“Himavantassāvidūre, vasabho nāma pabbato; Tasmiṁ pabbatapādamhi, assamo āsi māpito.

Tīṇi sissasahassāni, vācesiṁ brāhmaṇo tadā;
brāhmaṇo → brāhmaṇe (bj) Saṁharitvāna te sisse, ekamantaṁ upāvisiṁ.
Saṁharitvāna → saṁsāvetvāna (si, pts-vp-pli1); saṁsāvitvāna (sya1ed, sya2ed)

Ekamantaṁ nisīditvā, brāhmaṇo mantapāragū; Buddhavedaṁ gavesanto, ñāṇe cittaṁ pasādayiṁ.
gavesanto → pavesanto (mr)

Tattha cittaṁ pasādetvā, nisīdiṁ paṇṇasanthare; Pallaṅkaṁ ābhujitvāna, tattha kālaṅkato ahaṁ.

Ekattiṁse ito kappe, yaṁ saññamalabhiṁ tadā; Duggatiṁ nābhijānāmi, ñāṇasaññāyidaṁ phalaṁ.

Sattavīsatikappamhi, rājā siridharo ahu; Sattaratanasampanno, cakkavattī mahabbalo.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā rahosaññako thero imā gāthāyo abhāsitthāti.
rahosaññako → rahosaññiko (bj)

Rahosaññakattherassāpadānaṁ pañcamaṁ.