“Ubhinnaṁ devarājūnaṁ, saṅgāmo samupaṭṭhito; Ahosi samupabyūḷho, mahāghoso avattatha.
samupabyūḷho → samupabbūḷho (bj, pts-vp-pli1); samupabyuḷho (sya1ed, sya2ed) avattatha → pavattatha (bj, pts-vp-pli1)

Padumuttaro lokavidū, āhutīnaṁ paṭiggaho; Antalikkhe ṭhito satthā, saṁvejesi mahājanaṁ.

Sabbe devā attamanā, nikkhittakavacāvudhā; Sambuddhaṁ abhivādetvā, ekaggāsiṁsu tāvade.

Mayhaṁ saṅkappamaññāya, vācāsabhimudīrayi;
Mayhaṁ → amhaṁ (bj, pts-vp-pli1) Anukampako lokavidū, nibbāpesi mahājanaṁ.

Paduṭṭhacitto manujo, ekapāṇaṁ viheṭhayaṁ; Tena cittappadosena, apāyaṁ upapajjati.

Saṅgāmasīse nāgova, bahū pāṇe viheṭhayaṁ; Nibbāpetha sakaṁ cittaṁ, mā haññittho punappunaṁ.

Dvinnampi yakkharājūnaṁ, senā sā vimhitā ahu;
vimhitā ahu → senāyo vimhitā ahū (bj); senāpi samitā ahu (sya1ed, sya2ed) Saraṇañca upāgacchuṁ, lokajeṭṭhaṁ sutādinaṁ.

Saññāpetvāna janataṁ, padamuddhari cakkhumā;
padamuddhari → uddhari pana (bj, sya1ed, sya2ed); uddharī pana (pts-vp-pli1) Pekkhamānova devehi, pakkāmi uttarāmukho.

Paṭhamaṁ saraṇaṁ gacchiṁ, dvipadindassa tādino; Kappānaṁ satasahassaṁ, duggatiṁ nupapajjahaṁ.

Mahādundubhināmā ca, soḷasāsuṁ rathesabhā; Tiṁsakappasahassamhi, rājāno cakkavattino.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā saraṇagamaniyo thero imā gāthāyo abhāsitthāti.
saraṇagamaniyo → saraṇagamanīyo (bj); saraṇāgamaniyo (pts-vp-pli1)

Saraṇagamaniyattherassāpadānaṁ tatiyaṁ.