“Siddhattho nāma bhagavā, lokajeṭṭho narāsabho; Purakkhato sāvakehi, nagaraṁ paṭipajjatha.

Rañño antepure āsiṁ, gopako abhisammato; Pāsāde upaviṭṭhohaṁ, addasaṁ lokanāyakaṁ.

Kaṇaveraṁ gahetvāna, bhikkhusaṅghe samokiriṁ;
Kaṇaveraṁ → karavīraṁ (sakkatānulomaṁ); kaṇavīraṁ (pākata) Buddhassa visuṁ katvāna, tato bhiyyo samokiriṁ.

Catunnavutito kappe, yaṁ pupphamabhipūjayiṁ;
pupphamabhipūjayiṁ → pupphamabhiropayiṁ (sya1ed, sya2ed) Duggatiṁ nābhijānāmi, buddhapūjāyidaṁ phalaṁ.

Sattāsītimhito kappe, caturāsuṁ mahiddhikā; Sattaratanasampannā, cakkavattī mahabbalā.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā kaṇaverapupphiyo thero imā gāthāyo abhāsitthāti.

Kaṇaverapupphiyattherassāpadānaṁ dutiyaṁ.