“Jāyamāne vipassimhi, nimittaṁ byākariṁ ahaṁ; ‘Nibbāpayiñca janataṁ, buddho loke bhavissati.
Nibbāpayiñca → nibbāpayañca (bj, sya1ed, sya2ed, pts-vp-pli1); nibbāpayanto (?)

Yasmiñca jāyamānasmiṁ, dasasahassi kampati; So dāni bhagavā satthā, dhammaṁ deseti cakkhumā.

Yasmiñca jāyamānasmiṁ, āloko vipulo ahu; So dāni bhagavā satthā, dhammaṁ deseti cakkhumā.

Yasmiñca jāyamānasmiṁ, saritāyo na sandayuṁ;
sandayuṁ → sandisuṁ (bj, sya1ed, sya2ed, pts-vp-pli1) So dāni bhagavā satthā, dhammaṁ deseti cakkhumā.

Yasmiñca jāyamānasmiṁ, avīcaggi na pajjali; So dāni bhagavā satthā, dhammaṁ deseti cakkhumā.

Yasmiñca jāyamānasmiṁ, pakkhisaṅgho na sañcari; So dāni bhagavā satthā, dhammaṁ deseti cakkhumā.

Yasmiñca jāyamānasmiṁ, vātakkhandho na vāyati; So dāni bhagavā satthā, dhammaṁ deseti cakkhumā.

Yasmiñca jāyamānasmiṁ, sabbaratanāni jotayuṁ;
jotayuṁ → jotisuṁ (bj, sya1ed, sya2ed, pts-vp-pli1) So dāni bhagavā satthā, dhammaṁ deseti cakkhumā.

Yasmiñca jāyamānasmiṁ, sattāsuṁ padavikkamā; So dāni bhagavā satthā, dhammaṁ deseti cakkhumā.

Jātamatto ca sambuddho, disā sabbā vilokayi; Vācāsabhimudīresi, esā buddhāna dhammatā’.

Saṁvejayitvā janataṁ, thavitvā lokanāyakaṁ; Sambuddhaṁ abhivādetvā, pakkāmiṁ pācināmukho.

Ekanavutito kappe, yaṁ buddhamabhithomayiṁ; Duggatiṁ nābhijānāmi, thomanāya idaṁ phalaṁ.

Ito navutikappamhi, sammukhāthavikavhayo; Sattaratanasampanno, cakkavattī mahabbalo.

Pathavīdundubhi nāma, ekūnanavutimhito;
Pathavīdundubhi nāma → paṭhavidundubhināma (bj, pts-vp-pli1); paṭhavīduddasi nāma (mr) Sattaratanasampanno, cakkavattī mahabbalo.

Aṭṭhāsītimhito kappe, obhāso nāma khattiyo; Sattaratanasampanno, cakkavattī mahabbalo.

Sattāsītimhito kappe, saritacchedanavhayo; Sattaratanasampanno, cakkavattī mahabbalo.

Agginibbāpano nāma, kappānaṁ chaḷasītiyā; Sattaratanasampanno, cakkavattī mahabbalo.

Gatipacchedano nāma, kappānaṁ pañcasītiyā; Sattaratanasampanno, cakkavattī mahabbalo.

Rājā vātasamo nāma, kappānaṁ cullasītiyā; Sattaratanasampanno, cakkavattī mahabbalo.

Ratanapajjalo nāma, kappānaṁ teasītiyā; Sattaratanasampanno, cakkavattī mahabbalo.

Padavikkamano nāma, kappānaṁ dveasītiyā; Sattaratanasampanno, cakkavattī mahabbalo.

Rājā vilokano nāma, kappānaṁ ekasītiyā; Sattaratanasampanno, cakkavattī mahabbalo.

Girasāroti nāmena, kappesītimhi khattiyo; Sattaratanasampanno, cakkavattī mahabbalo.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā sammukhāthaviko thero imā gāthāyo abhāsitthāti.

Sammukhāthavikattherassāpadānaṁ pañcamaṁ.