“Yadā vipassī lokaggo, āyusaṅkhāramossaji; Pathavī sampakampittha, medanī jalamekhalā.

Otataṁ vitthataṁ mayhaṁ, suvicittavaṭaṁsakaṁ;
Otataṁ vitthataṁ → ogataṁ vitataṁ (sya1ed, sya2ed); otataṁ vitataṁ (pts-vp-pli1) suvicittavaṭaṁsakaṁ → suci cittaṁ papañcakaṁ (si, sya1ed, sya2ed); suvicittaṁ vaṭaṁsakaṁ (pts-vp-pli1) Bhavanampi pakampittha, buddhassa āyusaṅkhaye.

Tāso mayhaṁ samuppanno, bhavane sampakampite; Uppādo nu kimatthāya, āloko vipulo ahu.
Uppādo → uppāto (bj)

Vessavaṇo idhāgamma, nibbāpesi mahājanaṁ; Pāṇabhūte bhayaṁ natthi, ekaggā hotha saṁvutā.
Pāṇabhūte → pāṇabhūnaṁ (sya1ed, sya2ed, mr); pāṇabhūtaṁ (si, sya1ed, sya2ed, pts-vp-pli1) saṁvutā → sagāravā (sya1ed, sya2ed)

Aho buddhā aho dhammā, aho no satthu sampadā; Yasmiṁ uppajjamānamhi, pathavī sampakampati.
pathavī → paṭhavī (bj, sya1ed, sya2ed, pts-vp-pli1)

Buddhānubhāvaṁ kittetvā, kappaṁ saggamhi modahaṁ; Avasesesu kappesu, kusalaṁ caritaṁ mayā.
caritaṁ → karitaṁ (si, sya1ed, sya2ed); kāritaṁ (si, pts-vp-pli1, mr)

Ekanavutito kappe, yaṁ saññamalabhiṁ tadā; Duggatiṁ nābhijānāmi, buddhasaññāyidaṁ phalaṁ.

Ito cuddasakappamhi, rājā āsiṁ patāpavā; Samito nāma nāmena, cakkavattī mahabbalo.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā buddhasaññako thero imā gāthāyo abhāsitthāti.

Buddhasaññakattherassāpadānaṁ sattamaṁ.