“Padumuttarassa bhagavato, lokajeṭṭhassa tādino; Vatthaṁ khomaṁ mayā dinnaṁ, sayambhussa mahesino.

Taṁ me buddho viyākāsi, jalajuttaranāmako; ‘Iminā vatthadānena, hemavaṇṇo bhavissasi.

Dve sampattī anubhotvā, kusalamūlehi codito; Gotamassa bhagavato, kaniṭṭho tvaṁ bhavissasi.

Rāgaratto sukhasīlo, kāmesu gedhamāyuto; Buddhena codito santo, tadā tvaṁ pabbajissasi.
tadā → tato (sya1ed, sya2ed, pts-vp-pli1)

Pabbajitvāna tvaṁ tattha, kusalamūlena codito; Sabbāsave pariññāya, nibbāyissasināsavo’.

Satta kappasahassamhi, caturo ceḷanāmakā;
Satta → sata … (bj, sya1ed, sya2ed) Saṭṭhi kappasahassamhi, upacelā catujjanā.

Pañca kappasahassamhi, ceḷāva caturo janā; Sattaratanasampannā, catudīpamhi issarā.

Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṁ buddhassa sāsanaṁ”.

Itthaṁ sudaṁ āyasmā nando thero imā gāthāyo abhāsitthāti.

Nandattherassāpadānaṁ tatiyaṁ.