“Atthadassī jinavaro, lokajeṭṭho narāsabho; Vihārā abhinikkhamma, taḷākaṁ upasaṅkami.

Nhatvā pitvā ca sambuddho, uttaritvekacīvaro; Aṭṭhāsi bhagavā tattha, vilokento disodisaṁ.

Bhavane upaviṭṭhohaṁ, addasaṁ lokanāyakaṁ; Haṭṭho haṭṭhena cittena, apphoṭesiṁ ahaṁ tadā.

Sataraṁsiṁva jotantaṁ, pabhāsantaṁva kañcanaṁ;
kañcanaṁ → iminā pādadvayena purimapādadvayassa purato Naccagīte payuttohaṁ, pañcaṅgatūriyamhi ca.

Yaṁ yaṁ yonupapajjāmi, devattaṁ atha mānusaṁ; Sabbe satte abhibhomi, vipulo hoti me yaso.
yaso → ayañca gāthā pariggahetigāthāya anantarameva ṭhātuṁ

Namo te purisājañña, namo te purisuttama; Attānaṁ tosayitvāna, pare tosesi tvaṁ muni.

Pariggahe nisīditvā, hāsaṁ katvāna subbate;
Pariggahe → pariggayha (bj); pariggahetvā (si); pariggahitvā (sya1ed, sya2ed); paṭiggahetvā (pts-vp-pli1); pariggahena (mr) Upaṭṭhahitvā sambuddhaṁ, tusitaṁ upapajjahaṁ.

Soḷaseto kappasate, dvinavaekacintitā; Sattaratanasampannā, cakkavattī mahabbalā.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā sumaṅgalo thero imā gāthāyo abhāsitthāti.

Sumaṅgalattherassāpadānaṁ dutiyaṁ.