“Candaṁva vimalaṁ suddhaṁ, vippasannamanāvilaṁ; Nandībhavaparikkhīṇaṁ, tiṇṇaṁ loke visattikaṁ.

Nibbāpayantaṁ janataṁ, tiṇṇaṁ tārayataṁ varaṁ;
tiṇṇaṁ → disvā (?) | tārayataṁ varaṁ → tārayataṁ muniṁ (si, sya1ed, sya2ed); tārayataṁ muṇiṁ (pts-vp-pli1) Muniṁ vanamhi jhāyantaṁ, ekaggaṁ susamāhitaṁ.
vanamhi jhāyantaṁ → vanasmiṁ jhāyamānaṁ taṁ (bj); vanasmiṁ jhāyamānantaṁ (sya1ed, sya2ed, pts-vp-pli1)

Bandhujīvakapupphāni, lagetvā suttakenahaṁ; Buddhassa abhiropayiṁ, sikhino lokabandhuno.

Ekattiṁse ito kappe, yaṁ kammamakariṁ tadā; Duggatiṁ nābhijānāmi, buddhapūjāyidaṁ phalaṁ.

Ito sattamake kappe, manujindo mahāyaso; Samantacakkhu nāmāsi, cakkavattī mahabbalo.

Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṁ buddhassa sāsanaṁ”.

Itthaṁ sudaṁ āyasmā bandhujīvako thero imā gāthāyo abhāsitthāti.

Bandhujīvakattherassāpadānaṁ paṭhamaṁ.