“Vipassī nāma bhagavā, lokajeṭṭho narāsabho; Aṭṭhasaṭṭhisahassehi, pāvisi bandhumaṁ tadā.

Nagarā abhinikkhamma, agamaṁ dīpacetiyaṁ; Addasaṁ virajaṁ buddhaṁ, āhutīnaṁ paṭiggahaṁ.

Cullāsītisahassāni, yakkhā mayhaṁ upantike; Upaṭṭhahanti sakkaccaṁ, indaṁva tidasā gaṇā.
sakkaccaṁ → maṁ niccaṁ (mr)

Bhavanā abhinikkhamma, dussaṁ paggayhahaṁ tadā; Sirasā abhivādesiṁ, tañcādāsiṁ mahesino.

Aho buddhā aho dhammā, aho no satthu sampadā;
Aho buddhā aho dhammā → aho buddho aho dhammo (bj, csp1ed) Buddhassa ānubhāvena, vasudhāyaṁ pakampatha.

Tañca acchariyaṁ disvā, abbhutaṁ lomahaṁsanaṁ; Buddhe cittaṁ pasādemi, dvipadindamhi tādine.

Sohaṁ cittaṁ pasādetvā, dussaṁ datvāna satthuno; Saraṇañca upāgacchiṁ, sāmacco saparijjano.

Ekanavutito kappe, yaṁ kammamakariṁ tadā; Duggatiṁ nābhijānāmi, buddhapūjāyidaṁ phalaṁ.

Ito pannarase kappe, soḷasāsuṁ suvāhanā;
soḷasāsuṁ suvāhanā → soḷasāsiṁsu vāhanā (sya1ed, sya2ed, pts-vp-pli1) Sattaratanasampannā, cakkavattī mahabbalā.

Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṁ buddhassa sāsanaṁ”.

Itthaṁ sudaṁ āyasmā mahāparivārako thero imā gāthāyo abhāsitthāti.
mahāparivārako → mahāparivāro (bj, sya1ed, sya2ed, pts-vp-pli1)

Mahāparivārakattherassāpadānaṁ paṭhamaṁ.