, mr) Pāpakammaṁ karitvāna, petalokaṁ ito gatā.Kālena pañca puttāni, sāyaṁ pañca punāpare; Vijāyitvāna khādāmi, tepi nā honti me alaṁ.
Pariḍayhati dhūmāyati, khudāya hadayaṁ mama;
khudāya → khuddāya (mr) Pānīyaṁ na labhe pātuṁ, passa maṁ byasanaṁ gatan”ti.“Kiṁ nu kāyena vācāya, manasā dukkaṭaṁ kataṁ; Kissa kammavipākena, puttamaṁsāni khādasī”ti.
“Sapatī me gabbhinī āsi, tassā pāpaṁ acetayiṁ;
Sapatī → sapattī (bj, pts-vp-pli2) Sāhaṁ paduṭṭhamanasā, akariṁ gabbhapātanaṁ.Tassā dvemāsiko gabbho, lohitaññeva pagghari; Tadassā mātā kupitā, mayhaṁ ñātī samānayi; Sapathañca maṁ kāresi, paribhāsāpayī ca maṁ.
Sāhaṁ ghorañca sapathaṁ, musāvādaṁ abhāsisaṁ; Puttamaṁsāni khādāmi, sace taṁ pakataṁ mayā.
Tassa kammassa vipākena, musāvādassa cūbhayaṁ;
kammassa vipākena → kammavipākena (sya1ed, sya2ed, pts-vp-pli1-2, mr) Puttamaṁsāni khādāmi, pubbalohitamakkhitā”ti.
