“Nibbute lokanāthamhi, siddhatthe dvipaduttame;
dvipaduttame → dipaduttame (bj, sya1ed, pts-vp-pli1); dīpaduttame (sya2ed) Vitthārike pāvacane, bāhujaññamhi sāsane.

Pasannacitto sumano, sīhāsanamakāsahaṁ; Sīhāsanaṁ karitvāna, pādapīṭhamakāsahaṁ.

Sīhāsane ca vassante, gharaṁ tattha akāsahaṁ; Tena cittappasādena, tusitaṁ upapajjahaṁ.

Āyāmena catubbīsa- yojanaṁ āsi tāvade;
yojanaṁ āsi → yojanāsiṁsu (sya1ed, sya2ed, pts-vp-pli1, mr) Vimānaṁ sukataṁ mayhaṁ, vitthārena catuddasa.

Sataṁ kaññāsahassāni, parivārenti maṁ sadā;
Sataṁ → satta (sya1ed, sya2ed, pts-vp-pli1) Soṇṇamayañca pallaṅkaṁ, byamhe āsi sunimmitaṁ.

Hatthiyānaṁ assayānaṁ, dibbayānaṁ upaṭṭhitaṁ; Pāsādā sivikā ceva, nibbattanti yadicchakaṁ.

Maṇimayā ca pallaṅkā, aññe sāramayā bahū; Nibbattanti mamaṁ sabbe, sīhāsanassidaṁ phalaṁ.

Soṇṇamayā rūpimayā, phalikāveḷuriyāmayā; Pādukā abhirūhāmi, pādapīṭhassidaṁ phalaṁ.

Catunnavutito kappe, yaṁ kammamakariṁ tadā;
Catunnavutito → catunavute ito (bj, sya1ed, sya2ed, pts-vp-pli1) Duggatiṁ nābhijānāmi, puññakammassidaṁ phalaṁ.

Tesattatimhito kappe, indanāmā tayo janā; Dvesattatimhito kappe, tayo sumananāmakā.

Samasattatito kappe, tayo varuṇanāmakā; Sattaratanasampannā, catudīpamhi issarā.

Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṁ buddhassa sāsanaṁ”.

Itthaṁ sudaṁ āyasmā sīhāsanadāyako thero imā gāthāyo abhāsitthāti.

Sīhāsanadāyakattherassāpadānaṁ paṭhamaṁ.