“Atthadassimhi sugate, nibbute samanantarā; Yakkhayoniṁ upapajjiṁ, yasaṁ patto cahaṁ tadā.

Dulladdhaṁ vata me āsi, duppabhātaṁ duruṭṭhitaṁ;
āsi → āsiṁ (bj) Yaṁ me bhoge vijjamāne, parinibbāyi cakkhumā.

Mama saṅkappamaññāya, sāgaro nāma sāvako; Mamuddharitukāmo so, āgacchi mama santikaṁ.
āgacchi → āgañchi (sya-all, pts) | santikaṁ → santike (sya-all) | santikaṁ kiṁ → santike kin (pts) | santikaṁ → santike (bj: PTS, sī.selu, the)

Kiṁ nu socasi mā bhāyi, cara dhammaṁ sumedhasa;
bhāyi → bhāsi (bj) cara dhammaṁ sumedhasa → varadhammasumedhasa (pts) | dhammaṁ → varadhamma (bj: sī.selu) Anuppadinnā buddhena, sabbesaṁ bījasampadā.
bījasampadā → vijjasampadā (sya-all)

Yo ce pūjeyya sambuddhaṁ, tiṭṭhantaṁ lokanāyakaṁ;
ce → ca (bj, sya-all, pts) | yo → so (cck) tiṭṭhantaṁ → siddhatthaṁ (pts) Dhātuṁ sāsapamattampi, nibbutassāpi pūjaye.
sāsapamattampi → sāsapamattaṁ hi (bj, pts)

Same cittappasādamhi, samaṁ puññaṁ mahaggataṁ;
cittappasādamhi → cittappasādambhi (bj) Tasmā thūpaṁ karitvāna, pūjehi jinadhātuyo.
pūjehi → pūjesi (pts)

Sāgarassa vaco sutvā, buddhathūpaṁ akāsahaṁ; Pañcavasse paricariṁ, munino thūpamuttamaṁ.

Tena kammena dvipadinda, lokajeṭṭha narāsabha;
dvipadinda lokajeṭṭha narāsabha → dipadinde lokajeṭṭhe narāsabhe (bj) | dvipadinda → dipadinda (sya-all, pts) Sampattiṁ anubhotvāna, arahattamapāpuṇiṁ.
arahattamapāpuṇiṁ bhūripaññā ca → arahattaṁ apāpuṇiṁ bhūripaññāva (sya-all)

Bhūripaññā ca cattāro, sattakappasate ito; Sattaratanasampannā, cakkavattī mahabbalā.
mahabbalā → mahābalā (pts)

Paṭisambhidā catasso, …pe… kataṁ buddhassa sāsanaṁ”.
sāsanaṁ → sāsananti (sya-all)

Itthaṁ sudaṁ āyasmā paccupaṭṭhānasaññako thero imā gāthāyo abhāsitthāti.

Paccupaṭṭhānasaññakattherassāpadānaṁ navamaṁ.
paccupaṭṭhānasaññakattherassāpadānaṁ → paccupaṭṭhānasaññakattherassa apadānaṁ (bj)