“Padumuttarabuddhassa, sāvakā vanacārino; Vippanaṭṭhā brahāraññe, andhāva anusuyyare.
anusuyyare → anusūyare (bj)

Anussaritvā sambuddhaṁ, padumuttaranāyakaṁ; Tassa te munino puttā, vippanaṭṭhā mahāvane.

Bhavanā oruhitvāna, agamiṁ bhikkhusantikaṁ; Tesaṁ maggañca ācikkhiṁ, bhojanañca adāsahaṁ.

Tena kammena dvipadinda, lokajeṭṭha narāsabha; Jātiyā sattavassohaṁ, arahattamapāpuṇiṁ.

Sacakkhū nāma nāmena, dvādasa cakkavattino; Sattaratanasampannā, pañcakappasate ito.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā maggasaññako thero imā gāthāyo abhāsitthāti.

Maggasaññakattherassāpadānaṁ aṭṭhamaṁ.