“Kaṇikāraṁva jotantaṁ, nisinnaṁ pabbatantare; Obhāsentaṁ disā sabbā, osadhiṁ viya tārakaṁ.
osadhiṁ viya tārakaṁ → osadhī viya tārakā (pts-vp-pli1, mr)

Tayo māṇavakā āsuṁ, sake sippe susikkhitā; Khāribhāraṁ gahetvāna, anventi mama pacchato.

Puṭake satta pupphāni, nikkhittāni tapassinā; Gahetvā tāni ñāṇamhi, vessabhussābhiropayiṁ.

Ekattiṁse ito kappe, yaṁ pupphamabhiropayiṁ; Duggatiṁ nābhijānāmi, ñāṇapūjāyidaṁ phalaṁ.

Ekūnatiṁsakappamhi, vipulābhasanāmako;
Ekūnatiṁsakappamhi → ekūnatiṁse kappamhi (bj, pts-vp-pli1) vipulābhasanāmako → vihatābhā sanāmako (sya1ed, sya2ed, pts-vp-pli1) Sattaratanasampanno, cakkavattī mahabbalo.
cakkavattī → cakkavatti (sya1ed, sya2ed); rājā hosi (mr)

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā campakapupphiyo thero imā gāthāyo abhāsitthāti.

Campakapupphiyattherassāpadānaṁ chaṭṭhaṁ.